استرحتي

وخير يعني لو تركتيني ورحتي

ماجرحتي .. بس صحيتي جروح

كان غافي الجرح فيني وأستبحتي

حرمة جروحي وهديتي صروح

عاجبك ماصار فيني ؟ إسترحتي ؟

إعزفي لحن إنتصارك والفتوح

عيشي إحساس الفخر كلما لمحتي

دمع ضعفي فوق خديني يفوح

ما أبيك تقاطعيني لوسمحتي

لوسمحتي إسكتي ودّي أبوح

مهما قلتي أو حكيتي أو شرحتي

مايفيدك خافقي ماهو سموح

مات فيني الطيب وبغدرك ذبحتي

كل معنى للتسامح والطموح

كنت أظنك وافية بس أنفضحتي

الخيانة في سما عينك تلوح

دمعتك هالثايرة فوقي وتحتي

لومسحتيها تشوفين بوضوح

إمسحيها وإلا عنّك مامسحتي

بس شوفي كيف أخليها وأروح