 | |  |
| الابتسامه » المجله » التسجيل » مشرفو المجله » البحث » مشاركات اليوم » دليل المواقع » الاعلانات » الترجمه » سجل الزوار » |
|
|
| |||
| |||
|
 |
| | |
 | |
 |  |
| | |
 | |
| |
 | |
| |||||||
| روايات و قصص روايات ادبية , روايات بوليسية , روايات عالمية , قصص رومانسية , خيالية , حب , واقعيه |
| مواضيع مشابهه |
| ديننا واحد وشعبنا واحد ويومنا واحد |
| قمة الألم ؟؟ |
| انت الأمل |
| الألم |
| |
| | LinkBack | أدوات الموضوع | البحث في الموضوع | تقييم الموضوع | أنماط العرض |
April 13, 2008, 02:37 AM
| رقم المشاركة : 1 (permalink) | |||||||
|  رحلت وتركت هند تبكيها ( ام ناجي وصراعها مع الألم )  حائره من أي الحروف ابدأ ومن أي الكلمات ابتدئ لأنني اعجز عن وصف تلك الانسانه العظيمه .. انسانه حملت كل الحب لجميع الناس .. للكبير والصغير لم تتذمر من يوماً ما..؟ عرفتها من خلال الجيره التي تربطني بها .. فقد اوصى الرسول بالجار فكانت نعم الجاره المخلصه لجميع من حولها..لديها من الابناء 3 اولاد ولديها من البنات 5 حفضهم الله ربت ابنائها وبناتها التربيه الصحيحه ونزعت من قلوبهم الحقد والكراهيه وكل مايتعلق بالعدوان..من خلال عشرتي معهم لو ارى يوماً ضجر في اعينهم.. كثيراً ماكنت اناديها بأم محمد فكانت تصحح لي المعلومه .. انا ام ناجي .. وزجي محمد.. ولكن لساني اخذ على كلمه ام محمد .. عندما كنت ازورها تفرح كثيراً بزيارتي لها ..لاتدعني اخرج من بيتها الا بعدما تكرمنى كرم بلا حدود.. لدرجه انها تأكلني بيديها هاتين ..وتسقيني الماء والعصير والقهوه بيديها ..كنت اخجل لانها بمثابة امي والمفروض انا اللي ااكلها ..لكنها ترفض وتحلف علي اليمين اني اكل اللقمه من يديها.. وكأنني طفلتها الصغيره المدلله ... في كل مره تعاملني بلطف وبحب غامر فقد رأيت فيها امي البعيده التي اشتاق لحنانها فوجدته فأم ناجي الحبيبه..الام لكل انسانه .. عندما كنت اضرب ابنتي امامها ..كانت تضربني وتقولي خليها تلعب خليها تكسر هاذي طفله وماتعرف شي غير انها تلعب بأي شي.. حتى من لعب الاطفال ماكانت تتضايق قلبها كبير كبير كبير مما تتخيلون .. في زياره لي لها من زياراتي ..شفتها تعبانه تعبانه تعبانه بكل مافيها من تعب تسائلت عن لونها ليش مخطوف..ليه كل التعب باين ..وكانت هاذي المره الاولى في حياتي اشوفها تعبانه .. بعدها قالت لي انها تشكي الم فالكبد ومن فتره طويله هذا الألم ومستمر معها سنين ..وانا توني ادري بمرضها ضاق خلقي عليها فكثرت زيارت لها عشان اطمئن عليها .. حتى وهي فقمه الألم تتصل علي وتقولي فتحي الباب انا دازه لج غدا وعشاء ماكانت تنساني ابد .. كانت تعرف اني اجي من دوامي متأخره ومالحق اطبخ لي شي ..كانت توصل اكلي لعندي فديتها شقد حنونه فكل شي.. زرتها فيوم من ايام الخميس لقيتها زادت فالتعب لدرجه بياض اعيونها قالب الى اللون الاصفر قلت لها ام ناجي لازم تروحين مستشفى حالتج ماتسر لاصديق ولا عدو المرض صار ينهش فيها شوس شوي وهي صابره كانو ااعيالها يودونها من مستشفى لمستشفى وهذا اللي دهور حالتها اكثر ..نصحتها قلت لها لاتعالجين فأكثر من مستشفى لانج راح تتدهورين اكثر وكل طبيب راح يوصف علاج .. خذت بنصيحتي ..و  صارت احسن حال من قبل ..لكنها فتره بسيطه وعاودها الالم من جديد ونقلت الى المستشفى الخاص بها حيث تنومت لفتره 3 اسابيع ..