~*¤ô§ô¤*~*¤ô§ô¤*~كوووني مكتملة الأنوثه~*¤ô§ô¤*~*¤ô§ô¤*~

السلام عليكم ورحمة الله وبركاته
بدوووون مقدمات ومنعاً للإحراج الأولاد برا (يعني من غير مطرود)
مولود جديد...الجنس أنثى...تكبر هذي الأنثى وتعيش طول حياتها تحت مسمى أنثى...وتموت وهي أنثى...
خلقت وعاشت وماتت وهي ماتحمل من الأنوثة إلا مسماها وبس
وهذا اللي صايرفعلا...نشوف بنات ( أفضل أسميهم مخلوقات)...عالة على الأنوثة.
..لما أشوفهم نفسي أتحول لذكر ولا يجمعني فيهم نفس المسمى
الأنثى إنسانة أرقى...كانت ومازالت...الملهم الأول لغزل الشعراء
وبموضوعي اليوم...راح أحاول بقدر استطاعتي...إني أكتبلكم عن ملامح الأنثى (مكتملة الأنوثة).
..من كل الجوانب...(باختصار)...
قبل لاأبدأ بالموضوع...أبي كل وحدة منكم تقول أنا راح أتغير ومن اليوم...مو عشان فلانة..
.ولاعشان أقهر علانة...ولاعشان أنخطب...
ولاعشان الناس يشوفوني....
ألين متى راح تعيشين عشان خاطرالناس...؟؟؟أحد كلف نفسه عشانج؟؟؟
قولي راح أتغير...عشان أنا إنسانة...لي ذاتي...لي كياني المستقل عن كل الناس.
..عشان أحترم وأسعد الروح اللي قدر لها إنها تعيش داخل هذا الجسد..
معقولة أموت وأنا ماحققت شي لذاتي؟؟؟ماأسعدت نفسي بيوم؟؟؟ماعشت لنفسي؟؟؟
لوحطيتي ببالج أقهر واغيظ فلانة وفلانة...حتى ربنا ماراح يوصلج لمرادج...تأكدي من جذي...وكل وحدة ونيتها...
والموضوع راح يكون على عدة أجزاء مثل ما قلنا...



وهذي ملامح الأنثى الحقيقية...
المعاملات
*ملتزمة بدينها *حسنة الأخلاق *مؤدبة مع الصغير والكبير *تحترم الكبير والصغير لأنها تحترم نفسها أولا وأخيرا
*توقف احترام وتقدير للي أكبر منها بالسن*تبعد بأكبرقدر عن المشاكل>>> موتعتبرها فرد عضلات وقوة شخصية
*لها قيم ومباديء صحيحة ماشية عليها بحياتها.>>> مومع كل من هب ودب
*ماشية بحدودالشرع والعرف *ابتسامتها دايما مشرقة على وجهها
*كلها حيوية ونشاط لما تشوفيها تحسي انها فعلا شابة
*لما تكون بمكان تملأه حياة وتترك بصمتها فيه>>> مووجودها زي عدمها مافرقت
*لها أهداف وطموح ...انسانة منتجة
*متعلمة...مثقفة...( موثقافة مطربين وستارأكاديمي )...ولاثقافة مقتصرة ع الجمال والميك أب...
*اذا جلستي معاها تفيدج وتستفيد مو بس تضيعلج وقتج بالحش والنميمة
*ناصحة...صادقة...متزنة...رزينة ...بعيدة كل البعد عن التكبر والغرور
...>>> صايرموضة هذي الأيام طبعا كالعادة على ولا شي.
*تعرف قيمة نفسها وأهلها...حريصة ع سمعتها... *ماترفع صوتها على أحد
وغيرها كثير...ماتخفى عليكم وأنتم أعرف فيها باذن الله...
التصرفات
*جلستها صحية *هادئة *خجولة.>>> هذي الصفة تميزت فيها الأنثى...فلو ماكانت فيها حطي عليها X ...
*صوتها منخفض مو متذبذب.>>> موتخرجي من عندها تروحي ع طول لعيادة الأذن والأنف والحنجرة.
