 | |  |
| الابتسامه » المجله » التسجيل » مشرفو المجله » البحث » مشاركات اليوم » دليل المواقع » الاعلانات » الترجمه » سجل الزوار » |
| |||
| |||
| |
 |
| | |
 | |
 |
 | |
| |||||||
| روايات و قصص روايات ادبية , روايات بوليسية , روايات عالمية , قصص رومانسية , خيالية , حب , واقعيه |
| مواضيع مشابهه |
| التاريخ الإسلامي >> الحديث في عهد الصحابة رضي الله عنهم |
| غرور و كبرياء .. القصة كاملة .. (( قصة رووووووووعة )) |
| بكلمة واحدة يمكنك و يمكنك و يمكنك |
| غرور و كبرياء .. (( قصة رووووووووعة )) |
| |
| | LinkBack | أدوات الموضوع | البحث في الموضوع | تقييم الموضوع | أنماط العرض |
May 21, 2007, 08:05 PM
| رقم المشاركة : 1 (permalink) | |||||
|  تكملة قصة " غرور وكبرياء " السلام عليكم ياأعضاء ........ أنا مشتركه جديدة معكم بدخل بالموضوع ......... أنا شفت قصة "غرور وكبرياء " في المنتدي حسبتها كاملة لكن للأسف . هذي القصة جدددداً رااااائعة قريتها في منتدى ثاني إلى الجزء 35 وإلى الأن لم تنزل الكاتبة أي جزء فإذا سمحتوا لي أبغى أشارككم في القصه وأنزلها وإن شاءالله تكتمل عن قريب .. الجز ء الموجود في منتداكم 13 وهذي تكملة الأجزاء الجزء الرابع عشر الفصل الثاني دخل فيصل بهدوء ما حست فيه نجلاء اللي كانت تبكي فيصل بصوت هاادئ :نجلاء انتي تبكين؟ نجلاء عرفت انه كشفها : هاه لا فيصل جلس على طرف السرير: اجل هذي وش هي ؟ (ياشر على عيونها ) نجلاء: لا بس دخلت شعره في عيني فيصل : نجلاء انا مو غبي ولا مغفل ابي افهم وش سبب هالدموع ممكن؟ نجلاء كانت ذايبه على طريقه كلامه لانه يتكلم كانه يعرف عنها كل شي نجلاء: صدقني مافيه شي فيصل : اعيد واكرر انا مو غبي ولا مغفل نجلاء: وانا اقول لك والله شي تافه ومايسوى فيصل : وانا ابي اعرف هالشي ممكن ؟ نجلاء: الله يخليك فيصل خله في وقته وصدقني بيجي اليوم اللي اصارحك فيه فيصل ما حب انه يضغط عليها : اوكي بس توعديني انك تصارحيني مهما حصل نجلاء بابتسامه رضى: مهما حصل فيصل : يالله اجل انتي نومي الحين والصباح رباح نجلاء: وانت ؟ فيصل : يهمك ؟ نجلاء: اكيد يهمني مو انت زوجي(وسكتت) اول مره تصرح له انه زوجها هو فهم هالشي وابتسم فيصل : انا بغير ملابسي وبنوم لا تخافين نجلاء خلااص راحت فيها : يالله تصبح على خير فيصل : وانتي من اهل الخير قام فيصل قبل نجلاء وكان يحاول يقومها لكن هي سافهته فيصل : نجلااااااااااااااااااااء قومي وش ذا النوم نجلاء بهمهمه : همممممممم ابي انووم فيصل يبيها تقوم وهي ماعطته وجه وصعبه انه ينزل لحاله خصوصا انهم توهم متزوجين فيصل خذا قطعه منديل ويفركها في اذن نجلاء: ونجلاء حست بشي في اذنها فقامت تتحكك نجلاء: همممممم فيصل كاتم ضحكته : نجولتي.؟؟ نجلاء: ........... فيصل : نجووله ؟ نجلاء: ......... فيصل :نجييييييييل نجلاء: هاااااااااااااااه اسمع وش تبي فيصل: قووووومي يالله الساعه 10 يالنوااامه نجلاء:ياخي ما ابي انوم فيصل مل منها ما لقى له حل الا المويه جاب المويه في يده وبدا يقطر على عيونها نجلاء: وجع مشيري فيصل : لا يا حلوه انا فيصل مو مشاري نجلاء: فيصل حرام عليك ابي انووم فيصل : وانا اقول قومي نجلاء حست انها محاصره ومافيه مفر :افف طيب وقامت راحت للحمام تتحمم وفيصل يضحك ضحكه انتصاار طلعت نجلاء وراحت تغير ملابسها وتصلي طلعت من الغرفه لقت فيصل جالس ينتظرها نجلاء باستغراب:انت للحين هنا ليش مانزلت؟ فيصل : لو انزل صفقني ابوي بيقول توك معرس وزوجتك عروس شلون تنزل لحالك وهي لحالها استحت نجلاء: بدينااااااااا فيصل : يااااااااااربي على اللي يستحون يالله نزلنا نجلاء: نزلنا مسك فيصل يد نجلاء اللي بغت تموت من الحيا اول مره فيصل يمسكها ياي استحي شلون ننزل وانا يدي فيده ويوم وصلوا لاخر الدرج سحبت نجلاء يدها وفيصل فهم هالحركه لكن سكت وماعلق لان نجلاء كانت تزين الجلال عشان تتغطى لان فواز موجود فيصل : صباح الخييييييييير نجلاء بصوت واطي: صباح الخييييير ام فهد : هلا والله صباح النور ابو فهد : هلا والله بعيالي صباح النور فواز:احم احم نمت وقمت وسافرت وجيت ماقلت لي مثله ابو فهد : تبيني اقول لك مثله؟ فواز بحمااااس: ايه ابو فهد : تعال اشتغل معي وازوجك واقول لك هلا والله صباح النور فواز : هذاك قلتها خلاص اصلا وش ابي بوجع الراس والزواج صح يا فيصل ؟ فيصل : لا والله تبي نصيحتي تزوج انا الحين اقول ياليتني متزوج من زمااان نجلاء استحت ونغزته فيصل ضحك بس ضحكه مكتومه فواز : للاااااااااه تنصحني اجل ؟ اسويها يعني ؟ فيصل : سوها وماراح تندم صدقني استااااااااااااااااانست ام فهد لانها عرفت ان ولدها مبسوط وشوي ودخلت عليهم العنود العنود : صباح الخييير ابو فهد : هلا والله ببنيتي صباح النور صرخ فواز: ظلم والله ظلم انا احتج (وقام فوق الكنب يصرخ) ابو فهد : بسم الله عليك وش جاك العنود عرفت انه غاار منها: ههههههههههههههههههه وش ذا الغيره من متى وهي عندك فيصل ميييييت ضحك : هههههههههههههههههه يا عمري يا فواز والله انك تنرحم ام فهد : تعال يا وليدي تعال اجلس جنبي نط فواز : ان شااااااااااااااااااء الله جلس جنب امه ويسولفون بصوت وااااااااطي( يقال لكم اسرار) ابوفهد : وش عندكم تتساسرون فواز باستهبال: اسرار خاصه رح قل للمجموعتك اسرار ابو فهد : هههههههههههههههههههههه على بالي عندكم شي دخلت عليهم رغد وعيونها منفخه من النوم : صباح الخير ابو فهد : هلا والله صباح النور صح النوم وش خليتي للناس رجع فواز : بس لحد هنا وخلااااااااص وطلع من الصاله ورجع دخل بابتسامه فواز: صباح الخير الكل: ههههههههههههههههههههههههههههههههههههههههه فهمو قصده وبما ان ابو فهد الاقرب لمدخل الصاله فهمس فواز فواز: قل يبه لا تفشلني ابو فهد : هلاا والله بنور البيت هلا والله بضحكة البيت احلى صباح نور لك فواز متشقق من الفرحه ويناظر اخوانه بكبريااء فواز : لا داعي يبه لا دااعي اقول يبه وش رايك نسوي اعاده اذا جا فهد ولمى الكل: هههههههههههههههههههههه ابو فهد : ولا يهمك تستاهل بعد مرور ساعات من الضحك والفرفشه اللي سببها فيصل ام فهد : يالله يا عيال الغدا جاهز راحو كلهم يتغدون... الكل تغدا بعدين فيصل طلع عنده كم شغله وفواز راح يقيلل والعنود ونجلاء ورغد فعدوا تحت .. نجلاء : تصدقون ودي اروح اشوف اهلي .. العنود : وشوله هم راح يجون اليوم ..وبعد خالتك .. نجلاء: انا عارفه بس شوفي اللحين الساعه ثلاث وهم راح يجون تقريبا الساعه 7 .. العنود : بس يا نجلاء انتي العروس يعني يبيلك ساعتين عند المرايه .. نجلاء : صح .. العنود : خلي روحتك لهم بكرة ..قعدي عندهم لين الليل .. نجلاء : وهذا اللي بيصير .. وطول ماهم جالسين ورغد ساكته ..وبعدين قامت .. العنود : وين يا رغد .. رغد بكشرة : اروح اكلم نوف ابرك من سواليفكم اللي مالها داعي .. نجلاء تناظر رغد باستغراب وش فيها ذي على انا وش سويت لها عشان تعاملني كذا بس كيفها انا بطنشها وشوله احرق اعصابي عليها .. وقعدوا العنود ونجلاء يسولفون عن ايطاليا وش سوا وين راحوا لحد تقريبا الساعه خمس ... نجلاء :اقول العنود انا بروح فوق يعني ياله يمديني اللبس واتعدل لي هم جايين .. العنود حتي انا بروح البس .. نجلاء : الاعنود قولي لي من اللي بيجي .. العنود : ابد بس خالتي وخالتك وبناتهم..واهلك . نجلاء : بس.. ماله داعي اكشخ مره .. العنود : ماادري بس يمكن امي تنادي الجيران..مالدري تري مو اكيد .. بعدين وش هذه ماله داعي اكشخ يا حبيبتي انتي عروس .. تعرفين يعني ايش عروس .. نجلاء : ههههه ايه اعرف يعني ايش عروس العنود:طيب ياله روحي البسي .. طلعت نجلاء فوق وفتحت الدولاب .. نجلاء :يا ربيه وش البس .. وطلعت ثلاث فساتين نعومات .. وصفتهم على السرير وظلت اطالع فيهم محتارة ...الفستان الاول شيفون لونة وردي نعوم لدرجة رهيبه والثاني اورنج والثالث اسود .. وظلت نص ساعه وهي محتاره كل اشوي تقول بلبس هذا بعدين تغير رايها ..لحد ما دخل عليها فيصل فيصل : السلام .. نجلاء وهي فرحانه .. وعليكم السلام .. فيصل : وش عندك مبتسمه اشوف .. نجلاء :لاني كنت محتاره وش البس وجيت انت .. فيصل : طيب يعني واذا جيت .. نجلاء : هههههه ابييك تشور على وش البس أي واحد فيهم .. فيصل وهو يناظر الفساتين اللي على السرير .. فيصل: كلها حلوه .. نجلاء : انا عارفة ان كلها حلوه عشان كذا ماعرفت وش البس.. فيصل : طيب ..البسي .. نجلاء : يله بسرعة .. فيصل : هههههه طراره وتتشرط .. نجلاء الحين انا طراره .. فيصل محشومه يا حرم فيصل ..بس هذا مثل .. نجلاء :وليش عاد يا حرم فيصل ..الاصح يا بنت عبد الله .. فيصل :بس انا ماكذبت انتي حرم فيصل صح ولالا .. نجلاء: صح ..بس قلي وش البس .. فيصل : شوفي هذه شيليه مايصلح .. وشالت نجلاء الاسود ودخلته في الدولاب فيصل : خلاص البسي الوردي .. نجلاء : طيب خلاص .. فيصل : ايه المفروض من الاول .. نجلاء : مالدري كنت محتارة .. فيصل :طيب انا بدخل شور ... نجلاء : لا لحظة انا بدخل اول .. فيصل : لا انا اول .. نجلاء : فيصل تكفي وله وراي تزين شعر ومكياج.. فيصل : لا ... نجلاء : تكفى الله يخليك .. فيصل : اصلا ماله داعي مكياج انتي حلوه بدونه .. نجلاء : ادري .. فيصل : يا شين الغرور .. نجلاء تبتسم بثقه : يا حبيبي هذا موغرور هذي ثقه في النفس .. فيصل : احلا ياثقه .. طيب عشان الثقه .. ادخلي قبلي بس بسرعه مو طولين .. نجلاء : ان شاء الله وعلطول خذت ملابسها ودخلت الحمام قبل مايغير رايه .. خذت شاور سريع وطلعت ودخل فيصل على طول .. ظلت تلبس وتعدل شعرها وتتمكيج .. طلع فيصل من الحمام وهي مخلصه .. فيصل وهو يصفر : وش هالزين .. معقول هذي حرمتي .. نجلاء استحت : فيصل .. خلاص .. فيصل يبتسم : انا مادري متي بتتخلصين من هالحيا .. نجلاء : لين حجت البقرة على قرونها .. فيصل : اذا كذا مافية امل .. نجلاء : يله يا فيصل انا نازلة تبي شي ... فيصل : لا لحظة خلينا ننزل سوى ... جلست