قريت هالابيات واعجبتني وان شاء الله بعد تعجبكم
أرجع أنا .. للوقت و أيامه السود
و لحزني اللي يعتبرني رفيقه
تنسى .. و لا أنسى و أذكر الحلم و تجود
قريحة الشاعر بما لا يطيقه
و يقال كان الحال من زود في زود
و الحين صار الحال ضيقه بضيقه
و أن كان ما يرضيك .. و العمر محدود
خذني معك بين الضلوع الرقيقه
صب المشاعر داخلي صب بارود
حرّك سكون الليل .. و أشعل حريقه
خل الغرام يروح و يلف و يعود
و أنفض غبار القلب يطلع بريقه
يفداك كل القلب .. عنقود عنقود
من فاكهة صبره .. لصافي رحيقه
كن الرسايل منك في درجي ورود
هذي على هذي و صارت .. حديقه
منها يفوح العطر و الشوق و العود
و تمرني الساعه و أنا أقراء .. دقيقه
لا تنذهل .. شاعرك مافيه منقود
كل الكلام اللي يقوله حقيقه
ولّع ظلام الليل يا صاحبه جود
و أشره عليه أن كان .. ما بل ريقه
June 4, 2006, 02:40 PM
ابيات اعجبتني 
النمط الخطي