*مشيتها راكزة واثقة وقورة هادية زي النسمة بدون تغنج ولاتمايل.>>> بنات تشوفيهم تحلفي بالله انهم مشاركين بماراتون أو سباق الهجن.
*ضحكتها ناعمة ساحرة أقرب للابتسامة من القهقهة.>>> صارت نادرة...الوحدة تضحك تستني اللي بمعدتها يخرج بوجهك.
*تحركاتهاا ناعمة وقليلة.>>> مو تزعجك بخشخشتها وتجيبلك الحول بكثرة تحركها...في بنات أشك انهم جالسين ع جمرة.
*ماتتدخل في اللي مايعنيها. *ماتتفلسف ع الفاضي والمليان. *حكيها واضح مفهوم يخرج من فمها بانسياب.
*ماتسمعي منها ولالفظة صبيانية أبدا ولا(عربجية)>> وهذي صايره كثييير في هالأيام لا وبعد تتباهى إنها كذا..
*الكلمات النابية ماتنطقها أبدا.>>> وجع ويا..... ويازفت.....الخ.البنت اللي أسمعها تقول كذا ع طول أحكم عليها بالهمجية... *الكلمات اللي تخدش الحياء لوتموتي ماتسمعيها أحد من فمك
*الدق والتطبيل وشغل الدقاقات هذا مافي أمل تسويه.>>> شايفتها كثير.الله لايبلانا قلة يعني.
*اذا اتكلمت بالتيليفون أو ع السيلولير صوتها منخفض مع وضوح.>>> موتزعق اللي حولها كلهم عرفواكل أخبارها. *تراعي قواعد الاتيكيت والذوق العام. *مستمعة جيدة...ومحاوره ممتعة.
*حكيها ذوق ومريح .>>> موتقولك هييييييييه انتي...أو ياانتي...كأنها داخلة عليكي من الشارع.
..ولاتتكلم عن غيرها بلفظ هاااااذي...خيرفين احنا...استغفرالله في بنات أخاف منهم أشك انهم خريجات سجون.
*تبعد عن الهمز واللمز والمناجاة والضحك من غيرسبب لأنوووووو............؟؟؟
*طبيعية غير متصنعة.>>>أتمنى الأرض تنشق وتبلعني لما أشوف وحدة متصنعة...مكشوفة مرررررررررة.
*كل تعاملاتها تحت بند ( لوسمحتي – حاضر – ممكن؟)...وكل الألفاظ اللي تدل على أدبها.
*نشيطة...مستبشرة...ماتسمعي منها:مافيّا...تعبانة...تفشانة. ...زهقانة....وكل الألفاظ اللي تحسسك انها بعمر ال 80 سنة.
وعشان تكوني أنثى حاولي تتخلصي من اللزمات السيئة اذا كانت موجودة...فيه بنات أول ماتقوليلهم موضوع او خبرين ..يروحوا لاارادي يقولوا ( جذابة)!!! أو ( قولي والله)!!!أو ( حلفي)!!!>>> تخلييج تقرري قرارجاد ماعاد تقوليلها ولاشي. أو بعضهم تقوليلها شي ...تلاقيها فجأة شهقت ( شوي انتي بنفسك تدخلي بفمها)...
وضربت بيدها ع صدرها(تحسي ان صدرك انتي آلمك)...>>> يعني سوت أكشن.
ومن التصرفات اللي كثير بنات يسووها وآخذينها عادة..وهي تشوههم...وتخرب أنوثتهم:
*أكل العلكه( اللبان) بكل وقت...شكلها بجد موحلو...والأفضع انهاتتكلم مع أحد واللبانة بفمها......
*قضم الأظافر...بجد حركةبشعة واللي تعاني منها...في محلول بالصيدليات خاص فيها مروطعمه وريحته وييييع.
..تحطيهم على أظافرك خلال فترة بسيطة راح تتخلصي منها.
*حك الاذن...واذا عندك التهاب حاولي تعالجيه عشان تتخلصي من هذا الموقف المحرج.