على السرير تستنا فيصل لحد مايخلص.. قامت تبي ادخنة .. وعلى الساعة سبع ونص خلصوا ونزلوا اول مادخلوا تنحنح فيصل العنود : خلاص فيصل ادخل .. دخل فيصل ونجلاء وكان موجود العنود ورغد ونوف .. نجلاء وفيصل : السلام عليكم ... الكل : وعليكم السلام .. نوف بابتسامه : هلا والله فيصل وش اخبارك .. نجلاء ظلت تناظر نوف باستغراب معقوله في ناس بالوقاحه هذي.. فيصل : الحمدلله بخير .. انتي وش اخبارك .. نوف بوقاحه : هاه فيصل وشلون السفره معاك عساك انبسطت .. فيصل وهو منقهر حس بتجاهل نوف لنجلاء .. فيصل يبي يراضي نجلاء: وهو فيه احد يسافر مع هالزين وما ينبسط .. ويلتفت يناظر نجلاء ويبتسم .. ونجلاء رت له الابسامه بس اكيد بخجل .. نوف والله اوريك يا نجيل ان ما خليت هالابتسامه دموع ما اكون نوف .. طيب اضحكي الحين .. نجلاء وهي مقرره تتجاهل نوف مثل ما تجاهلتها : اقول العنود من فيه جوا .. العنود : امك وخالتي ولمى وعبير والهنوف .. نجلاء : طيب انا بروح اسلم .. فيصل : حتى انا بروح عند الرجال .. تبين شي نجلاء .. نجلاء : لابد سلامتك .. فيصل : الله يسلمك .. يله مع السلامه .. الكل : مع السلامه .. طلع فيصل ودخلت نجلاء عند الحريم واول ما دخلت راحت لامها وحضنتها وجلست تصيح .. وامها بعد صاحت معها .. . ثواني وسكتت ام راشد وهدت نجلاء وسلمت على الباقين ولمى جت لعبير حضنتها .. بس ما صاحت .. نجلاء : ياااي يا اني مشتاقتلك بشكل .. عبير : كلنا والله البيت من دونك ما يسوا .. نجلاء وهي تبعد عن عبير شوي : وين عبود وحمود .. عبير : والله حطيتهم في بيت اهلي .. نجلاء وهي تجلس جنب عبير : ليش وخالتي ما راح تجي .. عبير : الا بتجي .. بس رنا ما راح تجي .. نجلاء : ليش عاد والله اني مشتاقه لها .. عبير : لا بس هي ما سكه عيالي .. وهديل بعد .. نجلاء مستغربه : هديل ؟؟؟ عبير تذكرت ان نجلاء ما تدري : هاه ..هديل . اوكي راح اقولك او خلي ريم اذا جت تقولك .. لان ما يصلح عند الناس .. نجلاء : عبير تراك وترتيني .. عبير تبي تريح نجلاء : هههههههه وش اوترك عادي الموضوع عادي .. دخلت عليهم ام عبير وريم اللي ما شاء الله كانت روعه واناقه بشكل فضيع .. وسلموا ولمى وصلت ريم عند نجلاء حضنو بعض وصاحوا . ريم وهي تبعد عن نجلاء: الله يخسك لك فقده يالخايسه .. نجلاء تضحك وهي تمسح دموعها : وانتي كذا ما فيه اسلوب في الكلام . .. اللي يشوف شكلك بيقول وش هالنعومه .. بس بيسمع كلامك بيهون .. ريم : هاه بدينا سب .. اقول خلينا نجلس قاموا يناظرونا .. نجلاء : ههههههههه .. وظلوا الكل يسولف من جهه وازعاج .. وعالساعه 11 حطوا العشاء ودخل الكل وتعشى .. وبعد العشاء سحبت نجلاء ريم .. ورقت هي وياها فوق في غرفت نجلاء .. ريم وهي فاقه عيونها : نجيل وش هالجناح يهبل .. يهبل .. نجلاء : ذوق فيصل .. ريم : انا من الاساس اقول ان فيصل ذوقه حلو ولا كان ما اختارك زوجه له نجلاء في نفسها .. ليش عاد وفيصل هو اللي مختارني .. نجلاء : المهم خلينا من الغرفه .. وقوليلي .. ريم تحمست وجلست على الكنب : وش اقول .. نجلاء : من هديل اللي عند رنا .. عبير قالت خلي ريم تقولك .. ريم : ههههههههه .. ايه ما تبي تتورط نجلاء : ريم وش تتورط بسرعه قولي لي ..ترى صبري نفذ .. ريم :: انا بقولك الموضوع بس لا تقاطعيني .. نجلاء : يله قولي .. ريم وهي خا يفه من ردت فعل نجلاء : كل ما في الموضوع ان هديل هذي بنت مشعل . وقطعت عليها نجلاء : مشعل ؟؟ ريم : الحين مو انا اقول لا تقاطعيني .. نجلاء وهي مو فاهمه شي : طيب كملي بس بسرعه .. ريم : شوفي هذا مشعل يوم كنتو في الكويت .. الظاهر كان فيه بنت سعوديه هناك هو يحبها .. وقال لبوك .. انه يبي يتزوجها .. بس ابوك رفض .. فقام مشعل تزوجها .. حتى ما لاحظتي انو انتم جيتوا اول بعدين هو لحقكم .. نجلاء : بس هذا كان من اربع سنين .. ريم: ايه.. هو تزوجها وجابها .. بعدين جاه بنت .. يالله يا نجلاء وش بنت .. ذي ملاك مو بنت .. تهبل .. نجلاء والعبره خانقتها : صدق .. ريم : والله تهبل .. تشبهلك .. وتشبه لمشعل .. بشكل فضيع ... نجلاء على طول من سمعت ان هديل تشبها جلست تصيح .. ريم .: نجلاء خلاص .. تكفين .. نجلاء : يعني انا عندي بنت اخو وانا ما ادري . .. طيب كم عمرها .. ريم : تقريبا ثلاث سنين وخمس شهور .. نجلاء : طيب يا مشعل انت بس خلني اشوفك.. ريم بنبرة حزن : هو اللي فيه كافيه .. نجلاء : ليش .. ريم : لا بس ابوك .. يعامل مشعل ولا كانه موجود .. يعني يجلسون سوا على الغدا .. تخيلي حتى كلمه وحده ما يكلمه .. نجلاء : طيب انتي وش دراك .. ريم : انا امس كنت نايمه في غرفتك .. وتغديت معهم .. وشفت التجاهل من ابوك .. لمشعل .. نجلاء : انا بكره بروح وبحاول اكلم ابوي .. ريم : ايه نجلاء تكفين .. والله مشعل قاطع قلبي .. نجلاء : لا لازم اكلمه .. ورن جوال ريم .. وردت .. ريم : الوو عبير: ريم .. وينك .. ريم :انا فوق مع نجلاء .. عبير : ما شاء الله عليك .. ريم : طيب .. وش تبين .. عيبر : بسرعه انزلي .. ترانا طلعنا .. ريم : ومن بيودينا .. عبير :: راشد .. يله بسرعه تراه برا .. ريم : يله نازله .. وسكرت الخط .. ريم وقفت : يله نجلاء مع السلامه .. نجلاء : مع السلامه .. وطلعت ريم من غرفت نجلاء وهي تركض في الدرج .. وهي في الدرج خبطت في شخص .. وبغت تطيح ..