دجاج بالسكر

جبتلكم اليوم طبخة خطيرة مررررررررررررررة(ما قلتلكم بكالوريوس لغات)

الدجاج بالسكر

لا لاتخافو من الاسم الدجاج ما بكون طعمه حلو...
السكر بس للون...

المقادير...

دجاجة مقطعة (يا حرام)
3ملاعق سكر
بصل مقطع شرائح
توم مقطع شرائح رفيعة
بهارت
ملح
فلفل أسود
هيل مطحون


الطريقة...

بتنضفوا الدجاج المقطع...وبتنزعوا عنه الجلد...
بعدين بتجيبوا صينية (وياريت تيفال) وبترشوا فيها السكر...وبتدوبوا السكر عالنار وبتحركوا الصينية حتى تتوزع الحرارة عالسكر...
حتى يدوب السكر ويصير لونه ذهبي أو بني...
بتجيبوا الدجاج...وبتحطوه فوق السكر...
لكن انتبهوااااااااااااااااااا...
الجهة التي توضع فوق السكر هي الجهة التي تشوى من الدجاج...
فاهمين علي؟
يعني بنقلب القطعة وبنحطها فوق السكر...
بعدين بنحط فوقه البصل والتوم...
بنرش الملح والفلفل الاسود والهارات والهيل...
بعدين بنسكب كوب ونصف من الماء فوقهم....
ثم نغطي الصينية...
لو ما الها غطى بتغطوها بالسيلفر(القصدير)
لكن القصدير ما بيصير يكون مباشرة فوق الطعام...
حطوا بالاول ورق زبدة وفوقه القصدير...ماشي؟
يلا أشوف بدي اسمع عن نفاذ ورق الزبدة في الاسواق...
السلفر مو صحي يكون فوق الطعام مباشرة...

المهم...
يغطى ويوضع في الفرن...
أو ممكن على الغاز....على نار متوسطة...
حتى ينضج الدجاج...
ثم نرفع الغطاء...
ونتركه على النار...
وننتظر حتى ياخذ الدجاج لون السكر...
طبعا نرفع القطعة وننظر...
مو تستنوها من فوق تصير بني ...
راقبوها من الاسفل...
وحتى البصل بياخد اللون البني...
وياااااااااااسلااااااااام...
اسكبوها بصحن حلو...
وقدموها...
بتعملوا جنبها رز مبهر...
وسلطة الخيار باللبن...

والنا لقاء للمقبلات هلا مشغولة...

عفكرة هاي الاكلة سريعة وسهلة...
اللي بجربها يخبرني...

وصحتين وهنا....
منقول

يعني ما جربتوه او ما اعجبكم