يا ضامر السرجوف ليش التغلي
ليش التغلي وأنت بالحيل غالي
غالي ولك دائم بقلبي محلي
ما جاه غيرك يا حَسين الدلالي
ما جاه مزيونٍ جنابه يسلي
غيرك ترى ما فيه زول ٍ طرالي
ما كل زولن يا الغظي لك يحلي
لا بالجنوب ولا بشرق وشمالي
أنا أشهد أنك بالحشا مستظلي
بظلال قلبي ما تجيك الصوالي
وأبا أنشدك مير أنت بالله قلي
وش غيّرك في ها السنين التوالي
وش غيّرك يا أبو الرموش المِظِلي
عن عهدنا السابق بذيك الليالي
من أوّلٍ لا جيت يمّك تهلي
وتفرح بشوفي يا شبيه الغزالي
واليوم لا جيتك ما عاد يحصلي
إلا الجفاء يا زين واعِزتالي
وإن كان ما غيّرت طبعك أرضلي
والله لا أزيلك يا الغظي من خَيَالي
وأقول روحي جعل زولك يولّي
من تيب لي مكسب ولا راس مالي
February 15, 2006, 10:12 PM
ليش التغلي 
النمط الخطي
