يا الله احنا ف هذي الدنيا ما نحس ببعض ما نسأل عن بعض حتى أفكار بعض نتجاهلها
ليه ما نكون ناس متعاونه تحب الخير ليه ما نسأل عن بعض ليه ما تكون صداقتنا بمعنى الصداقة الحقيقي
ليه ما نكون يد وحده تعطي وما تستني احد يعطيها
في هدي الدنيا لما قالوا عجائب والله قالوها وهم صادقين
وهدا المواقف إلي صارلي وحبيت تشاركوني فيه
ابغا ارائكم
ومساعدتكم
لاني من جد بحاجتها
وطلبي منكم الرد والقراءة فقط ومابغاكم تنقلوها
هذا الموقف صارلي ف أيامي الأولى ف الجامعة
تعرفت ع وحده وصارت اعز صديقاتي من أخلاقها واحترامها وتواضعها مرت الأيام صرت مااجلس مع أي احد غيرها من يوم اخلص محاضراتي اروح لها واجلس معاها
مع ان طبعي اجتماعي وما احب اني اجلس مع وحده بس احب الجمعات
لاكن كان ف البنت هدي سر
مع مرووووور الايام قويت علاقتي معاها وصرنا كل وحده بير للتانيه
ومع الايام كنت الاحظ انها دايما تفكر وسرحانه حتى شكلها مو زي كل يوم كنت اسئلها تصرفني وتقولي ما نمت او أي تصريفه بس انا كنت احس ان الموضوع فيه شي
بصراحه حسيت اني نفرت منها شويه
بس مع مرور الأيام قالت لي الموضوع
من جد حسيت أن ربي أعطانا نعم كتييييير بس إحنا مو حاسين فيها امكن الموقف ما يأثر فيكم لانكم ماعشتوا فيه بس با النسبه ليه والله كل يوم وانا افكر فيه حتى النوم ما انام زي الناس
بس مشاء الله عليها البنت أخلاق و كرم وشيك ودايما تنصحني تقولي ابتسامه صح اني مااعرف فكره النت لاكن انتبهي منه لاني اسمع كثير انه يخرب البنات قلت لها انه زي التلفزيون فيه الطيب والبطال
ويوم جبت الاب حقي ودخلنا ف الجامعه ووريتها المجله ووضحتلها قالت لي ابتسامه تصدقي ماكنت اتوقع ان النت كذا ووريتها المسن وسويت لها ايميل مررررررررررره انبسطت
قلت لها غريبه ما عندك كمبيوتر احس خلاص مافيه بيت مافيه كمبيوتر
طلت ع الارض وقالت ابتسامة هدي الاشياء لاهلها مولي
استغربت منها ومن ردها بس قلت امكن متضايقه لانها كانت متغيره كم يوم وما حبيت اسئلها
بس هي لاحضت نضرتي يوم ردت عليه بهدا الرد من جد اني انصدمت وبان ف وجهي
قالت ابتسامه انا احبك لاتنصدمي مني ومن ردي ترى محد وقف معايه غيرك امكن انتي تسوي اشياء وانتي ما تدري اش اثرها ف نفسي
ابتسامه انا ح قول لك كل شي بس الله يخليكي لا تبعدي عني
اكيد انتي تلاحضي ملابسي وعطوري واكسسوارتي وشكلي شيك دايما وماتعرفي اش الي ف قلبي
ابتسامه كل هذا الي تلاحظيه مجتمع الجامعه هو إلي حتموا عليه هدي الأشياء أنا موقدها وما عرفتها إلا من بنات الجامعة
انتي لو تشوفي حياتي واهلي والله انها جحيم بابتي ميت وماعندنا دخل غير مكافئتي ومكافئه اخويه الي اصغر مني وصاحب بابا الله يسعد عمره بين فتره وفتره يطل علينا
والله تجي ايام ما نلاقي شي ناكله غير الخبز بصراحه تجيني ايام اتمنى اني ما اكمل دراستي بس إلي مخليني اكمل مستقبلي ومستقبل اهلي
والله ماكان نفسي اقول لك ما ابغاكي تفكري ف الموضوع
بس انا حاسه نفسي مكبوته وبغا اطلع الي ف قلبي وما عندي غيرك وماما ف البيت بس ماما يكفيها إلي فيها
قمت سألتها عن اهل ابوها وامها وماعندها اقارب
قالت اهل بابا الله لايهنيهم بحياتهم من قبل مايموت بابا الله يرحمه واحنا مانشوفهم
تخيلي ماقد شفتهم ف حياتي الا لما مات ف العزا ومن بعدها ولا احد منهم فكر يسأل عنا
مع انهم ناس تجار وربي اعطاهم نعمه إلا انهم متكبرين
قلتلها غريبه ما كنهم اهل واخوان
قالت لا هم هجروا بابا لما تزوج ماما لانها اردنيه واصروا عليه انوه يطلقها بس مارضي
فقاموا أتضاربوا معاه
ومن يومها الي الحين وهم مطنشينا بالله عليك اش ذنبنا إحنا
ابتسامه أنا دايما أفكر ليه أعمامي كذا نفسي أحس بنعمه الأهل نفسي يكون عندي بنات أعمام وعمات وأعمام
ابتسامه لما تحكيلي عن اهلك وجمعاتكم أقول ف نفسي يا ليت أني وحده منكم عشان اشرد من الحياة ألي إنا فيها
ولما تقولي اسامي مطاعم اوملاهي واسواق اتمنى اعرف اش هي بس أنحرج اسئل
بصراحه مجتمع الجامعه يخليني احس با النقص
والله اني يوم دخلت الجامعه فكرت اني ما اتعرف ع احد عشان ما انحط ف موقف محرج مع احد
حتى انتي يوم تعرفت عليكي كنت ابغا علاقتنا سطحيه عشان ما تلا حضي شي
بس حسيت اني ارتحت لك
والله من يوم حكتلي الموضوع وأنا كارهه حياتي
وابغا منكم طريقه أساعدها فيها بدون ماتحس
فكرت أني اطقملها معايه تي شيرتات وتنانير وبلايز
بغرض أننا نكون زي بعض ف لبسنا
بس خايفه إنها تحس
وفكرت أرسلها ع الحساب بدون ماتدري
بس ما اعرف
[FONT='Times New Roman','serif']بلييييييييييييز ساعدوني[/font]
[FONT='Times New Roman','serif']دوني حتى لوا [/font]
