دكتور من لا فاد به طب وشلون
بسبة حبيبٍ كان غاية مرامه
دقت طبول الهجر واقول تكفون
حاكم على قلبي ينفذ عدامه
عانيت انا من حزن بصدر مخزون
اسرح مع الهاجوس وبعض الملامه
ماهو انا احب ياناس واخون
مجبور في فرقاه ولامن سلامه
يااللي على هجر حبيبي تغنون
ياعل كل العمر عشتم ندامه
ياعلهم في وادي الويل يرسون
وبعد الضيا يعتم عليهم ضلامه
وحيد انا من بعد خلي بهلكون
اقرب قريبٍ قام يطلق سهامه
من لامني مامر في هجر وطعون
وكلٍ حسب مبداه ينظر امامه
بعض البشر شوفه كما السحب ومزون
والبعض الااخر بس موطا قدامه
دكتور من لافادبه طب وشلون
بسبة حبيبٍ كان غاية مرامه
عواد النويديس العنزي
