قيصدة تشجيعيه لشاعر خلف المشعان

اهداء الى البديل لعمرو ابن كلثوم لو ماله بديل

الى فارس الكلمه ( خلف المشعان )








ياخلف المشعان والحق بتّار
ماهي غريبه وانت مبدع من سنين

حوّل على البيرق وحنّا لك انصار
ياعقاب لاتخشى فروخ الشياهين

ترسانة ابداع القصايد والاشعار
واللي نشوفه من قصيدك براهين

وش عاد لو يشكي البلد موجة اسعار
وش عاد لو يشكي بعضنا من الدين

لو الرساله سعرها الف دولار
تجي لعين مويس تمشي ملايين

تبي تجيلك ياخلف سر واجهار
تستاهل الفزعة وربعك على الدين

تجيك اصوات عنزه مثل الامطار
تسقي ديار ضمت دبي والعين

ماهو ندى الا يجي غيث مدرار
ترزم رعوده مثل صوت البراكين

لك لابة تطغى على كل جبّار
تشمخ بعز وترفض الذل واللين

حنا عنزه نزمي على كل تيّار
عز الدخيل ودق خشم المعادين

حنّا تسونامي بشر مثل الاعصار
تهدم حوافر خيلنا سور برلين

نفني قبايل لاوصلت مسألة ثار
شروطنا تبهر عقول الحكيمين

من دق رأس الفرس في يوم ذي قار
من ذل كسرى يوم ذل السلاطين

يوم صرخت هند وتناخت لها اعمار
كل(ن) يقوم لمهرته هيّ تكفين

من دق خشم التبّع ودك الامصار
من سن دم الحمّره بالبعارين

الله خلقنا طين وافعالنا نار
وعدونا من طين ونوسده طين

اجسامنا بالضبط صلصال فخّار
وقلوبنا اقوى من الصلب ضعفين

الله جبلنا عز للضيف والجار
بالسلم حلم وبالمعارك شياطين

رجّالنا ينطح من الغير مليار
يعني بهيبة لابته يهزم الصين

تبي تفوز وخشم عماّر بالنار
قصيدك يحطّم جميع الموازين



القصيدة للشاعر نومان سحل العنزي