&& ج البحر ف &&

السلاااااااام عليكم والرحمة

أشحالكم عساكم طيبين ؟

أنا جايبه لكم أول قصيدة حقي هنيه وأتمنى
أن تعجبكم ...............................


&& ج البحرف &&


اشلون قلبك ما يهمه عذابي

وشلون نفسك ما يحركها لعتاب

وشلون عينك ما بكت من عذابي

نامت وسجدت لجلها كا الاهداب

أول قبل لا تنام تمر بابي
واليوم مدري ليه ما تحسب حساب

جرحتني وذبلت زهرة شبابي
عطني سبب واحد من ضمن الاسباب

لو أشتكي للبحر من حر مابي
جف البحر واللي بقى ملح وتراب

ولو اشتكي لك يا زماني مصابي
وقفت ساعاتك وصكيت الابواب

يا ما خذلني شوف هذا كتابي
مليان جرح وحزن وخيانه احباب

ودمعي اللي هو دمعي وعطر ثيابي
من كثر ياسى حتى شوقي ترى ذاب

ان قلت لك ذا الحزن أول صحابي
صدقني وان الحزن من دنيتي غاب

وصدقني لو قلت لك همي رضابي
ورضيت انا بهمي وفتحت له باب

لاني احبك صرت قاسي ف عتابي
واللا أحنا يا قلبي ما عدنا أحباب؟

واللا أنت شاطر بس ترسم عذابي ؟
واللا انه ذاك الحب ( مجرد أعجاب ) ؟

تحيتي

ظبية الخير

ايش ايش توها هناك تقولنا عن نفسها ملقوفه
وانا اشوف شيء ثاني , اشوف انسان حساس و شفاف
اشوف شاعره تعد قصيد موزون و مقفى غير المعاني الجميله في ابيات القصيده
والله قصيده رائعه كيف فاتتني ما ادري

الغير لجدام ان شاء الله

وين نوال الكوويتيه عن هالقصيده تليق لستايلها

روعة يسلمووو

صح لسانك

قصيده رائعه وكلمات ارووع