الصيف والخريف

الصيف والخريف
يابروق الصيف مع ريح الخريف .. فتشي عن ماضي العهد القديم
وأطرقي بيبان ماضي المخيف .. والسنين واللي بها الخل العديم
وأظهري قصه حليفٍ مع حليف .. والغرام اللي جعل صدري رميم
وإرسميها صوره العشق النظيف .. وإشرحي مضمونها شرحٍ سليم
قولي إنه خل مابعده خليف .. ولاحدٍ بعده على قلبي حميم
وقولي إنه لاخبيث ولاسخيف .. وإنه اللي بعرش قلبي من يقيم
وقولي إنه ماوقف ضدي كليف .. ولاحمل للسيف ضدي كالغشيم
وقولي إنه لي وليف وبي حفيف .. وإنه اللي لك حبيبٍ والنديم
وقولي إنه دايم لشوفك شفيف .. ويفتخر بك كل ماهب النسيم
وقولي إنه لامريض ولاكفيف .. وسالمٍ من هم وقته بالنعيم
وقولي إنه العفيف من العفيف .. وإنه السيد على كل الحريم
وقولي إنه ماش في وصفه وصيف .. وإنه البراق بالخد الوسيم
وقولي إنه صاحب الجو اللطيف .. وغيرها في عهدها جوه ذميم
وقولي إنه لاثقيل ولاخفيف .. وإنه الراجح بعقله لا السقيم
وقولي إنه لحالتي دايم مصيف .. ومتعه لعيني وعرشٍ للزعيم
ثم قولي إنه لحالي رصيف .. وإنها ميناي والمبحر هميم
وعلميه إن الخواطر به تحيف .. ومايفارقني خياله لي لزيم
وإشرحي حالي على خلٍ سليف .. وعلميه بما جعل حالي قصيم
ووضحي خافي واللي باللفيف .. وإفتحي ديوان عمري والصميم
وكيف أنا عايش بها الجو المخيف .. وكيف ميقافي وصبري يانظيم
وعبري له بالجلال وبالصريف .. وإرسمي حالي بخطٍ مستقيم
ولاتخفي قصه الحظ الضريف .. وإكتبي غريم قابله غريم
وعبري له بالمثل من دون زيف ..خابره للدمع في وصف الحليم
وقولي إن البعد في عيني طفيف .. ودونه الأميال قصرها الرحيم
والنهايه واقفٍ مثل العريف .. وأنتظر ردك ولاعن للرجيم

حياك الله وانت اجمل ياصاح
شاكر لك مرورك الراااااااااااااااائع
تحياتي لك

............................