بعد ماصار رجال تركني وباع امه 0000 لجل يرضي نسيبه

بسم الله الرحمن الرحيم
السلام عليكم ورحمة الله وبركاته
قصيده جداً مؤثره الله يرزقنا واياكم البر بوليدينا:

أشوفك بالزمن حاله غريبة .... عقوقك بآخر أيامي مصيبة

لقيتك يا وليدي ما تبيني .... وأنا أمك كنّي إنسانه غريبة

أنا أمٍ من بعد ما شاب راسه .... طلع بِرد الولد ما هو نصيبه

تنكر لي عقب ما بان عجزي .... شِربت المُر وابني ما دِري به

نسى حملي ودمعي وإجتلادي .... وطول الليل ما أنام أعتني به

نسى وشكثر في صغره حصل لي .... يضيق الصدر لو ينقص حليبه

نسى حضني منامه بالليالي .... وأنا ليلي يمر وما اهتني به

نسى كثر المصاعب والمطالب .... جميع اللي تبي نفسه نجيبه

نسى منشان بين الناس يفرح .... أحقق له مطاليبٍ صعيبه

نسى كل الذي سويت لجله .... جفاني عسى المولى حسيبه

بعد ما صار رجالٍ تركني .... وباع أمه لجل يرضي نسيبه

لها عنّي بلع مالٍ كثيرة .... وأنا أمه كنّي أمه بالغصيبه

يمر العام والعامين وأكثر .... وأنا أعد الدقايق في مغيبه

وحتى باتصالاته قطعني .... يحسبه لسمع صوتي يعيبه

دري عن حالتي قاصي وداني .... ومن غبن الولد شفت الغليبه

أطيح من المرض ما حس فيني .... وأعاني قسوة أوقاتٍ عصيبه

يا ليته لو يطق الباب مرة .... وأحس بريحته ثم ألتقي به

أبي جرحٍ بقلبي لا لمحته .... تشافى هو دوا القلب وطبيبه

عسى مولاي يهديه ويرده .... لعينٍ ترتجيه وتقتدي به

يا ربي رد مضنوني عليَّ .... إلهي محدٍ غيرك يجيبه

إلهي يا وليي لِمْ شملي .... يا ربِ تسعد القلب بحبيبه

وإذا إني متْ والهجران باقي .... يبي عفوك وهنّه في مشيبه

وصلاة الله وتسليمه على اللي .... أبان الحق للي يهتدي به

محمد هادي الخلق ونذيره .... عدد ما لاح نجمٍ من مغيبه
.......................

لاحول ولا قوة إلا بالله


منقول

امين يارب
تسلم على مرورك فضلاً لا امراً , قم بتسجيل دخولك لرؤيه الرابط او إضغط هنا للتسجيل الجديد

الله يسلم قلبك فضلاً لا امراً , قم بتسجيل دخولك لرؤيه الرابط او إضغط هنا للتسجيل الجديد