شمر ليا شان اللغى والدخن ثاع
روس الحرار تهدها وتهبدها
شمر ودايع نجد شمر هل الباع
شمر هل الناموس شمر وحدها
شمر هل الردات يا خليف بتاع
شمر حمول الخيل شمر سندها
شمر هل الجولات يا صكت القاع
شمر تعدل المايله من سعدها
شمر طعونه تقصف العمر ووساع
يا جردت بسيوفها من غمدها
شمر زهوا زهيد للموت قطاع
شمر تمس من العوارف عقدها
شمر تقود القوم مع كل الاوساع
شمر تشب بنارها من وقدها
شمر زحازيح الجبل ما به اساع
شمر هل الجولات يثبت عددها
شمر خلف عقبان وصقور وسباع
شمر تدله بالمعادي كردها
شمر طنايا طرفة العمر بياع
شمر تخز عقابها مع لبدها
شمر ليا دكت على القوم تنزاع
شمر سلايل لابة مابعدها
شمر تعلت يوم شالع وشلاع
شمر تبث زروعها وتحصدها
شمر ليا هاز الوطن كل طماع
شمر رواق البيت شمر عمدها
شمر هل الفزعه مغاوير الابداع
شمر به التاريخ قال وحمدها
توضيح ارجو ان لم يسبقني من الاخوان اليه احد.......
قديما عند اهل الباديه حيث نقاء القلوب وصدق النيه
كان الرجل يذكر طيب خصمه
فكان الشخص لايجحد الفعل الطيّب حتى لو كان خصمه هو من فعل هذا الفعل
والشواهد على ذلك كثيره لايتسع الوقت لذكره
لكن للاسف بالوقت هذا اصبح نكران الطيب ونسبه الى غير اصحابه امر سهل
اثناء تجوالي في محرك "قوقل " العظيم 
650) {this.width=650;this.alt='أضغط على الصورة لعرضها بالكامل';}" border=0>
لفت نضري موضوع عند ابناء قبيلة مطير ويتحدث عن قتل مطير للشيخ مطلق الديدب
وهو من شيوخ وفرسان قبيلة عنزه
حتى انهم اسمو مكان قبره ب "نقرة الديدب"
انا هنا اتسائل هل هم قاصدين هذا الشي ؟.
او ان المعلومه وصلتهم عن طريق الخطأ؟
فان كان الاحتمال الاول فعلى الدنيا السلام
وان كان الثاني نحن هنا لتوضيح ماوقعو به
والفاصل بيننا وبينهم قبيلة عنزه650) {this.width=650;this.alt='أضغط على الصورة لعرضها بالكامل';}" border=0>
يااخوان مطلق الديدب قتل امام شمّر
بمعركة المقطيه
وسميت المقطيه بسبب ان بن رشيد ربط مطلق واربعين رجل معه وقتلهم بيده
والمقط هو الربط عند اهل الباديه
وسبب المعركه ان مطلق اعتدا على نزل من شمر فقتل رجالهم
ويقال انه بعدما قتل الرجال جمع النساء فقال ان انتخيتن من بوه تنتخن
قالن الحريم ببن رشيد
قال الديدب شفنوه وراكن وبالفعل وصل العلم للجنازه وغزاه وحصل بينهم معركه ونتج عنه ماذكرناه سابقا
مع العلم ان شمر انذاك زعلو على الجنازه فلم يريدو منه فعل مافعله بالديدب
ولكم الشكر
اضافه
عتيبي مو شمري للتوضيح 