بس هو مسكها .. ظلت تناظر .. فيه .. ما تدري وش تسوي .. يا ربيه من هذا وين اروح .. حست انها بتصير ظلت تناظر فيه وهي ما تدري وش بتسوي .. وهو نفس الشي ظل يطالع فيها وهو فاق فمه .. يا ربيه من هالزينه .. واستوعب اللي قاعد يصير ووخر عنها عشان تنزل .. وهي ما صدقت خبر كانه هو اللي ما نعها على طول نزلت تركض .. بس على طول طلعت نجلاء من غرفتها وهي تصرخ .. نجلاء : ريم .. ريم .. وهو على طول سمع الاسم .. يا ربيه ريم . اسم على مسما .. نجلاء على طول شافته وتغطت بالجلال .: هلا فواز وش اخبارك .. فواز : هااه .. انا .. انا الحمد الله .. .. نجلاء : اقول فواز وانت ترقى ما شفت احد نازل .. فواز :احد .. احد مين يعني .. نجلاء : لابس ريم بنت خالتي نست جوالها .. فواز : هي راحت .. نجلاء : ايه راشد خذاهم .. فواز : عطيني اشوف يمكن ما بعد راحوا .. عطت نجلاء فواز الجوال .. وهو نزل يركض .. طلع فواز من باب البيت ولقى راشد ما بعد راح .. فواز :: راشد .. راشد .. راشد : هلا فواز .. فواز وهو يمد الجوال : خذ عطتني نجلاء الجوال .. تقول انه لبنت خالتك .. راشد خذا الجوال : خلاص طيب بعطيها ياه .... يالله مع السلامه .. فواز : مع السلامه .. وراح راشد وركب السياره : ريم .. ريم : هلا .. راشد : هذا جوالك .. ريم : هااه . .. ايه .. وخذت الجوال : من اللي عطاك اياه .. راشد : فواز .. يقول ان نجلاء هي اللي عطته اياه .. ريم : اهااااااا .. ريم ياربيه الحين هالمملوح هو نفسه فواز المهبول .. يا ربيه يهبل .. ........................... نجلاء نزلت ولقت رغد ونوف والعنود في الصاله وجلست معهم .. في البدايه .. كانت رغد ونوف هم اللي يسولفون .. بعدين فجاه التفتت نوف على نجلاء .. نوف : الا اقول يا نجلاء وش اسم البنت اللي تمشي معك في الجامعة .. نجلاء : مين مها .. رغد : ايه ايه هذي .. نوف : الصراحة تقهرني مشيتها .. رغد : الا صدق يا نجلاء هي ليش تمشي كذا .. نجلاء منقهره من طريقه كلامهم ..: صار لها حادث من كم سنه ومن وقتها وهي تمشي كذا نوف : اعوذ با لله تقولين كانها معوقه .. نجلاء بدت تعصب : على فكرة يا نوف تري الاعاقة ما هي عيب .. العنود : هذي حكمة ربك يا نوف واذا معوقة وش يصير .. رغد :بس يختي لبسها ما ادري وشلون قراوه .. نجلاء : لولا اختلاف الاذواق لبارك السلع .. نوف : بس انتي ليش تتماشين ها لا شكال الصراحة قراوه .. قامت نجلاء وهي معصبة : ان شاء الله يا رغد اذا جيت بختار لي صديقه مره ثانيه بشاورك انتي ويا ها .. وطلعت نجلاء .. العنود : حرام عليك انتي ويا ها وش ها لكلام اللي قلتوه رغد : ما قلنا الا الصدق... العنود : والله حرام .. ما تقولون هذي عروس وتوها داخله بيتنا .. نوف : توها ما بعد شافت شي .. العنود وهي طالعه القعده مع غيركم ابرك وطلعت وقابلها فيصل .. فيصل : العنود وين نجلاء .. العنود وهي مرتبكه : هاه .. نجلاء .. فيصل : ايه نجلاء .. العنود : فوق .. فيصل : خلاص اوكي .. نجلاء وهي معصبه : اذا اول يوم كذا .. كيف باقي الايام .. الاقيها منك يا فيصل .. ولا من اهلك والا من مشعل اخوي .. الله يعيني بس وقعدت على السرير وهي تصيح ودخل عليها فيصل .. فيصل : نجلاء ... نجلاء .. نجلاء تحاول تمسح ادموعها قبل ما يشوفها فيصل .. فيصل : نجلاء وش فيك .. نجاء تحاول تكون طبيعيه وتبتسم : انا .. ما فيني شي .. فيصل وهو يجلس جنب نجلاء على السرير : وشلون مافيك شي ... وهالدموع.. نجلاء : ان.... .... وما قدرت تتكلم وقعدت تصيح .. فيصل يقرب من نجلاء ويمسح دموعها .. فيصل : نجلاء خلاص الله يخليك .. والله ما احب اشوفك تصيحين .. نجلاء ترفع راسها وتناظر فيصل .. فيصل حس بشعور غريب لما شاف الحزن في عيون نجلاء .. انا لازم امحي هالحزن لازم ابدله بفرح .. لازم احسسها بالامان .. اكيد في شي .. مستحيل تصيح كذا من الباب للطاقه .. لازم فيه سبب وسبب كبير بعد بس انا ما راح اضغط عليها .. كل اللي علي الحين اني اوسع صدرها واطلعها من الحزن اللي هي فيه .. فيصل بحنية الدنيا كلها : يله نجول قومي غسلي وجهك ولبسي عبايتك .. نجلاء مطيره عيونها : ليش .. فيصل : عشان نطلع نتمشى .. نجلاء : وين نتمشى والساعه 12 .. فيصل : معليش ندور في السياره شوي .. يله قومي .. نجلاء : طيب انا فيني النوم .. فيصل وهو يبتسم : ما فيه نوم .. انا قلت نطلع .. يعني نطلع .. ................................ الهنوف : والله العظيم يا نوف نجلاء هذي ما اقدر استحملها .. نوف : والله حتى انا .. الهنوف : تدرين ان خالتي موصلتها للسماء .. ولا كاني بنت اختها ومرت ولدها الكبير .. نوف وهي تضحك : هههههههههه .. فاتك وش سوينا فيها .. انا ورغد .. الهنوف : وش سويتوا .. وقالت نوف للهنوف كل اللي صار بينهم .. الهنوف : فاتني يا ليتني معكم .. نوف : ههههههه والله كان شكلها نكته لما عصبت .. الهنوف : ههههه قهر ما عمري شفتها معصبه .. نوف : لا ورقت فوق ولا عاد نزلت .. الهنوف وهي عاقده حواجبها : من قال ما نزلت .. انا شفتها نزلت هي وفيصل وطلعوا .. نوف : وشلون طلعوا وانا يوم لروح كانت الساعه 12.. الهنوف : والله يانوف انتي تطلعين من هنا وهم ينزلون من هنا ... طيب حبيبتي فهد جا .. مع السلامه . نوف : خلاص اوكي مع السلامه .. وسكرت نوف السماعه من الهنوف .. نوف : والله اوريك يا نجيل .. طالعه تتمشين انتي وياه .. ياربيه طيب وش اسوي .. مالي الا ساره .. وخذت الجوال ودقت على ساره ... نوف : الوووو .. ساره : هلا والله .. اخبارك .. نوف : زفت .. ساره : ليش .. نوف : رحت اليوم لبيت خالتي .. ساره : ايه صح امس جا فيصل ونجلاء .. نوف : ايه جوا .. وياليتهم ما جوا .. ساره : ليش .. نوف : تخيلي اقوله وشلون السفر يقولي ( وتقلد صوت فيصل ) وفي احد يسافر مع هالزين وما يستانس .. ساره :لا هين .. نوف : ايه والله يعني بكذب عليك .. ساره : يعني المكالمه ما فادت .. نوف : الصراحه ما ادري .. ساره : طيب وش بتسوين الحين .. نوف : ما ادري .. بس وش رايك تكلمين .. ساره : بس اخاف نجلاء قالت لفيصل .. نوف : لا ما اتوقع .. ساره : طيب خلاص .. بكره بكلم عليها .. نوف : لا اليوم .. ساره : نوف الساعه الحين وحده .. نوف : ايه عادي الهنوف تقول انهم طالعين يعني انتي اتصلي عليها الساعه 3 .. ساره : خلاص .. وش اقول لها .. نوف : الحين انا اللي بعلمك .. انتي المعلمه .. ساره : خلاص .. اوكي .. الساعه 3 بكلم .. نوف : بس هاه لا اوصيك زودي العيار حبتين . ساره : لاتوصين حريص .. نوف : اوكي .. باي .. ساره .: باي .. فيصل ونجلاء في السياره وطول الوقت نجلاء ساكته كانت تفكر(اقول لفيصل عن رغد ونوف؟؟ لالا اخلف اقول له يقول وش ذي اللي ما تتحمل اهلي اففففففف ياربيييييييه يقهروون وينرفزوون الواحد ) فيصل: وييييييييين وين رحتي ؟؟؟ نجلاء: هاه لالا معك فيصل: واااااااااااضح نجلاء: اقول فيصل الحين وين بنروح في هالليل؟ فيصل بابتسامه : انت خاطرك في مكان؟ نجلاء : احس الوقت متاخر ومافيه اماكن ممكن تلاقيها فاتحه فيصل: انتي وين عايشه ؟ الحين الاماكن ماتسكر الا على وجه الفجر نجلاء: طيب وين نروح يعني ؟ عشى ومتعشين وين نروح؟ فيصل: امممم نروح نشرب قهوه نجلاء : هئئئئئئئ قهوه في ذا الليل؟؟ فيصل : ايه وش فيها؟؟؟ اللي يشوفك يقول بتنومين الحين؟ نجلاء : لا بس احس اشكالنا غلط فيصل : اقول بلا دلع أي قهوه تبين؟؟ نجلاء:والله عاد هذي مهنتكم يعني انّا وش يعرفنا بالقهاوي ؟ فيصل : امممم طيب ستار بكس.؟؟ نجلاء : اوكي براحتك وراحوا لستار بكس يعني يتقهوون ويجلسون جلسه حلوه طلبت نجلاء عصير لانها ماتبي تسهر اما فيصل طلب قهوه موكا فيصل : هاه مبسوطه الحين في الرياض؟ نجلاء باندفاع: اكيييييييييييد فيصل : الله الله وش ذا التحمس ؟ لهالدرجه ؟ نجلاء : واكثر انا من النوع اللي على طووول اشتاق خصوصا اذا كنت متعلقه فيه مثلا اهلي اشتقت لهم بسرعه لاني متعلقه فيهم ونفس الشي الرياض اذا بعدت عنها اشتااق لها بسرعه بعدين من ما يشتاق لارضه ؟ وانت تبي تفهمني انك مو مشتاق للرياض؟ فيصل بابتسامه تذوب : انا ما يهمني الرياض والا روما والا المريخ اهم شي عندي اني اكون مع اللي احبه وارتاح معاه (غمز لها) مو؟؟ نجلاء خلاااص ماتت وقبروها وصلوا عليها اول مره فيصل يقول انه يحبني ياويييييليييييي فيصل : صح والا انا غلطان؟؟؟؟ نجلاء ماتدري هو وش قصده : هاه ايه ايه صح فيصل ضحك على شكلها خدودها حمر وترد بغباااء : ههههههههههههههههههههههههههههههه ياحلوك وانتي مستحيه نجلاء: فيصل ؟؟؟ فيصل : عيووووووون فيصل نجلاء : فيصل وش رايك نرجع ؟؟ فيصل :تو الناس؟ نجلاء : اي تو الناس؟؟؟ الساعه 2 حرام عليك انا تعباانه انت ماخليتني انوم زين واليوم بعد شكلك بتسويها بس انا الغبيه اللي صدقتك وقمت المره الجايه تشووف منو اللي بيقوم ؟؟ فيصل تذكر شكلها :ههههههههه ليش يعني وش اللي ظرك ؟ نجلاء : لا ابد بس تعبت وصدعت بس بس فيصل يضحك عليها وهي تستهبل : هههههههههههههههههههه نجلاء: ايه اضحك اضحك ما حسيت بالنار اللي في قلبي بس مقيوله ما يحس بالجمره الا واطيها فيصل: اب اب وش وصلها للجمر خلااااص انا اسف ما عاد اضحك امري الحين تدللي وانا تحت امرك نجلاء استحت على وجهها : ابي ارجع البيت فيصل : مستحيييييييييييييل نجلاء فتحت عينها مرتاعه : ليييييييييش؟ فيصل: بس كذا مالي نفس انا مبسووط هنا ومرتاح ومابي ارجع ولا فيني نوم يعني للمعلوميه انتي سهرانه سهرانه هنا والا في البيت نجلاء ودها تصيح ياربيه غصب يعني: ...........(ساكته) فيصل : هاه وش رايك يعني تبين تسهرين هنا والا في البيت ؟ نجلاء باستسلام: براحتك بس افضل البيت لاني مخنوقه فيصل : ولا يهمك بس ماودك نمر نشتري فلم هندي ؟؟(وهو يضحك) نجلاء ماردت عليه لكن حز في خاطرها فيصل استسخف الحركه وسكت رجعوا للبيت ونجلاء خلاااص مفوله نجلاء راحت غرفتها سييييده ولا كلمت فيصل ولا كلمه غيرت ملابسها وجلست على الكنبه جا فيصل ولقاها جالسه وجلس جنبها والكل سااكت مل فيصل من هالهدوء فيصل: نجلاء ليش ساكته ؟؟ تكلمي ترا ملييت نجلاء : ماعندي سواليف فيصل : طيب وش فيك منتفخه علي؟؟ نجلاء : يعني ما تدري ؟ فيصل : الا ادري وانا اسف والله كانت طالعه بمزحه وانتي خذتيها بجد شدعوه نجلاء نجلاء حست انها زودتها لكن ماراح تستسلم بهالسهوله : المطلوب؟ فيصل : نسهر سهره حلوه ممكن ؟ نجلاء ما تقدر تقاوم جاذبيته : اسفه انا اذا سهرت بسهر كذا وانت عارف السبب فيصل : نجلاء افهميني انا وانتي الحين وش عنوان علاقتنا ؟ الزواج صح ؟ نجلاء: صح فيصل : يعني محرم علينا المزح ؟ والا الجد لازم يكون عنوان لهالحياة ؟ يانجلاء انا زوجك مثل ما انتي زوجتي موضروري تكون العلاقه اللي بيننا رسميه يعني سالفه الفم الهندي انا اسف عليها وهذي حبه راس( وباسها على راسها ) بس سالفه انك كل كلمه اقولها تزعلين منها ماراح تستمر علاقتنا بالشكل المناسب اللي يتاسف ياااه يا فيصل ماقدرت نجلاء تقاوم وقامت تبكي نجلاء : فيصل انا اسفه والله مدري شلون مدري ...مدري بس اللي ابي اقول انا اسفه ( وقامت تدخل الغرفه لكن فيصل مسكها ) فيصل : نجلاء اجلسي شوي ممكن جلست نجلاء لكنها كانت تناظر الارض ما تقدر تحط عينها في عينه فيصل : قبل لا اتكلم ممكن طلب؟ نجلاء رفعت راسها بمعنى اطلب فيصل : ما ابي اشوف دموعك مره ثانيه ترا ازعل وانتي ما يرضيك اني ازعل بعدين دموعك غاليه علي اخذت نجلاء خلاااص ما تحس انها تكلم فيصل يااه يا فيصل والله ان قلبك طيب شلون تحملتني انا الغلطانه وهو نجلاء منديل ومسحت دموعها فيصل : نجلاء انا ما ابيك تتاسفين ولا ابي اشوف دموعك انا اعرف ان قلبك اطيب قلب شفته في هالكره الارضيه وانك ماتزعلين ولا تشيلين بخاطرك لكن الشي الوحيد اللي ابيه في علاقتنا ابيك تشيلين الرسميه ابي اخذ واعطي معك يعني ابي اكلمك ..اشاورك .. اسولف معك .. مثل أي زوجين .. انا ما اقول انك مقصره معي لاااا .. يشهد الله انك ما قصرتي معي بشي واهم شي موعك هذي ما ابيها ترا وربي ازعل (بابتسامه) يرضيك ازعل؟ نجلاء وهي تبكي بس تحاول تمسح دموعها : اهم شي رضاك باسها فيها على راسها : يالله حبيبتي روحي نامي ادري اني خربت عليك نومك امس واليوم يالله واسف مره ثانيه على اللي سببته لك نجلاء : بس يافيصل حرام عليك انت ليش تضحي لييش خلني احس بالذنب خلني اندم على اللي سويته خلني احس اني سويت شي غلط فيصل : هذا اللي انا ما ابيه مابيك تحسين بالذنب لانك اصلا ما اذنبتي انتي بنت والبنت قلبها حساس وتصدق كل شي واي شي ومهما قالو لها اول سوو لها ممكن انها تصدق ليش لانها على نياتها ونيتها صافيه وانتي من هالنوع نيتك صافيه وانا فاهمك وعارفك وانا راضي كذا يالله عاد روحي نامي نجلاء: وانت؟ فيصل ابتسم : لا تخافين بنوم بس بغير ملابسي والا شرايك انوم فيها يمدحونها ؟ نجلاء تخيلت شكله نايم بملابسه : ههههههههههه لالا روح غير ملابسك فيصل : اييييييييييييييوه خلينا نشوف الضحكه دايم على وجهك وشيلي هالعبوس وفكينا نجلاء : ليش احد قال لك اني شينه وانا زعلانه ؟ فيصل : بصراحه (بنظره خوف) ايه تروعين ؟ نجلاء: هئئئئئئئئئئ انا شينه الشرهه على اللي مقابلتك ومضيعه عليها احلى نومه فيصل : هههههههههه ايه روحي نومي يالدجاجه نجلاء : ههههههه اذا انا دجاجه اجل انت ديك فيصل: ايييييييه يالله مادام انك زوجتي عاادي نجلاء رمت عليه المخده اللي كانت على الكنبه : ابذبحك انت فاهم فيصل : هههههههه تعالي اذبحيني فدوووه نجلاء : انا بروح انوم والا ترى بتطق فيوزي وبينط لي عرق تصبح على خيييييييييييييييييير فيصل : ههههه وانتي من اهل الخير .......................... في غرفت نجلاء وفيصل الساعه 3 ونص كانو نايمين .. ورن جوال نجلاء .. نجلاء يا ربيه من ذا اللي داق الحين .. منيب راده .. بس الجوال رجع يدق مره ثانيه .. نجلاء : اوف وبعدين .. وتلتفت للجه الثانيه وتلقى فيصل في سابع نومه .. نجلاء : منيب راده .. منيب راده .. بس الجوال رجع يرن مره ثالثه .. نجلاء : احسن لي ارد وافتك .. وقامت من السرير وراحت عند التسريحه وردت على الجوال بدون ما تشوف الرقم .. نجلاء وصوتها كله نوم : الووو .. ساره : هلا والله نجلاء .. ساره : عرفتيني .. نجلاء ببرود لان فيها النوم : لا ... مين .. ساره : معقوله ما عرفتيني .. نجلاء بدت تتذكر الصوت لا مستحيل انتي مره ثانيه حرام عليك اللي تسوينه فيني .. وطلعت من الغرفه عشان ما يحس فيها فيصل .. نجلاء : نعم وش تبين انتي ما خلصتي .. وش تبين بعد.. ساره : انا داقه اقولك الحمد لله على سلامتك .. نجلاء : وانتي اصلا من قالك اني رجعت .. ساره : وفيه غيره اكيد فيصل ..
