معاميل الهواء

معاميل الهواء
ياعيني اليمنى ويسراي ياهوه
..........يادقه المعلوق في داخل الجوف
ياطبي المعروف ياقاتل الأوه
..........ياعشي الصيفي وياعشي الصوف
ياعالمي وباق البشر كلها حوه
..........وياحسي الخافي وأنسي مع الروف
يابرق ليلي والقمر يوم عدوه
.........وياشمسي اللي نورها غير موصوف
لملم جروح اللي جروحه تولوه
..........وقامن يسوقنه مثل سوق معسوف
إليا سرحن به صبح بالليل عنوه
..........وإليا سرن به أصبح بعالم الخوف
تعال ريح واحدٍ فيك عنوه
..........ورمم لعقلٍ من سبايبك منسوف
ولاتكسر الخاطر مثل من تحدوه
..........لو إنهم يبطون قدامي ضعوف
هاتي معاميل الهواء يوم ذكوه
..........مدام حبك داخلي جندٍ إصفوف
أبكيبها اللي خافقي منك مبكوه
..........أهل النفاق اللي له إكتوف وردوف
من بابهم بالكذب والصدق صكوه
..........وزرع الغبينه والفتن شي مألوف
الشاعر :
فواز بن علي بن سريع الروقي

مشكووووووووووووووووووووور

يامرحبا ولاشكر على واجب حياك
والمحل محلك وانت تامر وحنى لك نطيع ياطيب
تحياتي لك