جاني الخبر يا صاحبي واظلم الكون
قدام عيني ثم نطقت الشهادة
على العموم أقولها ألف مليون
مبروك من قلب شكالك أبعاده
مبروك لا يهمك سواليف وضنون
من عاشق يهديك فرحة فؤاده
سوي الفرح اليوم وابليس ملعون
واللي يشب النار ينجني رماده
انا اول الناس على الصاله يلفون
واول معازيم الفرح والحداده
ابشري انا برزف في عرسك بالهون
كلا يعبر عن فرحته باجتهاده
ولو الملا برزفتي يقولون مزيون
المشكلة ان القلب يفضح وداده
يوم العذارى في دخولك يغنون
والمعرس باحلى ثياب الفرح السعاده
كنت اتمنى بداله والله اكون
واحط انا كفي تحت راسك وساده
واشلون ابكتم صرختي يوم تمشون
تكفين اخذيني بصدرج قلاده
حتى معازيم الفرح قاموا يمشون
واصبحت انا وحدي بدون استفاده
وطفوا على النور من غير يدرون
صالة الافراح يا قبر (حمد) ومهاده
وصيتي لو جاك ولد وانا امون
سميه لك (حمد) قبل الولاده
ابي رأيكم....
