يا غاية المطلوب يا مهجة الروح
يالي عليك القلب دايم يهلي
يا زين يالي من الغنادير مملوح
يا روح روحي انت هرجك يسلي
مقبول عذرك يا هواء البال مسموح
مجبور اسامح وأتغاضى يا خلي
حيثك دخلت الروح في باب مفتوح
واصبحت عقبك ما اطيق التسلي
فرقى الحبايب يا لغضي يتلف الروح
ومن فارق الغالين يشوف ذلي
وشوف الحبايب يجعل القلب مشروح
والهم والأحزان عنه تولي
يا صاحبي شوفتك للقلب مصلوح
وماظن احد من شوف خله يملي
متى اشوفك ويتحقق شي طموح
طموحي على كل الطموح متعلي
يا صاحبي بالمجد لي صف واشبوح
والى طمان الأرض خله يولي
والمجد ما هو محرمن من عصر نوح
ولا يبلغ الغايات رجلن يذلي
يابوخدودن كنها النور بوضوح
نوره على كل الشوارع يطلي
خوذي كلام الصدق ما نعرف مزوح
من واحدن لا سن هرج ما يزلي
انت الأمل والقلب والعين والروح
وانت الغرام اللي بقلبي متعلي
ليتك تعالج يا لغضى قلب مجروح
بعدك مرض قلبي وقربك دولي
وختامها يا غاية القلب والروح ارجوك تسمح كان صاحبك زلي