*لمس الشعرباستمرار.>>> حتى تلوع جبدج تاخذي من يدها شي أو تسلمي عليها..>>غير جذي هذي الحركة تدل ع التوتر وعدم الثقة بالنفس.
*في بنات عندهم بثور بوجههم...تلاقيهم طول الجلسة وهم يلمسوها وشغاليييييييين.>>> تتسلى الأخت...عندها جلسة فيشيال.
*وهذي الحركة بعد تلوع الجبد وملفتة...وهي تقشيرالشفايف...سواء بالأسنان أو اليد.
*بقولكم على حركة بس لاتضحكوا...لكنها والله صايرة كثيييييير وشايفتها...وهي:
الوحدة أول ماتقوم...لاارادي تلاقيها سحبت الاندروير...>>> لاتلوموها ضايقها الأخت.
*فرقعة الأصابع...>>> غير انها بشعة ومزعجة...أحسهاتآلم ماأدري كيف يجيلهم قلب يسووها.
*أوقات تجلس وحدة وحاطة رجل على رجل وطول الوقت تهز رجلها وتمرجحها.>>> حشى ملاهي.
*أو تجلسي جنب وحدة تلاقيها تهز وتهز وتهز...افففففففف مزعجة توترج وترفعلج ضغطج غير منظرها طبعا.>>> كأنه زلزال.
*أوتجي وحدة طول الوقت كل شوي مطلعه شي من الجنطة ...عشرين ألف مرة تطلع المرايا( ماعندها ثقة).
.>>> مزعجة بقوووووووووووووووه..
*أوطول ماهي جالسة والموبايا بيدها ومشغولة فيه>>> سفيرة الأخت..
*العصبية...دمارالأنوثة...وتقلل الهيبة والوقار...>>فحاولي تتخلصي منها..
*كثرة التلفت وتركيز النظر ع الأشخاص ...ماوراهذي الحركة الا (الخفة)...
*اذا كنتي بقعده اياج من الكلام الكثيرالمتواصل وماتعطي مجال لغيرك بالمشاركة...أومقاطعة غيرك...>>يعني كوني مستمعه أكثر ماتكوني متحدثة
*أوتسمعي وحدة قالت شي...تروحي على طول مجذبتها...
* اذا كنتي من الناس اللي طول الجلسة تردد: أنا رحت وأنا اشتريت وأنا جبت وأنا وأنا وأنا.....حاولي تتخلصي منها
...لانه اسلوب منفر...والناس راح تقول عليكي حديثة نعمة...أول مرة تشوف خير...
وغيرها كثيييييييييييير...فالأفضل تنتبهي انتي لنفسج...وتعدلي أي شي من تصرفاتك...قبل لاينتقدوج الناس ويتكلمون من وراج
((ويابخت من بكاني ولاضحك الناس عليّا)) >> مثل حضري دايم تقووولة تقوله انسانه عزيزه علي
الستايل..
اتميزي بستايلج...من ابتكارج...واللي لايق على بشرتج وتقاسيم جسمج...أبدالاتحاولي تكوني نسخة مستنسخة من أحد.
..لأنه فيها انقيادية وضعف شخصية...
أيّ بنت يعجبج ستايلها...فكري...ربي أنعم عليها بعقل مثل ماأنعم عليج...
يعني انتي مو أقل منها بشي...كلنا بنات آدم وحواء ...الفرق..انها عرفت شنو اللي يناسبها.
..واللي ناسبها مايناسبج...
وعشان تكوني بأحلى ستايل...اتبعي هذي الخطوات:
تعالي على المرايا
وقفي قدامها..اتأملي جسمج...شنو الحلو فيه وابرزيه...وشنو اللي لازم تخفيه...
شنو الخامات اللي تبين فخامتها عليج والخامات اللي لازم تبعدي عنها
وقفي تحت اضاءة مناسبة...وآخذي...مجموعة قطع من ملابسج بألوان مختلفة...وحطيهم على أكتافج..
.وشوفي شنو اللي تعطي انعكاس حلو على بشرتج...
