ماتبكي غيبة الرااعي شيوخ

للألم عزه ... وللحزن إبتسامه
............. وللكيان اللي ... تشوفه شموخ



كانها فرقا ياعمري .. بالسلامه
............. ماتبكي غيبة الراااعي .. شيوخ



تكرم الدمعه ... ولاتنزل ندامه
............ ينتشي قلبي ... ولايقبل رضوخ



دامها بالحب .. توصل للكرامه
............. فارق وإحساس ركبك.. لاينوخ



ليل حبك لو كسى قلبي ظلامه
............. ماأخافه .. دام للعزه ... بزوخ



للكرامه نور .. لاصارت عدامه
............. وللمحبه حد ... لاشفتك (تخوخ)



لايغرك قلبك وشووقي لغرامه
............ ولاتغرك ضحكتك يوومي أدووخ



إيه أحبك .. بس للواقع نظامه
........... لاتسويلي بها ... صيد وفخووخ



كان مرك ناس حبوا وبرخامه
........... عاشقك بالمرجله . . قلبه رسووخ



مايسامح من نوى يجرح كلامه
........... ولايعديها .. ولايقبل .. نسوووخ



ماأبالي لو نويتها ... هدامه
........... أقلب قصور المحبه .. لعش كوخ



ومن يلاعبني على مرسى هيامه
.......... لايفكر يووم في قلبي .... يشووخ



ياصغيروأسمع نووح الحمامه
........... مات أبوهم .. من يربي هالفرووخ



أسمع ماهو عتاب ولاملامه
............ أسمع قول ٍ بقوله من شمووخ



كانها فرقا .. ياعمري بالسلامه
........... ماتبكي غيبة الراااعي ... شيوخ