 قصيدة ..يافاطمه
(يافاطمه) ياحْساس روحي والمشاعر
يا حنين الشوق لك فاض الحنين
ليلة البارح \ قضيت الليل ساهر
أقنع أفكاري واحايلها تجين
بين حد العقل \وبين جنون شاعر
توقف الفكره ثوانيها سنين
أحترق واقف على اعصابي وناطر
مختلط بي ياس في قلب ٍ وعين
القلم \ عيّا يطاوع صدق خاطر
والشعر \ قاسي لوصفك ما يلين
لو يلين الحرف لك ذابت دفاتر
كل معنى فيك قال الله يعين
أو إذا أصبح مدى التعبير قاصر
يستحيل الشك \ في حسنك يقين
يعلم الله كم وصفت وكنت قادر؟
أكتبه \ بجنون منطق \ عاقلين
لحظه/ لحظه /دام انا للحين فاكر
قبل لا أنسى بوّدي تعرفين
قبل لا اعرفك وانا بالشعر/شاطر
ومن عرفتك وين انا والشعر \ وين؟
مرتبك /تايه /قلق /جداً /وحاير
كنّي \ (المسباح ) وتخْنقني يدين!
كل ما رتبت لك فوٌضة مشاعر
هبْت الأشواق / وبعثرني حنين
اخوكم
الوله77ان
| التوقيع | | 
| | 
