قصيدة 100 بيت بدون نقاط للشاعر ناصر الفراعنة

الراس عكّر عكّره همّ مسّاس
والصدر لاسه والمسه لاس مالاس
للدار ودّه ملهمه حمر الاطعاس
لدحال طمّه عارم ٍ سحّ سحّاح
هملول هامل دام دمّ الدْحالا
مامور أمرْالله على الكل عالا
الله ومَرْها وكل ماطال سالا
والماء ملا كل المصامد وما داح
لم الرواحل كلها واحمدوها
للدار كم عسّاس ساع امدحوها
كل العلوم السالمه علّموها
حال ورحل راع الحلال ولها راح
له روحوا للدار روحَهْ وحوله
وسم ٍ وسمها ماطر ٍ دك حوله
على مهل والحال حال امحَلوله
الله عطاها والرعد مامعه لاح
المسمى على حد هاك اللوامح
طمح لها الرحّال مع كل طامح
الله سمحها حكمه السمح سامح
للدار للحرّه الى حد ماطاح
لدرعا ووراها والسّهال السماهد
هاك المحل وحدودها والمماهد
لها المسكا حاموا لها والمعاهد
كل ٍ عهد له والعدو راح ملواح
ملواح لوّح راح دهر المعارك
الصح صح وعوّد وراح حارك
حلّوا حللهم حلها حلّ دارك
طرح الطوارح طارح ٍ طاح لو صاح
صارم صرمها والعداء ردّ
ها رددام الدوام وحولها وارد العد
لد العداء وحدودها حد
ها حداسمه سما ماراح معدود للصاح
للصاح وأرها مصحصحه كلها ورود
راح المَحَل عاد المطر سادها سود
طمَ الطوال وطامس ٍ حد وحدود
حلوه حلاها هامل ٍ دكّها وساح
عساه طم لدار حمْد وحَمَاد
هعوّد لها الحوّام همه ومَاده
حدد رحلها مار اول مرَاد
هلا حوّله حولّ لها كل مصلاح
مع العلا مع سرمدا والطوالع
اطوالها واسهالها والصوالع
معها الولَعَ ولع لها كل والعمع
ما كساها عدها طرح طرّاح
ارطى وعدام وحولها لكح رمرام
مكر وسحم وامْرار ملمام لمّام
مع الحماط وحامها الحوم حوّام
لا وا حلا هالدار مطلعك لوماح
لوماح حرّ ٍ هدّ لدّ ولكحها
مع حومها هو رامها ماسمحها
مع الهواء لوّاح صاد وسدحها
والدم الأحمر ساح مدحاح سدّاح
سدّاح سدحه ساع ماهو مطوّل
ماكر حرار ٍ علمها دوم الأوّل
دوّ ٍ دواله هوله الهول هوّل
معه الصدر روّام للدار وامراح
حد الطعوس الحمر والراس داله
وصلو السّمر ماحول كله سماله
ماعاد اسمع كل حاسد ومَاله
كل الرمم وعلومهم كوح كوّاح
كوّاح كاح وعوّد الكوح دحمول
ورع ٍ مرح ماصاح والحال محلول
إلا صدر مهموم مرهوص مسلول
لاعه دهر مدهور حلوه للألواح
ألواح مار الحر صامد ولوّح
على همام ٍ للعدو دوم طوّح
الساس عوصا ما وراها امْكوّح
مسلْوَعَه حَصّه ردوم ٍ وسرساح
سرساح حمرا وأمها ساس عرماس
ماكوعها لمّاس لحّاس مسّاس
كود اكواره مسها حَسّ الادماس
طلمس حداه وحدها راح مرواح
مرسالها مرسال حلو ٍ اسهامه
حط الحسام وحسْمها والمسامه
حرّ ٍ لكدها والمعمّه اعمامه
وصل اعدوده حاسم ٍ كل صحصاح
للعد والا الرس رس ٍ ولو ساد
حط المحاله والدلو حل ورّاد
صل المَحَص عاودله وكدّ معواد
حوله حمام ٍ مرسل ٍ حس صدّاح
صدّاح صادح حولها أم سالم
مع الهواء والراس عالم وحالم
سرى الهوى رحّال كود المعالم
إلا المها للروح هو روح الأرواح
روح الصدر لامَاه والوصل راحه
عسى العمر لو راح روّح مراحه
معه معه لو الدهر مال كاحه
آصلْه لو هو واصل ٍ حد طرماح
لو هو وصل لحدود عرعر و لاهَهْ
لو هو حصل لاسمّح الله عاهَهْ
أروح مهما صار ماهو ملاهَهْ
الحمد لله ما العمل لح وإلحاح
هو الحلا هو السعد وا حلالاه
اسمه سما مع السماء الله سوّاه
صامل مصمم كله الود لاماه
مار الدهر له مال للحال كسّاح
كسّاح كسحه للحرار ومداها
وألا الرمم واسدومها ما وراها
وحد الحسام محصل ٍ هو دواها
روم العلا مصرور مع علط الأرماح
لصد العداء مع الردى لكل الأحوال
ماطال لو هو طال ما طال ما طال
لا صار وسط الدار حكم ٍ ولا مال
صارم وحاسم حكمه أحكام واصلاح
اصلاح صلحه صالح ٍٍ للمصالح
لكل الملا سوّاح صالح وطالح
لاسوْ لا اعمال ٍ لها الحال كالح
ولا واحد ٍ مصدوم والراح للراح
علّم وطالع كل ماراح ودهور
العصر والمعصور والطور والسور
الله له الاحكام والامر مأمور
أمور لها دور وحصور وامواح
عسى لها ماصار معلوم معدود
الحمر مع الدهم والسحم والسود
هاك الصراره وعاود العلم مردود
والروح لأمر الله للسوْ مسّاح
الله لها الودود عالم وعلاّم
مادام لو مادام الله لها دام
وعلى محمد عد ماصام صوّام
صلوا وسلام ٍ مرسله راح سوّاح

ماشاءالله عليه *نااااااااصر الفراااااااااااااااااااعنة* شااااااااااااااعر كبير ذو ثقااااااااااااااافة عاالية......الله يحفظه من عيون الحسااااااااااااااد.......
ومشكوووووووووره ياغلااااااااااااااااااااي على الطرح المتميز ........دمتي رااااااااااااااائعة ومتميزة بكتاااااااااااابااااااتك ومواااااااااضيعك *وتوقيعك*........ياذووووووووووووووق.....
رعاااااااااااااااااك البااااااااااااااري....

عسى ربي يخليك لعين ترجيك
مرورك دوما رائع
لاخلا ولا عدم