 |
|  |
| الابتسامه » المجله » التسجيل » مشرفو المجله » البحث » مركز التحميل » مشاركات اليوم » دليل المواقع » الاعلانات » الترجمه » سجل الزوار » |
| ||||
| ||||
| |
 |
| | |
 | |
 |
 |
|
| |||||||
| شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك |
|
| مواضيع مشابهه |
| إلى السادة المشرفين |
| |
| | LinkBack | أدوات الموضوع | البحث في الموضوع | تقييم الموضوع | أنماط العرض |
January 23, 2008, 11:06 AM
| رقم المشاركة : 1 (permalink) | |||||
|  الصاحب يضيق صدر ٍ .. لأتأمل في دهاليز الامور ويهوم فكر ٍ .. معْه عذبات القصايد عبّرا وتخط ّ كفّ ٍ من تخاليج المشاعر مايدور ويرتاح قلبن.. لانوى هوجاس ليله يسهرا الصاحب اللي غيبته طالت له أيام وشهور أوجسّت من خطرا ..غيابه خاطرن .. له كدّرا ياصاحبي عن خافي المكنون إخّذهْ في سطور بيّ علة ٍ ياصاحبي .. ماله علاج ٍ يذكرا الحب في قلبي سطا حتى غشى حالي نفور قلب ٍ عقب فرقاه مأظني غصونه تثمرا محروم من شوفه ولا .. أظنّ الِقدم يمّه تزور إلاّ بحلم الليل طيفه .. زارني متكبّرا منْ فارقت عيني ..وخلا مابنينا من قصور أمسيّت بين أطلاله .. أسيّح دموعي وأنثرّا متلحفن ليل العنّا .. وانثر له أشواقي عطور وأسجّ في ذكرى غرامه لين قلبي أستشعرّا والهاجسّ اللي جابنّي في زحمة الشعر مغمور معّه الجزاله .. بكل حرف ٍ من حروفه .. سطرّا يرسم لك المعنّا من أفكار ٍ عذيّات الزهور من وارد أفكاره قطفت .. ورود قاف معطرّا والهاجس المخطور .. بحر ٍ دونه أمواجي تثور إليّا بنيت إبيات فكري فالجزيل محيّرا وماهمّني نقض القوافيّ أو فتّل قاف معسور أنا مثل ما أنته ..على سطح البحور مصيطرا والجوهر المكنون كنز ٍ من وراء سبعة بحور عسّاه يلقى من يدير الدّفه عنّي ويعبّرا والدّهر محسوب الخطاوي ..والعمر فيه محصور والحلم مبتور الرجاوي .. والشقاء فيه أثرّا والمرّكب اللي فاتنا من زهوة العمر معثور ياطا على وعور الوطا.. ويرتع معْ وحوش العرّا متبهذلن .. ماذاق من مرّ البهاذيل معذور وأقفى من عيوني يجرّ .. خطاه محروم الكرّا الشّعْر منطوق الفؤاد .. وساحة ٍ فيه العبور كم شاعر ٍ ممّا يشيل القلب قال وصوّرا والشّاعر الليّ كرّم القيفان ..وقدمها جزور الله يبيض وجّه .. منْ قدّم عشاه مبكرّا وإن جيّت تنشدني عن خيّال ٍ أخايلها صبور مستوحشن أرض الخلا وأنطرْ فياض ٍ تزهرا أنا صبرت وطال صبري وراعي الصبر مأجور متأثر ٍ والصّدر ممّا شال صبرّي زبرا سحّايب ٍ تمشي معي.. وعنّ ناظري قبل النشور تحجب نزوح الصبْح .. ولأدري بأي وقت إتعفرّا ماقضّها رعّاد وسم ٍ.. ساق بلاّل الضمور ولا عانقت سيل ٍ .. معا غيث الضواميّ أمطرّا والبرق يلمع في بريقه بارق السّيف السّبور فيّ مدّلهم الليل .. لا شعّت بروقه ذيّرا متميز ٍ بالصوت حسّه .. يفهق البكرا .. عشور مثل الجمل ..لاهاج من .. خلف الرّحايل يهدّرا والعنطموس بسحّرها ..تسّرج من ضلوعي مهور وآهيّم في بحّره على مهرة خيالي مبّحرا ماشافته عيني ولكن مالك ٍ .. حسّ الشعور تدفيّ خفوق ٍ ..عن شديد البرد آمسى مدثرّا الصدق.. ينقذ راعيّه ..والكذب مع نفسيّ محضور آشير وعنّ هالرأي كلّ من حولي صدّ مغرّرا والفكر ينفض قاسيّه .. والرأي من فكري محشور مانفلت .. حباله مع المعتوّه مهما عيّرا وأكيد أبو وجهين ماله بالعرب عهد .. مخبور وعندك خبر ..كم صاحب ٍ باق الرفاقه وأدبرا والمغّترب في ليلته .. وآضحى على ربعه يشور متلطخّن .. بالدمّ وعمّه حلّ .. دمّه وأهدرا له غارب ٍ في موطنه يندّب لياليها.. الثبور محقور وقته .. والقلاده تحت دقنه مدورا والغيرة الليّ ساقت الحاكم لجل دينه غيور ماسيّرت جيش إعتلآ بيّرقه وشمّ منّصرا والحكمة اللي سنّها ربك على خلقه تدور تمشيّ على حكمه ..ونفسك في رضاه تكبرّا والشجرة اللي فرّعها وسط الثرى يفرش جذور ماتقعمه زجرْ العواصف دام فرعه جذّرا ومادام طيّري مخلبّه عادته يفرس بالنحور متبصرّن حتى يصير الليل .. عندي أغبرّا
| |||||
|
| |
 |
| أدوات الموضوع | البحث في الموضوع |
| أنماط العرض | تقييم هذا الموضوع |
| |
رد: الصاحب 
النمط الخطي
