طلبات الرجال من الأاف للباء

يلا شوفوا طلباتكم يا ظالمين..

الألف : أحلف برب الكعبة اذا ما لقيت جواربي و قميصي راح أطلقك و أرجعك بيت أهلك يالفوضوية (( فعلا النسوان المساكين أي شي يضيع من الرجال تنحط على راسنا .. مع أن المفروض أن الرجال يحافظ على أشيائه .. مو اذا ضاع أي شي يقوم و يحط البشلة على راس الزوجة المسكينة و يهددها بالطلاق .. شنو احنا ميتين عليكم يالرجاجيل ))


الباء : بوسي ايديني اذا كنتي تبين فلوس حق شراء فستان لعرس أختك (( فعلا النساء مظلومات ))

التاء : تعالي و سمعي زين .. اذا الجنين الرابع طلع بعد بنت راح أتزوج عليكي .. فشدي حيلك و جيبي لي ولد يشيل اسمي (( بالله شفيهم البنات مو أحلى من الأولاد و البنات بالله يشيلون اسم منو .. ولد الجيران .. و اللي يسمع هالكلام من مثل هالرجال يقول كأن الجنين ولد أو بنت يكون بايد النسوان .. مو كأنه بايد الرحمن ))

الثاء : ثلاث أيام و أنتي طباخك يما يكون فيه نقص ملح أو زيادة بالملح .. شوفي يا خانم .. اذا بكره طباخك كمان ما عجبني و طلع فيه شي يشوه طعمه على طول أرجعك لبيت أهلك و أتزوج عليكي .. مفهوم (( اذا كان الرجال يبي يتخلص من زوجتك بأي طريقة و عذر .. عيل بالله ليش أخذنا و تزوجنا .. شنو احنا لعبة بين ايدينه

الجيم : جيبي لي كوب ماي و حطي فيه ثلج زيادة .. و أبي الكوب يكون على صحن صغير و معاه منديل علشان أمش شفايفي من الماي (( كأن النسوان خدم أو عبيد شارينا الرجال بفلوسهم علشان يتآمر علينا متى ما يبي ))

الحاء : حبيبتي ... أنا بطلع اليوم مع الأصدقاء و راح أرد الفجر .. فلا تنتظريني على العشا (( لو الزوجة طلعت مع صديقتها للساعة 9 بليل يذبحنا الزوج .. بس هو يطلع و يدخل متى ما يبي على راحته .. حلال عليه و حرام علينا .. فعلا قهر ))

الخاء : خليل صديقي اتصل فيني .. يبيني أييله في شغل مهم .. فاليوم ما اقدر أوديك لتزوري أهلك .. أوديك أسبوع الجاي (( و الزوجة المسكينة سمعت هالنغمة ألف مرة .. و صار لها مو شايفه أهلها 3 أشهر .. بس شنو تعمل المسكينة غير الصبر على الظلم ))

الدال : دوري لي على المجلد اللي حطيته فوق مكتبي من أسبوع .. ما أدري وين راح (( اذا الزوج بنفسه صاحب المجلد ما يعرف وينه .. هالمرة الزوجة المسكينة شو غرفها .. بس بما أن الزوجة سيدة المنزل .. فأي شي يضيع يكون من مسؤوليتها و هي السبب و المجرمة و الفوضوية و المستهترة ))

الذال : ذيك اليوم سمعت أن ابو صديقتك منى مات و خلف وراه ورث كبير لها .. و هي و زوجها الحين عايشين عيشة الملوك و الأمراء .. بالله ممكن تقولين لي أبوكي وجه النحس هذا متى يموت علشان ناخذ البيت الي ساكن فيه و نبيعه نشوف كم نحصل من وراه .

الراء : روحي و شوفي كيف أختك نهى تطيع زوجها اطاعة عمياء .. حتى معاشها تعطيه كله لزوجها ... مو أنت بس تعطيني ثلاث أرباع معاشك و تاخذي الربع الأخير لك (( الله و أكبر عليكم يالطماعين ))

الزاي : زوجة أخوي سميرة جابت له الولد السادس .. و أنتي للحين يا حظي ما جبتي لي الا ثلاث مجرمات كل يوم متضاربين مع بعض

السين : سوي لي معكرونية بالمشاميل و أبيه يكون مثل اللي تعمله أمي بالضبط (( بالله هي شدراها أمك البومة كيف بتعمل معكرونيتها بالضبط ))

الشين : شيلي بنتك و سكتيها خل أنام بكره عندي دوام (( يعني مع وجهك بس أنت اللي تبي تنام و أنت دوام .. و هي المسكينة ما تبي ترتاح و تنام .. ما تبي تروح الدوام من صباح الله خير

