قلبي سلا عنك ياللي كان يوله لك
ياللي بكيفك تجي و تغيب سكّاتي
ما تشبه الطيف غير الطيف يشبه لك
تمر عابر و تيار الزمن عاتي
ياكثر ماكنت باسم اشواقي انده لك
و انته تكابر و تتجاهل نداءاتي
ماهي بكيفك تواصلني على مهلك
ان كان وصلك يهين النفس لا تاتي
النفس عودتها للعز لو تهلك
كرامة النفس هي كل اهتماماتي
و اليوم روّح عسى الدنيا توجه لك
غلاك عندي حسبته حسبة امواتي
لاشك في خاطري شيٍ بقوله لك
ابيك قبل الموادع تفهم الاتي
صاحبك لامن حبل الوصل مده لك
خلك على الوصل عندك دافعٍ ذاتي
و حذراك راع النميمه لا يتنبه لك
نصيحتي لك هديه و احفظ ابياتي
لاني احسك غشيم و يغلبك جهلك
و لاودي اتصير هرجة كل شماتي
و الله يوفقك و الله يحفظك لإهلك
ودعتك الله و لك خالص تحياتي
منقول
March 9, 2008, 02:18 PM
في خاطري شي 
النمط الخطي