بعدها بدأت بالتحسن حتى سمحو لها الاطباء بمغادره المستشفى.. ذهبت اراها بعد خروجها وكنت اتأمل فيها زين ولأول مره اتأمل ويها وحركاتها وضحكها ومزحها وكأنني قاعده ارسم صوره فالطبيعه .. بعد فتره زارها الألم من جديد هاذي المره اعيالها نوموها فنفس المستشفى اللي انا اشتغل فيه وهي المره الاولى اللي تتنوم فيه لمن دريت عنها على طول رحت لها فالغرفه وسلمت عليها جلست عندها فتره طويله اسولف معها واضيع وقتها عشان ماتحس بالملل وكنت امسح على راسها كل لحظه وانا اقرى فداخلي ايه الكرسي وبكيت عندها لاان حالتها هالمره صعبه جسمها امتلى ماي ورجولها تورمت كلمت الطبيب المعالج لها قالي لازن نشفط الماي لان نسبه الماي كبيره الموجوده فالجسد وبعد مرور ايام تعافت وصارت من احسن مايكون لكن باقي التحاليل مابعد تطلع عشان نعرف نوع المرض الموجود .. حاولت تطلع على مسؤاليتها لاانها تمل نومه المستشفيات فكنت اصبرها اقول لها لازم تتحملين عشان تقضين على المرض.. وجاءت التحاليل مبشره بنتيجه سيئه للغايه .. كان معها وباء كبدي وهذا الوباء هو سبب معاناتها المستمره .. الكبد ماتنفع خلاص جزء قليل اللي بقى فيها.. لازم متبرع يكون من نفس الفصيله حتى تنتهي هاذي المعاناه.. ام ناجي بعد اسابيع قضتها فالمستشفى طلعت وهي بافضل حال وبأفضل صحه ولكن المؤشرات تقول لازم ترجع مع متبرع وباسرع وقت ممكن .. لكن مماطلتهم فالموضوع خلاهم ينسون .. وفي رمضان بالتحديد نص رمضان من عام 1428 ه عاودتها الالم من جديد فنقلت هاذي المره لمستشفى جديد ومن مستشفى لمسشفى خلاص الحاله صارت يرثى لها .. فقدت الوعي ام ناجي ماعادت تحس باللي حواليها لمده اسبوع بعدها صارت تسترجع وعييها فاأوصل ماصحت قالت لبنتها اللي كانت مرافقه معها البارح مطرت فقالت لها البنت يمه تعوذي من ابليس مامطرت وحتى البرد مافيه برد فكانت مصره انها مطرت وسمعت رشات المطر .. فقالت لها البنت ايه يمه مطرت مطرت بس عشان تسكت لأنها تردد انها تمطر الدنيا تمطر وسبحان الله اللي يروح فغيبوبه يشوف اشياء ويسمع اشياء احنا ماندري عنها وقبل مغادرتي لبلدي الكويت كنت عندهم فالبيت اطمئن على حال امهم واخذ اخبارها فقالولي انها نزفت اليوم دم فصرخت فويه اعيالها قلت تعرفون شنو معناه تنزف دم .. معناها ان يومها قريب وانتو ولا همكم متى تروحون تتبرعون متى تاخذون تحاليل لاراحت امكم من قدام اعيونكم ساعتها راح تتحسفون كلكم وبتقولون هند قالت .. وقبل مااطلع عطيتهم نوع فصيلتي وقلت لهم سئلو الوالد عن فصيلتها وانا اروح اتبرع لها انتو ماوراكم فايده كلامي لهم هذا حرك فيهم احساسهم شوي .. واليوم الثاني اخذت فصيله دمها مختلفه تماما عن فصيله دمي ولكن فيه احد ابناءها طلع مشابه لنفس الفصيله ولكن نوقف هنا شوي لازم تتعدى مرحله الالم عشان زراعه الكبد تنحج .. سافرت لااهلي حيث اقضي اجازتي وكنت اخذ اخبارها اول بأول ماكنت اتركها يوميا كنت اتصل واتطمن لكنها زادت سوء على سؤ .. وبينما وانا على النت جاني خبر وفاتها ام ناجي توفت .. خبر نزل على كالصاعقه .. ام ناجي او ام محمد مثل ماكنت احب اناديها توفت لآلآلآلآ ماصدق .. مستحيل الانسانه اللي حبيتها بصدق تروح ليه ياربي كل ماعرفت احد طيب وحنون علاقتي فيه ماتدوم ..ليه حظي جذي ليه خصوصاً ام ناجي هاذي الانسانه اللي ماارضى عليها وكانت محبه للكل وماعمرها اساءت لأي شخص ليه بالذات هي تروح بعد ماتعلقت فيها لحد الجنون نزلت اليوم الثاني وانا شبه مجنونه احتضن ريحه الغاليه فيهم وانا مااصدق اني اول مره ادش البيت وهي مش موجوده فيه.. رحلت عند ربها خلاااص ارحلت وتركت وراها بصمه خالده حب الناااااااس لها وحبها للناس اللي خلاهم يبكونها بقلوبهم قبل اعيونهم رحلت وتركت هند لحالها اللي عاشت اجمل ايام ماعاشتها مع أي ام قبلها ارحلت اللي كانت تحس بوجعي قبل مانطقه لها وتحضني لمن تحسسني اني فاحضان امي الثانيه وانا اشهد انها فاقت حب امي بكثير لطيبه قلبها وحنانها رحلت ومابقى فيدي غير الرحمه لها في كل لحظه فكل ثانيه راح تبقين فقلب بنتج هند اللي تبكيج بكل حراره فراق الف رحمه عليج ياأم ناجي اللهم ارحمها واغفر لها واجعل مرضها تكفيراً لذنوبها اللهم ادخلها فسيح جناتك والهمني الصبر والسلون اللهم اغسلها بالماء والثلج والربد ونقها من الذنوب والخطايا كما ينقى التوب الابيض من الدنس اللهم افسح لها في قبها وخفف عليها ضغطه القبر وعذاب القبر واجعل لها نوراً يارب العالمين...
| |||||||
 |
| |
 |
| أدوات الموضوع | البحث في الموضوع |
| أنماط العرض | تقييم هذا الموضوع |
| |
النمط الخطي
