للنقط اللى فى الرجل والشعرتحت الجلدوالبقع ورجلين بتلمع!!

للنقط اللى فى الرجل والشعر تحت الجلد والبقع ورجلين بتلمع باذن الله
انا لئيت بنات كتير بتعانى من المشاكل دى وانا كمان كنت بعانى منها بس الحمد دلوقتى تخلصت منها وقولت افيد يعنى الموضوع دة تجربة شخصية خالصة وكل كلمة بعد تجربة يعنى اطمنوا مجربة ومضمونة

الشعر اللى تحت الجلد بيكون نتيجة خروج الشعرة وتكون طبقة من الجلد الميت عليها فلازم تقشر الجلد الميت اللى تحتة الشعر بيكون بطرق مختلفة فية ناس بتستخدم سكراب انا بستخدم الملح وانا فى الحمام باخد سفنجة واخيط فيها شريطة من الطرفين عشان اعرف امسكها كويس احطها فى مية ثم فى الملح واعدك بيها رجلى كويس اوى اوى لغاية ما احس ان الجلد الميت اتشال ولازم يكون الملح خشن واحيانا بخلط الملح مع بيكربونات الصوديوم او زى ما بنقول عليها كاربوناتو استمرى عليها لغاية لما تنتهى مشكلتك وميطلعش شعر تحت الجلد يعنى استمرى عليها عشان تمنعى حدوث المشكلة مش تستنى لما الشعر يطلع تانى وتعمليها انا احيانا بكسل اعمل كدة بجيب حاجة كدة زى الحجر الخفاف بتاع الرجلين بس الناعم منة وبراحة خالص احركة على رجلى من غير ما اضغط بشوش بشويش بشويش دة بيقشر برضة بس منصحكوش بية لانة حامى على الجلد بس تقولو اية على الكسل وبالنسبة للنقط فى الرجلين مفيش احلى من الليمون انا جربت الليمون رائع كنت بعمل تقشير لرجلى بالملح بالطريقة اللى لسة قايلاها زى ما انتى المفروض تعملى وبعدين كل يوم بالليل حطى ليمون على رجلك يعنى تعصرى الليمون وتحطية على رجلك ولو حابة ممكن تحطية فى بخاخ وترشيى وبايديك كدة تدعكى كام دعكة كدة ولو فى ايام مش بتعملى فيها تقشير تعملى اية تقطعى الليمونة نصين وتحطيها فى سكر خشن وتدعكى بيها رجلك الفترة اللى ترتاحيلها وبعدين تستنى لما الليمون اللى على رجلك ينشف تغسلى رجلك بماء ساقع سخن لأ وبعدين ترطبيها باى حاجة بودرة تلك او فازلين بس ابعدى عن الجلسرين خالص يعنى تستخدمى اى كريم وممكن دة تعملية بالليل اما بالنهار اول ما تصحى ادهنى رجلك بخل تفاح حموضة 5 او 6 % دة بئى بيبيض ويشد الجلد ورائع للنقط الحمراء والبقع واى اثار فى رجلك يعنى بللى قطنة ومشيها على رجلك وسبية وخلاص بئى لغاية الشاور بتاع بالليل اللى حتعملى فيه تقشير ولو بتحبى تاخدى شاور اول ما تصحى خلاص استحمى عادى جدا من غير تقشير لرجلك ولا حاجة حطى بعد ما تخرجى من الحمام الخل وبليل تعملى الليمون على جسمك مع السكر لانك معملتيش تقشير وانتى بتستحمى واوعى تعملى تقشير رجلك الصبح مع الحمام وبعدين تحطى خل التفاح وبليل تحطى الليمون مستخدمة طريقة السكرعشان كدة انتى بتجهدى جلد جسمك

انا لخبطكوا صح بصو لو بتاخدى شاور الصبح حتعملى كدة

الشاور من غير تقشير لرجلك يعنى حمام عادى
تخرجى تحطى خل التفاح
بليل تعملى طريقة الليمون مع السكر
وبعدين ترطبى رجلك وممكن تخلطى مع الكريم المرطب تونر بيكون نتيجتة حلوة