وشنو الألوان اللي تعكس بعيونج وتطلع لهم لون حلو...والألوان اللي تعكس بخدودج وتطلع شكلهم جذابين...
خلصتي من هذي الخطوتين
هاتي ورقة وقلم واكتبي الألوان والخامات اللي ناسبتك واللي ماناسبتك...وشنو اللي أظهر جمالج...وشنو اللي شوه مظهرج.
أكتبي الأجزاء الحلوة بجسمج والتقاسيم الجذابة...والأجزاء اللي لازمها تغطية...
وتأكدي ان لكل فترة من عمرج...لبس وستايل...وحركات...ولوعدت أيّا مرحلة من عمرج..
.ماراح تقدري ترجعيها عشان تستمتعي وتلبسي الستايل المناسب لها...
استغلي الفرص...فلا العمر باقي بنفس المرحلة...ولاالموضة باقية...ولاجسمج نفسه راح يبقى على نفس القياسات...
مثلا لبس مرحلة المراهقة مستحيل تقدري تلبسيه بمرحلة الشباب...
واللبس طبعا مثله مثل التسريحات والقصات والصبغات والعطور والميك أب والاكسسوار...حتى العناية بالبشرة.
خلاص كتبتي...وانتهيتي...
انتقلي لمرحلة التنفيذ...وهذي المرحلة تحتاج مصارحة مع النفس...لاتجامليها أبدا...
افتحي الكبت...وشوفي الستايل المكرر عندج...والألوان المكررة...ومنهم راح تعرفين غلطتج.
..وراح تنصدمين لأول مرة انج ملتزمة ستايل وألوان معينة ع طول...وانج ماطلعتي خارج نطاقهم...
تعالي على نفسج...حتى لوحبيتي قطعة وماتناسبج... غليها ولاتفكرين فيها...
يلا أفرزي الكبت...طلعي كل اللي فيه...وخللي الورقة قدامج
أي قطعة عندج مطابقة للمناسب لج....من كل النواحي ( اللون والخامة ومناسبتها لجسمج)...خليها ع جنب...
والباقي كلللللللله...حطيه بشنطة...وعلى هيئة الاغاثة الاسلامية...وباي باي... ههههههههههههههههههه
نفس الشي بالنسبة للاكسسوار والشوزز و... و.......الخ
شوفي عطورج ...فيهم شي أكبرمن عمرك ويزيدج سنوات...استغني عنهم حااااااااالا...(( يا حلاه الوحده لما تعش عمرها لحذافيره بيومه بدقيقته ))
ولاتنسي الورقة...خليهارفيقة دربك بكل طلعه للمول...وعلى اساسها اختاري... >>الصراحه هالشي انا اسوي
وهذي غلطة يسووها كثير من البنات...
وهي انهم اللي يعجبهم اي شي بالمول يشتروه لمجرد انه عجبهم...و مايفكروا اذا كان يناسبهم..
.أو انهم راح يلبسوه أو مجرد تخزين بالكبت وبس... >>>تصير معاي واااايد هع هع
وتلاقي ن الكبت مليان محشي حشي..و لو عندها زيارة أو طلعه...تدور وتصدع وهي مالقيت شي تلبسه..
.وتكتشف ان كبتها كان محشي على الفاضي...
لازم تقاومي اغراءات المولات...ياماشفنا أشياء تعجبنا بالعرض...بس مو شرط كل اللي يعجبك تشتريه.
..وموشرط كل شي يعجبج بالمول تلبسيه...
اختصارها...اشتري الشي اللي تكوني عارفة انه فعلا راح تلبسيه ويناسبج...
نقطة ثانية قاومي اغراءات الموضة...اخذي منها اللي يناسبج وووبسسسسسسسسسسس...
تجنبي انج تروحين المووول كل فترة...في بنات كل مايزهقون راحوا على المول..>>هالعاده كانت معاي فترة خخخخخخ..
وتعالي شوفي الكبت شلون كان صاير من كل بحر قطرة وصاير شكلة وووووووووع بقوووووة ..
..وتلاقيها طول السنة وهي تلم وتشتري...وياااكثر الخرابيط عندها...
