رأيكم بمذيعي ومقدمي شاعر المليون

السلام عليكم ورحمة الله وبركاته.................
أبي أعرف رايكم بمقدمي ولجنة تحكيم شاعر المليون......
بالنسبه لي كمحبه للبرنامج وليس بعين الناقده يعني لحد يزعل مني........
أبدأ بالمذيعين:
دارين:-عادي بس أحسن من حسين بكثير
حسين:-مره ماينفع ياليت يغيرونه وكم مره يغلط أناكنت أتابعه لما كان أحد مشتركي بيت عرسان في قناة بدايه كان يعجبني بثقته بنفسه وبثقافته ماشالله عليه
[بس كمقدم لبرنامج شعر نبطي مولايق
وياليت يرجعون مذيعين العام
ثانيا لجنة التحكيم:
حمد السعيد:-صح له محبين كثر وأخلاقه عاليه بس ماينقد أبد لا تقولون القصيده مو محتاجه مو معقول يعني ماله فايده
سلطان العميمي:-ماعليه كلام
بدر الصفوق:-فاهم أحسه مايعرف يعبر عن اللي بيقوله بس أسلوبه بالرحلات مستفز
تركي المريخي:-ماطيقه من أسلوبه صح تحسن عن العام بس أكره مدري ليه وماله داعي ورايه أهبل ومايصدق يلقى مجال عشان يمح بالأمير محمد بن زايد (أنا معاكم إنه يستاهل بس الشي إذا زاد عن حده...................
الدكتور:-أكثر واحد فاهم فيهم
وياليت يرجعون المسعودي بصراحه رايه دايم بمحله وأخلاقه قمه
..................أستنى ردودكم..................

وعليكم السلام ورحمة الله وبركاته ...

شخصيا ً أحس البرنامج صابته رتابه ..ما اعرف ليش , يمكن في المراحل المتقدمه و احتدام التنافس و تقلص عدد المشاركين , يعود الى رونقه السابق

بالنسبه للمذيعين ..عاد انا بتكلم على راحتي , جني يالسه في ميلس ..هههههه ما فيني على العربي الفصحى و الجمل الكامله ..فأسمحولي ..

بالنسبه لدارين , اشوفها زوينه ..اي لابأس بها .... راكده بغير روضه , روضه تحسين فيها حياه , بمعنى اخر لهلوبه ...ما يحتاي قوس فزح على المسرح من الثياب و الألوان الي تلوص بهم وييها << يعني مكياجها ...كلها على بعضها مهرجان .. << ترا هذي موب مدحه ..انا بس اوصف عشان ابين الفروقات
هالحين اشوفوها تقدم في قطر ..منتفخه و غاديه هالمتن ...مادري شياها

اما حسين فأنا الصراحه اشوفه أحسنبكثير من الهاشمي مال العام... ..هذاك أحس فيه هفة خبااال لافحتنه ..وبعدين لكنته لكنه مقبوله خص أن البرنامج بدى يركز على الطابع الاماراتي من الجهه التقديمه سواء في المسرح او على نطاق المقدمين ....و صحيح تحسين به مرتكب او مستعيل بعد ما يخلص قفرته ويتنظر انتقال الكميراه..

اما المنصوري ..والله ماله لزمه ..ابتداء من الشد على الشين في شكرااااااااااَ(ن) اخوي حسين ...باللكنته الاماراتيه القح الخاصه ببعض مناطق الامارات ..احسها جرعه زااااايده لو يخفف منها ...الي ما يعجبني في اسلوبه التقديمي انه ولا جنه مقدم, في أغلب حواراته مع الشعار , يسأل ويرد عليه الثاني ..ينزل راسه ويهمس لنفسه ( الله يسلمك ) خيييير انت قاعد تقدم برنامج كمذيع موب يالس في بيتكم ولا في كوفي شوب .

عاد هذا موب رائئي الراكز ..هذا كلام جاا في بالي تفاعلا مع الموضوع وقلته

بالنسبه للجنه التحكيم ..
الدكتور أشوف عمادهم ...والباقي ما عرفنالهم
و أشوف لو المسعودي جا بدال المريخي .

في النهايه مجرد رأي يبقى على الهامش

مشكور على المرور ...........وبصراحه الاحظ كثير اللي
مايبون المريخي

امممممم
صراحه البرنامج ككل تغير كثير عن العام
الموسوم الاول كنت اتابعه حلقه حلقه وماافوت منه ولا لقطه
لاكن اللحين حلقه اشوف وحلقتين لا
بالنسبه للمذيعين
دارين ازين بكثير من رووضه بس مشكلتها يعني ضحكها كثير يعني تتبسم زياده عن اللزوم والمكياج احسه ثقيل عليها >> بنات لازم نعلق على الميك اب
خخخخخخخ
بالنسبه لحسين العامري انا مثلك ياغداف كنت اتابعه في بيت عرسان بس ماكنت تعجبني ثقته الزايده بنفسه يعني تقريبا غروور
يعني اتوقع في مذيع كثار احق منه انهم يقدمون برنامج ضخم مثل شاعر المليون لان حسين اخطائه وتوتره وعدم اعتياده على الكمرا واضح كعين الشمس
بالنسبه للجنه التحكيم
بدر الصفوق صراحه يضيع وقت الحلقه وهو يدور كلمه عشان يعبر عن رايه
الدكتور ماعليه كلام بس احيانا يكون قاسي ويحرج
تركي المريخي مااطيقه مووليه مادري ليه ماهو داخل مزاجي ابد واحسه ثقيل دم
سلطان العميمي من جد يستاهل انه يكون من اللجنه اسلوبه جدا رائع
صرااحه المسعوودي كان قمه والله لو يرجعونه ازين لانه احس نقده نقد رائع وانسان يعرف في الشعر صح
ومثل ماقلتي حمد السعيد كله يمدح
اعذروووني بس هذا رأاي
واكيد فيه احد يخالفني فيه
يعطيك العافيه غداف

تسلمين على المرور وأخيرا لقيت إنسانه رايها زيي مع إن أمي تقول
لوفيه أحد زيك كان إختربت الدنيا هههههههههههههههههه