لو بتاخدى الشاور باليل
الصبح تحطى الخل اول ما تصحى
وبليل تاخدى الشاور وتقشرى رجلك فى الحمام بالملح ولما تخرجى حطى الليمون بس من غير سكر يعنى عصير ليمون وادعكى ينشف اغسلية ورطبى رجلك برضة

طب لو اليوم دة كنتى مستعجلة ومكنش عنك وقت تاخدى دوش ومعملتيش تقشير بالملح
الصبح حطى الخل
وبليل الليمون بطريقة السكر يعنى تقشير وليمون فى بعض وبعدين رطبى رجلك

ومينفعش تستخدمى تقشير الملح لرجلك وانتى فى الحمام وبعدين تستخدمى السكر مع الليمون فى نفس اليوم لان زى ما قولت دة مجهد للجلد


ومن اول يومين اتنين حتلاحظى نعومة وبياض واوعدك فى خلال اسبوع او اتنين رجلك تكون رائعة الجمال بس انتى واظبى عليها وحتتخلصى من مشكلة الشعر تحت الجلد

ولو بطلتى الطريقة دى او بعد مرور الاسبوعين ووصلتى لنتيجة حاولى تواظبى كل يوم على عصير الليمون او خل التفاح تدهنى بية وتنامى بية مش حتاخدى وقت بس لو متزوجة الخل مش حينفع لان ريحتة مش حلوة اوى والتقشير يعنى كل فترة اعملية متقطعهوش يعنى وانتى فى الحمام مش حياخد وقت

ارجوا ما كونش طولت عليكم واسفة لشرحى بالتفصيل الممل بس حبيت اكون واضحة لانى بضايق لما بدخل موضوع والائى صحبتة كاتبة مختصر ومش واضحة التجربة بالضبط
وارجوا اكون افدتكم

منقول
.

من مواضيعي

0 الموت المفاجىء بين العلم والايمان !! 0 احلى سبع صور بايطاليا!! 0 هزى يانواعم !!! 0 ما الفرق بين الحمد لله والشكر لله؟؟ 0 صور لجبال من الطبيعة....انظر وتعجب!!!

شكراً على الموضوع الرائع

من مواضيعي

0 نظرة فأبتسامه فالقاء فا ...............؟ 0 ...{ براءه }.....{ بلا ألوآن ..}.... 0 مجموعة قطط غريبه جداً .. 0 ღ◦˚°لا تكن المغرور فتندم ... ولا تكن الواثق فتُصدم° ஓ 0 قررت أن انسحب وأترك المنتدى ..

شكرا لك اختى مرورك الكريم

من مواضيعي

0 اجمل من ملكات الجمال ........صور 0 مدائن صالح التى نهانا الرسول صلى الله عليه وسلم عنها 0 تقدر تتخيل ان فهد يرعى رضيع القرد بعدما اكل امه 0 متنزه على شكل طاووس 0 التزم بهذا كى يعزك الله؟؟

مشكورة على النصيحة وانا غالبا استخدم اي مقشر للنقط لاكن طريقتك مرة حلوة

من مواضيعي

0 صورة مخيفه لمريض السرطان براين كورتيس 0 خبر إعتناق فنان سعودي المسيحية (إشاعة ) 0 الرضا .. ولو على جمر .. الغضا * 0 وٍدآعيّهْ يآ أخرٍْ ليلهْ / تجم ع نآإ ]:. 0 رسائل رسائل قمه في الروعه لشاعر معروف

تسلمي sma_115

من مواضيعي

0 عشقك قد أعادني إليك 0 هل يكفيك 0 يازائر (مجلة الابتسامه) هل تعرف من نحن ؟؟؟ 0 مولتن شوكلت 0 الحلفاء .... الأعداء من صنعك انت