سقا الله يوم أنا طفله
أنام ولا أحد قدي
ولاأحاكي هموم اليوم
ولاأنتظر أمل بكره
.........................
تداعب أمي شعراتي
وتمسح بيدها خدي
ونومي هادي وساكن
رعانا الرب في ستره
..........................
تلاعب يدي الدميه
وعندي هالزمن وردي
همومي لعبتي ضاعت
وعندي هم وش كبره
.........................
كبرت وزادت همومي
وأحس إن الزمن ضدي
كبرت ونظرة الطفله
تعيش بداخلي فطره
..........................
كبرت وعشت هالدنيا
كبرت ولا هو بيدي
كبرت بشكلي ورسمي
وقلبي باقي بصغره
...........................
وصار الهم يلعب بي
مثل دمياتي بيدي
وأساهر ليلي بطوله
ويعلن رحلته فجره
.........................
ياليت وليت أنا طفله
أنام ولا أحد قدي
ولا أحاكي هموم اليوم
ولا أنتظر أمل بكره
........................
ياليت وليت أنا طفله
........................
سقا الله يوم أنا طفله
أنام ولا أحد قدي
ولا أحاكي هموم اليوم
ولا أنتظر أمل بكره
...........................
November 17, 2007, 06:59 PM
ايام الطفوله 
ابتسم تبتسم لك الحياة
النمط الخطي
