ايش رائكم ياجماعة قلبي يحزن لحالي

صباح الخير على الجميع
في موضوع أنا اهملتة وماافكر فيه بس اهلي يثيرو عليه وصرت أحس حالي بيني اشي
انا ياخواني عمري 25 جامعية وطبعا ماحصلت وظيفة إلا الأن وطبعاً ولازوجت
مع أنني بشهادة الكل الحمدلله بس ماكتب ربي لية نصيب والعجيب انه اللي اقل
بكل حاجة شهادة وجمال وشغل بيت يجهزون لزواجهم , طبعا انا مو معترضة
كلن ميسر لما خلق له , لااعتراض , والحمدلله انا مو همني الزواج ولاشاغلني

عارفة انه نصيب ولاحقة على شغل البال كل الي يشغلني العمل اللي ماحصلتة

وحطيت عرض للي يوفر لية عمل حكومي ادية مبلغ مالي ولاحصلت ,
اهلي الحين يقلولو لازم تروحي شيخ كل ماقدمتي على وظيفة ماتتوفقي

حتى الزواج انخطبت 2 ولاصار نصيب , وكل المتقدمين لية بدون شهادات

ومتزوجين , وطبعا العريس واحد منهم قبلتة وكنت استعد لزواجي وتفركش
وانا استعد له , وطبعا هذا مازادني حزن بالعكس مع حزني فرحت وقلت نصيبي
لو وقف العالم كلة بيني وبينة باخضة لانة نصيبي واللي مو نصيبي لو اجتهدت العالم

كلة عشانة ماخذتة , بس اخوية يقول بوديكي شيخ يمكن نفس واحد خطبني من وانا صغيرة
وكان يحبني وهو تزوج الحين وخلف , وانا لا , يقولو نفسه فيكي ممكن النفس

تسبب لي ضرر وانا مو مصدقة هالكلام , والحين انا لمن اشوف اصغر مني زوجوا وخلفو

احزن , مو احسدهم احزن على نفسي , احس عمري يروح وانا جالسة واحس حلاوتي
تذبل ولايشاركني فيها حبيب ولازوج , وعارفه انه نصيب , وعارفة ان الناس ماتسكت
بس مادري ليش هالحظ اللي يتقدمو لية كلهم مزوجين اللي مزوج 2 واللي مزوج 3

ايش هالحظ , وقبل وبعد الأمر لله , حتى اختي قالت لي انتي تسوين ذنوب عشن كذا منتي متوفقة

انا احب ربي واحب الرسول واحب الناس وقلبي طيب اتمنى الخير للكل وماعمري نافقت

وسببت اذية لاحد بالعكس كانت يدي ممدودة للكل خير وسند , وزعلت على كلام اختي
قلت كلنا نخطئ , لو اذنب واسمع اغاني شي بيني وبين ربي مو كبيرة , وربي يبدل

ذنوبي حسنات ونفس الوقت , نمت وحلمت اني استشهد وادعي واستغفر ربي

في منام جميل جدا وفسرتة ولقيتة خير , بنفس الوقت انا حاسة نفسي سليمة الحمدلله
مافيني شي اروح شيخ او لا , وكمان انا دايم اقراء سورة البقرة , واقراء قران

بس الحين لية فترة ماقريت , يعني اقراء على نفسي

ايش رايكم ياجماعة تتوقعون بية شي او نفس قريبي الي خطبني وانا صغيرة ممكن تلاحقني

لعنتة زي ماقالو , ادعو الله يخليكم ان الله يرزقني شاب طيبا يخاف الله فيني

ويرزقني وظيفة تشغلني وتفكني كلام الناس وهمزهم ولمزهم