قصيده زمان الظلم

يا زمان الظلم كافيني ويلاتي**خاف ربك في فؤادي لا تزيده
الجروح تجي من كل اتجاهاتي**والفرح غايب يوم اني اريده
مدري ليه تكون عكس امنياتي**مدري ليه الدنيا في وجهي عنيده
احلم وحلمي ضحيه ريح عاتي**اخطي الخطوات والقاها شريده
ابتسم للناس وانا في عز آهاتي**وامشي معاهم والمشاعر وحيده
اسامح الغلطان ولا يرضى بغلطاتي**واساير المحزون وينسى عضيده
حتى الحبيب اللي رهنته حياتي**خلا هواي وقطع القلب بايده
وياليت قلبه يوم زلزل ثباتي**كمل جميل الحب وكفن شهيده
بس المصيبه لاترك جرح ذاتي**ينزف وينزف والبكا مايفيده
يصرخ وصوته ماتعدى شفاتي**ودمعه عميق بس لازم أكيده
الروح تعطي له ويقول هاتي**والقلب يصبر والمواجع عديده
يادنيا يكفي يمرق الليل شاتي**كافي من اوجاع الرماح السديده
كافي على أوراقي أسرد معاناتي**لاحد يراعيني ولاني فقيده
يكفي تمر سنين وتعدي أوقاتي**مره أجيد الصبر ومراات مااجيده
ناس على ماضي الاوجاع تاتي**وناس بلغتني في هموم جديده

البدايه والنهايه
الوجيه السود تبقى فالبدايه والنهايه
……..دايمٍ ورى الدنايا يمترون المتر كله
دانيه ورى الدنيه لامكان ولاولايه
……..ولايسرون الجليس بقول زين وكظم زله
عايشه تحت المهونه من حكايه في حكايه
…….والشنيعه والرديه دربها دايم تدله
كلبوهم فالرذيله ينظمون إلها الروايه
……..والاصيله والجزيله حلها من دون حله
من حكايه في روايه وكملوها بالوشايه
……..نعنبوها من رجال ذكرها بالخير قله
ماتعد إبها المروه والتوخي للوقايه
……..والسعد منها يموت وكل مستور تفله
ولاتفيدك بالرمايه في نهار جاء رمايه
……..وسيفها المدفون يبقى في ترابه ماتسله
وماتسرك فالمعارك بالسيوف وبالسقايه
……..ولاتساوي عند مثلي فاللوازم قدر بله
لاعزاوي ولاحميه ولاوجد فيها جدايه
……..دايم قل الرجاء بوجيهها تشوف دله
ياعساني ياعساهم ياعساهم ياعسايه
……..ياعساهم بالدمار اللي يدمر ماتحله
مايعزون الرفيق وشوهوا اسم السمايه
…….والسوايا بالاسامي مجعلت شيٍ محله
دايم اهل الرذيله من اهل اهل الغوايه
……..من طواغيت البشر والشر باسطتٍ لزله
فالها رمل التراب ونمدح ارجال الحمايه
…….الرجال اللي عدو احزامها دايم تذله
من عملها عكس ذلك ماتسمى بالسوايه
…….فرقها بالحيل واضح وكل مستورٍ تفله
من تخسي للمعادي ولاذكروها بالخسايه
…….من تنومس واحد مثلي وغازيها تغله
والوجيه البيض تبقى ماتدرت بالدرايه
……..تاجها تاج الشرف والعز تاجٍ ماتمله
فاللوازم لك يمين ماتمدح بالدعايه
……..والدعايه مادعتها تعتلي بيتٍ وفله
ولو نضمنا ماوصلنا للنهايه يالبدايه
……لاكن الهاجوس سجل هاجسٍ باللي حصله

الشاعر :
فواز بن علي بن سريع الروقي