وتصرف فلوسها من غير فايدة...>>هذي انا ههههههههههههه
لكن المفروض انج تجمعيلج مبلغ محترم...وتنزلي بس بالمواسم السنوية المهمة.
..راح يكون معاج مبلغ وقدره .. وتقدري تغيري ستايلج كله...بشكل رااائع ومتكامل..
.وبكذا تكوني طول السنة متألقة وبطلة ولوك وستايل حلوين...
والمبلغ اللي تصرفينه طول السنة بالقطارة...تقدري تجمعيه وتشتري فيه شي عليه القيمة...
لأنج لوصرتي كل شوي تشتري مرة بأمية ومره بخمس أميه ومره بسبع أميه...وكل ماجاء بيدج مبلغ رحتي اشتريتي فيه...
بتصيرعندج مجموعة تفشل بقوووه و تمشي حالها...ولاشي منهم يمت للكشخة بصلة...
غيرجذي...تأكدي ان كبتج فيه كل القطع...يعني منوع...شي بديات وشي تي شيرتات وتنانير بكل الأطوال وجينزات وووووو إلخ
وتذكري ان نصف الأناقة الكوي...اتعودي ماتلبسي ولاقطعة الا وهي مكوية حتى الاندر وير...
واياكي تلبسي قطعة وترجعيها بالدولاب ...ع طول ع الغسيل...حتى لوكانت خمس دقايق.
وعشان تكونين طول اليوم أنيقة...اتبعي هذي الطريقة.
أناقتي طول اليوم..
مخصصة بكبت ثلاثة رفوف للبس اليومي...
الرف الأول خاص للبس الصباح....والثاني للبس وسط اليوم.....والثالث خاص للبس النوم...
نجي للرف الأول....عندي ترينقات...أشكال وألوان ...
....مطبقتهاوبداخل كل طقم سوكيت بنفس الألوان تقريبا......
وراصتهم بالجهة اليمنى من الرف....والجهة اليسرى فاااااااااااااارغة...ليه؟راح تعرفون بعدين!!!
الرف الثاني....تعرفوا الأندروير بوكسر القطنية اللي تجي ملونة ألوان زاهية درجات الوردي والأزرق والأصفر..
...الخ...وتكون عليها رسومات؟؟؟عرفتوها؟؟؟هذي لموا منها بالهبل كل الألوان والأشكال...
بعدها جيبي كل اللي عندج تي شيرتات على جينزات على بديات على شورتات.........الخ..وابدأوا طقموهم مع بعض
وهذي طريقتي :أول شي أجيب مثلا:بنطلون جينز وثوب وأندر وير من نفس الألوان وأطبقهم مع بعض...داخل بعض...
بعدين بنتاكور مع تي شيرت وبعد أندر وير...ميني جب مع ثوب مع الأندر وير....ميكروجب مع توب مع الأندر وير..
.شورت مع بدي مع الأندر وير...فستان قصييييييير مع الأندروير...........الخ .
الحين نبدأ نرتب على الرف....بالجهة اليمنى ونترك الجهة اليسره من الرف فارغة..!!!
وانتي ترصين نوعي لااااا تحطي لبسين مثل بعض قريبين من بعض...مثلا:
أول شي حطي طقم الشورت واللي بعده طقم الجينز واللي بعده طقم الميني جب............الخ.
الرف الثالث....خليه لملابس النوووم....
جيبي كل التونغ والبكيني والأندروير القطن و الدانتيل والحرير والساتان....وحطي كل طقم داخل بيجامة أو(قميص نوم)>>للسيدات هذي
بنفس اللون....ولفيهم بشكل اسطواني وابدأي رصي.... بالجهة اليمنى ونترك الجهة اليسرى فاضية!!!...
والجهه اليسرى اللي تقدرين تحطين فيها بنفس الطريقة اللي مقسمتها ملابس الطلعه يعني مثلا راح تطلعي في الصباح تفططرين عند احد ؟..
أو تروحي المول >> كثيرر بنات يحبوا الشوبينق في الصباح .. او ... او....
