اسئلة واجابات شاعر

هذه مقتطفات من اجوبه لمعاني كلمات سئلني عنها احد الاخوان وطلب مني ان اعطي معانيها بأبيات شعريه

واردت ان هديها هنا لكم لعلكم تجدون فيها مايناسب اذواقكم الراقيه





خذ الاجابه



1-من أنت ؟

انا الفقير اللي تغذيه الاذكار #### ابغى رضا ربي بشتى الوسايل



وانا الذي لا جيت اهوجس بالافكار#### شاعر يروم لعاليات الطوايل







2-من حبيبك؟

حبيبي اللي خالق الكون كله #### من ناحية الدين هذا حبيبي



وحبيبي اللي لابغيته ادله #### اللي بحاجة دنيتي ما يغيبي







3-ماذا أعطتك الدنيا؟

عطتني الدنيا من الحلو احلاه #### وجربت علقم مرها في سنيني



وحمدت ربي واشكره ما تناساه #### ماصابني مكتوب ولازم يجيني





4-مارأيك بالناس في الوقت الحالي؟

الناس بين المرجله والتطور #### فيهم ردي النفس يفقد وقاره



وناس(ن) على الماضي وفوق التصور #### فيه المراجل والكرم والحضاره







5-من صديقك؟

صديقي اللي لا نصيته نصاني #### لامن بغيته حاضر(ن) دوم موجود



ولا من طلبني بحاجته او نخاني #### اجيه لو بيني وبينه كم حدود





6-من عدوك؟

عدوي الغيره وكثر التكبر #### والجهل في فعل الدروب الجزيله



ومجالس الجهال وبيت(ن) مسكر #### ومضيع العادات وا...عزتي له











7-عرف الكلمات التاليه:-

الشووق

الشوق يجذب من لقلبك تحبه #### كلمة وتعني الغلا والهواجيس



حب المقابل والغلا تجتمع به #### والمشكله لاصرت راعي نواميس







الخيانه



الله يبعدنا دروب الخيانه #### والحمد لله دربها ماوطيته



الخاين اللي لاعطيته امانه #### خان الامانه وانكر اللي عطيته







الوفاء





طيبك بحاجة صاحبك وجيتك له ##### للصاحب اللي بك مضى له مواجيب



يسدي لك الطيبه ورده وفاء له ##### هذا الوفاء رد الوفاء لراعي الطيب







الجرح

الجرح ما كل الجروح محسوسه #### مثل الجروح اللي على الجلد تدميك



بعض الجروح بداخل القلب سوسه #### مثل الحبيب اللي توده وجافيك







الحزن



الحزن هو نوعين: حزن القرايب #### اللي دروب من المنيه خذتهم



وحزنك الثاني: طريق الحبايب #### اللي دروب(ن) يم غيرك رمتهم







الإبتسامه



ماكل من يضحك ويبيدي ثناياه #### يبيدي الموده الخفي ماتشوفه



المبتسم دايم فعوله مطاياه #### شف وش مضى له تعرف اللي بجوفه







الشعر



الشعر نظم افكار تنهى بحرفين #### اما بصدر البيت والا بعجزه



وفيها جزيل علوم وعشق اللطيفين #### واحيان تمدح بالشعر من تعزه



منقول