بعض عبارات شبابنا اللي ما يعجبهم العجب ولا الصيام في شهر رجب.

حياكم الله شباب وبنات......... جايب لكم موضوع بيعجب البنات اكثر من الشباب
هذي بعض عبارات شبابنا اللي ما يعجبهم العجب ولا الصيام في شهر رجب.........
من الالف الى الياء........
أ / انتي ياهيش ..وين شماغي ... ( والمشكله الشماغ جنبه الله لا يعمينا )
ب/ بروح اكشت مع اخوياي ..... ( روحت جدي ان شالله )
ت / تراني بصيف اليوم .....( ماجبت جديد متعوده الحرمه )
ث/ ثواني وانا عند الباب ..اجهزي ( ولا يجي الا بعد ساعه وهي ملطوعه عند الباب )
ج/ جاي تعبان من العمل منيب فاضي لتس .. ( كن مايشتغل الا هو )
ح / حريم مايجون الا بالعين الحمراء ... ( جملتهم المفضله )
خ/ خذي عيالتس وفارقوا عني .. صجيتوني ( كنهم عيالها لحالها )
د / دوري احد يوديتس ويجيبتس ..( وانت وش شغلك )
ذ/ ذاك الصيف مسافرين هالسنه مهنا سفر
ر/ راتبس ماطلع يابعدي .. ( توه يجي الكلام السنع يوم جت الدراهم )
ز/زيدي العشاء ترى الرجاجيل كثروا ..( والعشاء استوى وخلص وشلون تزيده )
س/ سيارتي قاضي بنزينها ومامعي صرف ..معتس سلف ( رددي ياليل مطولك مهيب راجعتن لتس )
ش/ شيلي المقاضي شوفيها عند الباب ( ورى ماتشيلها انت يامال الحروال )
ص/ صديقي بيسافر برى تراني بخاويه ( خايف عليه يضيع والا وشلون )
ض/ ضايق صدري ..ضايق صدري ..كل مادخل للبيت ( وهو عند ربعه فاقن خشته )
ط/ طالق ...طالق ...طالق >>>>>> هذي ان خربت الاخلاق عاد
ظ/ والله صعب هالحرف مشوه
ع/ عصاقيل تصافق واشهب الهب ويبي وحده حلوه ( اقووول اها بس )
غ/ غالي هذا ..دوري غيره ..( متحسفن عليها الغالي يامال الفقر )
ف/ فلااااااااان تزوج على حرمتن ثانيه ..( يلمح الرجال )
ق/ قومي بلا دلع ..مافيس الا العافيه ( وهي مصيخينه خنت حيلي )
ك/ كل كلامه هواش ماااااااااعنده تفاهم
ل/ لا تروحوون بعيد ..وماغير داااااقن اللطمه اذا طلع مع اهله
م/ معزوم في الاستراحه >>>> امحق عزومه اللي كلها لعب بلوت
ن/ ناااااااااااااادرا ماايشكرها على شي سوته
ه / هيه ..انتي >>>>> طبعا هذا اسمها في الاماكن العامه
و/ ورى ماتسمنين ..وان سمنت قال ..ورى ماتنحفين ( خير هي لعبه ان رعصت زرار سمنت والا نحفت )
ي/ ياااااااااازين هالمذيعه ( ياخي استح على وجهك ,, اللي جنبك قوطي ماتعبرها ..


م..ن..ق..و..ل

هههه
حلوة بس مو كل الشباب حرام عليك

مشكورررررررررر على الموضوع

العفوووووو

يسلمووو ع المرور..