السلام عليكم ورحمة الله وبركاته:
لو سألني الورد عنك علميني ويش اقول ؟
حبيبتي واختي وصديقتي وزميلتي اللي ما شفتها اللي هي انتي
اولا : موضوعك يحمل بداخله ايجابيات كثيره بس انتي مو شايفتها خاصة في شخصيتك
مجتهده , نشيطه , بس شكلك انطوائيه والدليل انك ما تفضفضين لأي احد صح؟
قلبي انتي: انا مريت بنفس الحاله ودخلت بأكتأب بس الحمد لله عالجت نفسي بنفسي
صرت اشغل وقتي بأي شي ينفعني دخلت دورات وحضرت محاضرات بتقوية الذات
وصرت اجبر نفسي على الشي اللي هي ما تبيه غصب عنها عشان ما اعطيها هواها واتعب
اول الامر تعبت كثير لدرجة اني ابكي من غير سبب
وبعدين راحت الايام وانا اخسر وقتي ونفسي وصحتي وكل شي وليه كل هذا عشان اشياء انتهت
حبيبتي:
عيشي يومك بكل ما فيه من لحظات حلوه وقبل ما تنامين استرخي واي شي يضايقك اكتبيه وشقي الورقه ولا عاد تقرينها
او خذي دش والله انه يزيل الهم وهذا الشي مذكور عن الرسول ان الوضوء سبحان الله يطفي الغضب او ما شابه ذلك
موضوعك يا عمري يبيله جلسه وانا والله مستعده اساعدك خطوه خطوه اذا كان ما عندك مانع
ادري طولت عليك بس اتمنى اني قدرت اساعدك لو بالشي البسيط
ونحن تحت الخدمه
اختك هدوء