| |||||
 |
| |
|
May 21, 2007, 08:22 PM
| رقم المشاركة : 2 (permalink) | |||||
| رد: تكملة قصة " غرور وكبرياء " الفصل الثاني نجلاء: فيصل ؟؟؟ ساره: ايه فيصل ليش مستغربه الوضع طبيعي ... نجلاء مستغربه لا مستحيل يعني معقوله يلعب علي طول الفتره نجلاء:اخلصي وش تبين ... ساره: ابي فيصل... نجلاء: خذيه حلالك ...اشبعي فيه .. ساره:اوكي على العموم انا داقده اذكرك بس... نجلاء: وهذاك ذكرتيني ... ساره: طيب لله باي... نجلاء: بلي مايحفظك... وحطت الجوال على الكنب.. ومت نفسها عليه وهي تصيح ليه.. ليه انا يصير معي كذا .. ليش انا بالذات... ليش .. ليش يا فيصل ... ليش تسوي فيني كذا ..انا وش سويت لك ..اكرهك ..اكرهك .. والله اكرهك .. والله اني غبيه .. وشلون.. نسيت وصدقت مشاعرك في الايام الاخيرة فرحانه اقول اكيد تغير ..بس للاسف انا اللي غبيه ..غبيه... فيصل: نجلاء وش فيك ؟؟!! رفعت نجلاء راسها ..وتسال بعد وش فيني ياخي حرام عليك والله حرام .. وظلت تناظر فيه نظرات غريبه فيصل ماعرف معنى هالنظرة..الم؟ او حزن؟ او احتقار؟ او خوف؟ ليش هالنظره ليش يا نجلاء..ليش ..انت كل يوم عن يوم تثبتين لي ان فيه شئ .. قولي وريحيني يانجلاء..والله اكره مالي اشوف احد يصيح فما بالك اذا كانت اللي تصيح زوجتي ..تكفين تكلمي ..انا ما ابغى اضغط عليك..قولي انا زوجك المفروض اول واحد تفكرين تقولين له..بس لحظه يمكن تكون مغصوبه علي عشان كذا هي كل شوي تصيح وفي اول ايام زواجنا كانت عصبيه ... اقول روح يا شيخ وش هالافكار البايخه وش مغصوبه مهبول انا وهالافكار اصلا نجلاء غاليه عند عمي ومستحيل هالشي يصير .. خلني الحين اسالها اشوف .. فيصل وهو يقرب من نجلاء: نجول حبيبتي وش فيك..ليش هذا كله.. نجلاء: لا تقول حبيبتي .. فيصل مستغرب: نجول قولي وش فيك .. نجلاء بعصبيه: لا تقول نجول. فيصل اللهم طولك ياروح بعدين معها هذي مره ولا احلى منها ومره عصبيه ما تنطاق .. بس ما ادري ليش شكلها الحين وعصبيتها ذكرتني بها في اول ايام زواجنا .. فيصل : طيب نجلاء وش فيك.. نجلاء توقف : مافيني شئ. فيصل يروح يوقف جنبها :طيب وهالدموع.. نجلاء وهي تحاول تدارك الوضع: لابس مشتاقه لبابا انا ماشفته اليوم.. فيصل: بس غالي والطلب رخيص.. بكره اوديك تشوفينه.. نجلاء وين غالي معه.... وظلت فتره تناظر فيه من دون لا كلمه.. وهو نفس الشئ.. لحد ما تحركت نجلاء وراحت تنوم.. ولحقها فيصل.. الصبح وتحديدا الساعه 10 ...... العنود وبأعلى صوتها وهي تخبط على الباب :فواز فوازوووووووووووووه...... فواز: .......... العنود: فوازوه ....فوازوه.... فواز وهو معصب: عنيد وتبن .... العنود: فواز يله قم..... فواز:منيب قايم أرتحتي الحين .... العنود: فواز قوم اقعد معي والله ماله ... فواز: وانتي وش مقومك من الصبح ... العنود: اصلا مابعد نمت ... فواز: طيب روحي نومي انا بنوم ... وترجع العنود تخبط على الباب بكل قوتها ....وشوي الا ويفتح فواز الباب ومن اول مافتح فواز الباب أنحاشت العنود وفواز راح يركض وراها ...في الصاله الي فوق .... العنود: فواز..خلاص ..والله خلاص توبه .. فواز وهو يصرخ: تقوميني وتطيريين النوم من عيني بعدين تقولين خلاص .. العنود بترجي : الله يخليك يا فواز ... والله توبه .. فيصل وهو طالع من غرفته .: وبعدين معك انت وياها.. فواز : هلا صباح الخير.. فيصل وهو معصب : قل صباح الزفت .. .. ياالله صباح خير .. من الصبح وانت وياها صراخ .. ولا تخلون الواحد ينوم .. فواز : يا اخي انا وش اسوي .. انا شخص مهم .. اختك مقومتني من النوم عشان اقعد معها .. العنود : طيب يا المهم .. عن اذنك انا بروح انوم .. فواز : لا والله الحين تقومتيني وبعدين تروحين تنومين ..ما فيه نوم .. فيصل : عندي لك حل .. فواز : وشوووووووووووووو .. فيصل : رح نم انت بعد ... وخلوا غيركم ينوم .. العنود تشهق : لاااااا تقول ان نجلاء قامت بعد على صوتنا .. فيصل : ايه قامت .. العنود : يا فشيلتااااااااااه .. فيصل وهو يحاول يمسك ضحكته : أيوه يافشيلتاه .. يله روحي وخذي اخوك معك .. فواز : ليش انتم مكبرين السالفه وش يا فشيلتاه عليه .. وقت طبيعي الناس يقومون فيه ويعني متى تبيها تقوم الظهر ..وبعدين شايفني كلب قال ايش قال خذي اخوك معك .. العنود : الحين انت يا الكلب .. مهوب انت قبل شوي تقول تو الناس احد يقوم الحيييييييين .. وش طرى غيرت رايك .. فواز بسخريه : ههههههه مره تضحك .. ( يقلد صوتها ) يالكلب .. العنود : ههههههههههههههههههههه فيصل : الحمد لله والشكر .. قاعد مع بزران انا .. فواز : وانت احد قالك .. تقعد منا حنا البزارين يا الكبير .. العنود : ههههههههه .. تصدق يا فواااز ان فيصل بيطق الثلاثين .. فيصل : حرام عليكم باقي سنتين ونص وخمسه وعشرين يوم وثلاث دقايق وعشر ثواني واتم الثلاثين .. فواز : حاسبهم بالتمام بعد .. فيصل : اكيد عمري هذا .. العنود : يا بيخكم ويا بيخ حواركم .. والله واضح من البزران .. انا بروح انوم ... بعد ما طلع فيصل للعنود وفواز قامت نجلاء بتروح الحمام وسمعت جوال فيصل يرن .. بس انقطع ورجع رن مره الثانيه والمره الثالثه كانت نغمة رساله .....