الصاد : صففي ملابسي .. خربتهم اليوم أنا لما كنت قاعد أدور على جرابي و قميصي

الضاد : ضبي أغراظك و روحي لبيت أهلك كم يوم .. لأن أصدقائي زوجاتهم طردوهم من البيت و يبون يجون و ينامون عندي علما تترتب أوضاعهم (( بالله أنت بالأول حل مشاكلك .. بعدين اعمل حالك بطل و تحل مشاكل غيرك

الطاء : طالعي ريحتك كلها ثوم و بصل .. الزوجه اللي تحب زوجها عن جد و تبي راحته لازم تكون على طول ريحتها حلوه (( هالريحة الثوم و البصل هي من الطباخ حق كرشك .. احنا شنو نسوي اذا كنت أنت تبي بوفيه على الغذا و الوقت ما كفى علشان نتعطر لك ))

الظاء : الظاهر أن جنينك الرابع كمان بنت .. أقول .. جهزي أغراضك علشان قبل لا أوديك المشتسفى تولدي أودي أغراضك لبيت أهلك

العين : عمري حياتي .. ممكن تكوين ملابسي علشان أنا عندي اليوم مشوار عمل (( مشوار عمل و لا مشوار مغازلة و قز ))

الغين : غاز المكيف خلص ... روحي و دوري على الغاز الاحطياتي بالمخزن لأني حطيته هناك من 3 سنوات و نسيت مكانه .. و اذا ما لقيتيه ماراح تلومين الا حالك (( اذا أنت اللي حطيته نسيت مكانه .. بالله احنا شدرانا عن مكانه !! ))

الفاء : في صوت طالع من خلف باب الشقه .. يمكن حرامي مسلح .. روحي و افتحي الباب علشان اذا أطلع الرصاص تجي الطلقة فيكي و أنا أسمع الصوت و أتصل بالشرطة (( شوف النذالة .. يبي يتخلص من زوجته بأي طريقة علشان يجيب له وحده جديدة ))

القاف : قومي و جيبي لي ربع معاشك الأخير .. لأن صارت لي ظروف مالية صعبة

الكاف : كافي كلام .. ماراح أوديكي لعرس أختك يعني ماراح أوديكي لأني مواعد صديقي سميرة .. عفوا قصدي سمير على عشاء عمل (( بالله ماصارت هذه كل يوم عشاء عمل مع هالسمير ))

اللام : لازم تطيعيني طاعة عمياء و تعملي على اللي أقوله لك و لا أطلبك لبيت الطاعة

الميم : مجنونه أنتي .. تبين فستان بثلاث دنانير لحفلة عيد ميلاد صديقتك .. و ليش تشتري فستان .. استعيري واحد من أختك خلود لأن عندها فساتين كثيرة .. ليش التبذير و شراء قستان جديد

النون : نومي بنتك تراها صدعتني و اذا ما سكتت راح ارتكب فيها و فيكي جريمة (( بالله هي بنت زوجتك بس .. مو بنتك .. و اذا مو قد المسؤولية و التحمل عيل ليش تحن و ترن على زوجتك في شهر العسل وتقول أبي طفل أبي طفل ))

الهاء : هاهاها ., ضحكتيني .. تبين تطلبين الطلاق علشان أنا أعذبج معاي كثير

الواو : والله الباب يوسع جمل .. اطلعي منه أنتي و بناتك خل أرتاح منكم و افتك

الياء : ياااااي .. البيت صار فاضي .. خل أدور لي على ضحية ثانية .. قصدي على زوجة ثانية و تكون اصغر من الأولى



=======================
و هذه هي عوايد الرجال
__________________

من مواضيعي

0 لعبة من تحب وتكره 0 صور في غاية الجمال للمسجد الاقصى هدية مني للقلسطينين 0 تخيل انك اخر رجال في العالم؟؟؟ 0 اموت أذوب انصهر أنا بحبك 0 تم العثور على مدرسه في قلب كهف

هذي الرجوله ولا بلاش
ههههههههههههههههه
يسلموووواا على الموضوع
الجميل

من مواضيعي

0 وصل الرقم عشرة واطرد أي عضو في المنتدى !!! 0 •.?.•° ش عادي ئ°•.?.•° 0 صرخه(إلى متى....رغم تعلمنا؟) 0 مااصعب..... أن تشتاق لشخص وهو يخونك في غيابك 0 أحبك ب28 لغة

ايه مسكاين الحريم
على راسهن الرجال
مشكور على المرور

من مواضيعي

0 معاك نقود لو معاك خلاص اشترى ساعات من الالماس 0 مائة خصلة انفرد بها صلى الله عليه وسلم عن بقية الأنبياء السابقين عليهم السلام!!.. 0 تستاهل بووووووسه؟؟ 0 مدينه بأعوااد الاسناان 0 يا عيني احن دكتور في العالم !!!