المهم الجهه اليسرى تكون لهالملابس (الطلعات البسيطة)
وبعد لبس وسط اليووووم .. نفس الشيء راح تروحين تتغدين برا أو..أو... مثل ما قلنا الجهه اليسرى تكون للبس الطلعات..
والرف الثالث اللي مخصصة الجهه اليمنى فيه للبس النووم و في الجهه اليسرى حطي الملابس اللي راح تلبسيها
لمّا يجون عندج ناس ..بالليل يعني ملابس بيت وكشخة ل الليل..
وتقدري تسوي نفس الطريقة لكبت الطلعات للمناسبات أو الحفلات أو..
ولاتنسي العطورات اللي تحطيهم بين ملابسك تعطي الكبت ريحه مره حلوووووووووه..
و قبل تسكرين الكبت رشي عطر نعووم ورومنس يعطيك الراحه أيّا كان انتي وذوقج..
الألوان التقليدية في التطقيم ابعدي عنها...هي اللي تخرب اللبس...مهما كان فخم تخليه عااااااادي وقديم..
.لأن الناس تعودت على هاللونين مع بعض...فخلاص ملوها...
مثلا:الأسود مع الأبيض...(ويع)...وأيّ لونين مبتذلين بعدي عنهم...
اذا كنتي تعاني من السيلوليت...أو الترهل...أو الوزن الزايد....أبعدي عن الحراير الدرجة الأولى والساتان..
.لأنها تبين معالم الجسم كله...
اذا كانت رقبتج طويلة...ابعدي عن الفتحات ال( V ) ...أما لو كانت قصيرة فأكيد راح تنفعك...
اذا كان صدرج كبير ومترهل...ابعدي عن فتحة ال( V )...واعتمدي السبرينة...
اذا كانت منطقة النحر عندج واسعة وفي مسافة كبيرة بين الصدر والرقبة....ابعدي عن البلايز المقفلة والهاي نك..
.لأنها تزيد المسافة وتعطي منظر مترهل وبشع لصدرج...
والأفضل بهذي الحالة انج تعتمدي البلايز اللي تكون لنص النحر...فتقسم المسافة وتعطي ايحاء بصغر المنطقة...
اذا كنتي تعاني من امتلاء منطقة الجنبين وعرض الحوض...ابعدي عن اللو ويست ...
اذا كنتي قصيرة....ابعدي عن البنتاكورات اللي تكون بنص الساق أو أطول شوي....أو حتى الميدي......
.. لانها تزيد من قصرك...
فالأفضل البنتاكورات اللي تكون لنص الركبة تقريبا...
اذا كانت ساقج مليانة وعريضة وتتكتل فيها الشحوم.....حطي شوي بلاشر بني على بطة الساق...
أما لو كانت ساقج قصيرة...فوزعي البلاشر البني على جوانب الساق...من الركبة ألين القدم...يعطي ايحاء بطولها...
اذا كانت ساقج ضعيفة مرة...انثري البودر اللامعة....تعطيها منظر ممتليء....
لوكانت عندك كرشة ومترهلة...اعتمدي البلايز اللي تكون بشكل متهدل على منطقة البطن...لأنها راح تعمل تمويه
بين التهدل الحقيقي للكرشة وبين تهدل البلوزه.....فتخفي عيوبها...
لو كنتي عريضة الجدع أو الصدر أو حتى قصيرة...ابعدي عن الأقمشة المقلمة بالعرض....بتزيد الحالة سوء...
والحل انج تعتمدي الأقمشة المموجة أو المقلمة بالطول...
أما لو كنتي طويلة أو حتى طولج عادي بس ضعيفة...ممكن تعطي لنفسج شوية امتلاء...بانج تلبسين الأقمشة المقلمة بالعرض...
وابتعدي عن المقلمة بالطول...لأنها بتزيد ضعفج وطولج...
اذا كانت المنطقى الوسطى عندج مليانة ووزنها زايد...ابعدي عن القطع الستريت...سواء فستان أو تنورة أو.....
لأنها راح تخلي شكلج not good ...