يا دروب الحب

يا دروب الحب يكفيني عذاب
ملت الأهات ماعندي جديد

كل يوم فيك تحملني سحاب
وباول المشوار ترميني بعيد

من جروحي كم طفيت الجراح
ومن جراحك كم ولعتي الوريد

ما بقى فالقلب ذكر ى للي راح
بين سجن وبين سجَّان عنيد

يادروب الحب ما أجمل بهاك
وياقسى دربك كنّى به عبيد

تِبعِدين وتِفرِحين وتِحزنين
والضحايا فيك مقتول وشهيد

يادروب الحب بسئلك سؤال
ليش في مظهرك تغرين العديد

وليش لاخظنا دروبك تقتلين
فرحة إقلوب أشبهها بوليد

صدقيني كان لي حلم كبير
كانت ايامي فرح لهفه وعيد

صدقيني صارت إعيوني تفيض
عين دم وعين دمعات الوحيد

باعه الخلان في خاطر رضى
من حسبه الأمس إنسان فريد

لجل يرضي عين ماتعرف بكى
لجل يرضي قلب من طين وحديد

يادروب الحب والله مائتوب
من دروبك ودري موتي به أكيد

أدري إني ببتعد عن كل شي
دام من حبيت يرضابي سعيد