وكملت طريقها للحمام وبعدين تذكرت انها ما خذت ملابسها ولمى خذت ملابسها سمعت صوت رساله مره ثانيه بس هالمره على جوالها .. نجلاء : يا الله من ذا اللي رايق يرسل على ذا الصبح .. وفتحت نجلاء الرساله ولقت مكتوب فيها ( لا تنسين ) وطالعت الرقم لقته نفس الرقم البنت اللي تدق عليها دايما .. نجلاء : اجل اكيد المكالمات والرساله اللي جته قبل شوي منها.. وعصبت ورمت الجوال على السرير ودخلت الحمام وتحممت ولما طلعت لقت فيصل قاعد على السرير .. نجلاء ببرود مصطنع : على فكره يا فيصل ترى جتك رساله .. فيصل : ايه شفتها ... هذا وليد .. نجلاء في نفسها .. اكيد بتشوفها من حبيبة القلب يا اخي استح على وجهك جالس امس تمثل علي الطيبه واليوم تتلقى رسايل من حبيبة القلب .. لا وتكذب بعد قال ايش قال وليد .. فيصل : ترى اليوم ما راح اتغدى في البيت .. نجلاء تبتسم بسخريه : ليه .. فيصل يا الله وش فيها ذي اليوم ابدا مهيب طبيعيه فيصل : وليد عازمني على الغدا .. نجلاء في نفسها مره واضح وليد .. نجلاء : اهااااااااا .. فيصل : تبين تروحين لبيت اهلك .. نجلاء : ايه .. فيصل : طيب البسي انا بروح اتحمم .. ودخل فيصل للحام وتحمم وطلع ولبس وكشخ وتعطر بعطر مستحيل بنت تشمه وما تنجن .. نجلاء : يا عيني على الكشخه .. كل ذا لوليد .. فيصل يبتسم : ايه لوليد .. خليه يشوف الفرق قبل الزواج وبعد الزواج ..لانه ما شافني من بعد يوم الزواج .. نجلاء ببرود مصطنع جدا جدا جدا : لانها من جوا تغلي : اهااااااااا.. فيصل : خلصتي لبس .. نجلاء : لا شوي .. فيصل : يله الساعه 12 ما نبي نتاخر .. نجلاء اكيد ما تبي تتاخر حبيبت القلب تستناك .. في بيت ابو راشد .. ام راشد : اصب لك شاهي يا مشعل .. مشعل : ايه .. عبير : خالتي ترا نجلاء كلمت وتقول بتجي للغداء .. راشد : وفيصل اكيد بيجي .. عبير : لا ... تقول معزوم على الغداء .. ام راشد : متى قالت بتجي .. عبير : بعد شوي .. راشد : وراك ساكت يا مشعل .. مشعل :............... راشد : مشعل ... مشعل انتبه لراشد : هلاا .. راشد : وينك يا اخي من الصبح وانا اناديك .. مشعل : هههه لا بس كنت افكر في مشروع في الشغل .. ام راشد : الا اقول يا وليدي وين هديل .. مشعل في نفسه يا عمري يمه شايله هم بنتي انا عارف اني ثقلت علكم بس والله وش اقدر اسوي والله ما بيدي حيله .. مشعل : مدري .. يمكن مع الشغاله . .. ليش يمه .. ام راشد : عشان نجلاء بتجي الحين واكيد تبي تشوف بنتك ولازم تتجهز .. مشعل : نجلاء بتجي اليوم ؟؟ ام راشد : هوووو يا وليدي وش كنا نقول فبل شوي .. مشعل : لا بس كنت شوي سرحان.. ودخلت عليهم نجلاء .. نجلاء : السلااااااااام عليكم .. الكل : وعليكم السلام .. وراحت تسلم على امها وراشد وعبير ومشعل .. وجلسوو شوي يسولفون بعدين استاذن مشعل .. مشعل : عن اذنكم بروح ارتاح شوي .. ام راشد : هوو يا وليدي والغداء .. مشعل : ما ابي غداء .. نجلاء: مشعل وش فيك ؟؟ مشعل : لابس ضغط الشغل .. وابي ارتاح شوي .. نجلاء ما ارتاحت من شكل مشعل سرحان وباين عليه انه مهمووووووووم .. مشعل راح غرفته وتفكيره كله على غدير .. ليش ما تسال عن بنتها صار لي اسبوع ما كلمتها ولا اتصلت تسال عن بنتها .. ...... راحت نجلاء لغرفة مشعل تبي تعرف وش فيه .. دخلت عليه لكنه كان سرحان .. ما يدري وينه فيه .. نجلاء : مشعل .... مشعل : هاااه وش فيه .. نجلاء بابتسامه : اللي ما خذ عقلك .. مشعل : محد ما خذ عقلي الا بنتي .. نجلاء : أيه نسيتها ما شفتها وينها .. اكيييييد حلوه وتشبه لي .. مشعل : لا احلى منك ... وشوي ودخلت عليهم بنت زي القمر وطلت براسها مع الباب هديل : بابا ممكن ادخل ؟؟ نجلاء تصرخ : يا ربيه هذي بنتك قمر وربي قمر .. مشعل : هدول بابا تعالي سلمي على عميمه نجلاء.. هديل : طيب .. نجلاء : تعالي حبيبتي .. ( وباستها على خدها ) مشعل : هاه وش رايك في بنتي .. نجلاء : وشويه عليها قمر .. يا ربيه تصدق احلى مني .. مشعل : ليش يعني جبتي شي جديد داري انها احلى منك .. نجلاء : في هذي صدقت .. مشعل : هديل بابا روحي غيري ملابسك وخلي الشغاله تغيرلك مو تحوسين عليها الدولاب .. هديل : طيب بابا .. وطلعت هديل ولمحت نجلاء في عيون مشعل نوع من الحزن .. نجلاء : مشعل وش فيك ؟؟ مشعل : انا ما فيني شي .. نجلاء : مشعل انا اختك تكلم وش فيك .. مشعل تنهد : آآآآآآآآه وش اقولك وش اخلي .. نجلاء : مشعل ليش تكتم بقلبك تكلم قل لا تخبي . .. مشعل : ابوي يا نجلاء ابوي .. يتبع ..
| |||||
| |
 |
| أدوات الموضوع | البحث في الموضوع |
| أنماط العرض | تقييم هذا الموضوع |
| |
النمط الخطي
