| |||
| |||
|
 |
| | |
 | |
 |
 | |
| |||||||
| روايات و قصص روايات ادبية , روايات بوليسية , روايات عالمية , قصص رومانسية , خيالية , حب , واقعيه |
| مواضيع مشابهه |
| الموازين العشرون للراحة النفسية |
| عش بقلب متسامح |
| عيش وابتسم وسامح ..بقلب طيب...... |
| عيش بقلب ,, إبتسم بقلب ,, وسامح بقلب |
| عيش بقلب وابتسم بقلب |
| |
| | LinkBack | أدوات الموضوع | البحث في الموضوع | تقييم الموضوع | أنماط العرض |
May 31, 2008, 02:13 AM
| رقم المشاركة : 1 (permalink) | |||||
|  كيسة حلاو تقلب الموازين  بسم الله الرحمن الرحيم الحمد لله والصلاة والسلام على رسول الله نبينا محمد وعلى اله وصحبة اجمعين اما بعد.... احبتي في الله انا ابغى اروي لكم قصة قصيرة ولكن ارمي من خلالها الى تحصيل بعض الفوائد .... هذه القصة حصلت معي وانا ادرس في بريطانيا وبالتحديد في مدينة لندن , سكنت مع عجوز وشايب وانتم تعرفون طبايعهم تختلف عن طبايعنا والاهم من هذا دينهم يختلف عن دينا , طبعا للمعلومية 70% منهم بلا دين حسب الاحصائية اللي سووها , المهم كانت العجوز هي صاحبة البيت وكانت ترفض تسكين المسلمين وخاصة السعوديين لانها تعتقد انهم متوحشين ومعقدين و لا يتفاهمون الى بالقنابل وهذا حسب ما قالت لي بعدين وانا اعتقد بل متاكد ان هذا ناتج عن الاعلام اللي شغال على تشويه صورة المسلمين . لكن اضطرت انها تسكني لان المعهد اللي ادرس فيه ما حصل لي عائلة بعدين كلم العجوز ورفضت وقالها المعهد بيسكن اسبوعين فقط وقالت مستحيل بعد ما عرفت اني سعودي المهم المعهد قال اذا ما سكنتيه عندك ترى ما راح نتعامل معك , والكلام هذا قبل لا اصل بريطانيا انا ما ادري عن شي كلمني المعهد وقال لقينا لك عائلة وهذا عنوانها , وصلت لندن وعلى طول رحت للعائلة وصلت البيت استقبلتني العجوز وهي سكرانه شفت العجوز تمشي زي الانتل وانا واقف عند الباب قالت فلان قلت الله الله.. انتي فلانه قالت ادخل ولا تكثر الكلام في الشارع.. دخلت قالت اجلس جلست قالت بعد ما جلست تصدق انت اول مسلم يسكن عندي ! قلت بس المره شكلها بتبدى تشتم .. انا اول واحد ؟ قالت ايه انت , من هينا بدت العجوز تسب مثل ما توقعت ولا خلت شي الى وقالته يعني شكلها من البارح وهي تجمع الكلام , المهم اقلعت بي العجوز وانا اقول في نفسي عجوز وسكرانه يعني بسكت وبتحملها وشوف وش النهاية , العجوز مرة تصيح ومرة تضحك ما لها وزنية وهي على ها الحال دخل زوجها ورحب فيني وسمع زوجته تسب المسلمين والله وتقبع بينه وبينها وكان يقول لها الزمي حدك مع الناس وخليك مؤدبة ماله الى ساعة وهذا تصرفك معه ... المهم شفت الدعوى منعفسه من البداية وقلت للعجوز انتي بتوريني غرفتي ارقد والى مطولة ... قال زوجها تعال اوريك غرفتك رحت للغرفة ورقدت على طول , راحت ثلاثه ايام وهي على ها الحال وانا ولا قامت ولا قعدت معي بس ابتسم في وجهها واطلع وادخل وساحب عليها ولا اتكلم الى مع زوجها , شافت اني معطيها الخامس والله وتطب في البعارين !! تقول ليه تاكلون لحم الابل ..قالتها ولا ما قالتها والله اموت من الضحك قلت حتى البعارين اللي في البر ما سلمت منك يا ام الخنازير واقوم اقرص عليها واقرص عليها وعودها يقول ايه خلك على ها الوزنية شب عليها خلها تعقل قلت ازهلها والله وخبل وموصى واحرقها بالكلام طبعا انا اسب الخنزير وهي تسب البعير ولا قمت الى وهي تصيح والله يستلم الطارة زوجها ويشب عليها .. والظاهر انها اصلا محومه كبده من زمان!! هدت المسئله شوي طبعا العجوز طينه سكرانه وكان التلفزيون يشتغل وجت دعايه لنوع من انواع الحلاو ولاحظت انها تقدر هالحلاو لانها قالت لزوجها كلام فهمت انها تحب ها النوع طبعا.. انا وياها متزاعلين يقالنا.. ما تكلمني ولا اكلمها الى كان حنا نتهاوش , المهم طلعت اتمشى حول البيت ورحت للشارع الرئيسي كنت ابغى بطاقة عشان اكلم اهلي , دخلت المحل وانا اتفرج في السبرماركت حصلت نفس الحلاو اللي تحب العجوز شريت منه كيسه كبيره يعني كبر يدي مرتين.. قلت ابقعد اكل قدام العجوز في البيت عشان اهبل بها صح .. رجعت للبيت بعد ساعة حوالي لقيت العجوز نايمه وغرفتها جنب غرفتي على طول والله واتعوذ من الشيطان وقلت ليش اتعامل معها بها الاسلوب الصبياني ليش ما اعاملها باسلوب الاسلام وارد السيئة بالحسنة , طلعت لغرفتي وقبل لا ادخل الغرفه علقت كيسة الحلاو على عروة باب غرفتها ودخلت غرفتي ونمت . قمت الصباح نزلت تحت قلت بفطر وروح بسرعة عشان الحق القطار لان معهدي بعيد شوي المهم لقيت العجوز قايمة قبلي وقاعده في المطبخ وقلت يالله صباح خير شكلها امس طبت في الابل واليوم تبي تطب في الغنم اللي في السعوديه لانه معد بقى الى الغنم!!... وانا اسوي الفطور حقي توست بالجبن وكاس عصير العجوز تطالعني وتبتسم قالت انت اللي حط الحلاو علقت الحلاو على باب غرفتي ..طبعا كنت ناسي موضوعة بالمره ..المهم قلت ايه انا قالت ليش قلت لانك تحبينه ....والله وتنفجر بالبكى وتقعد تصيح وتقول لي اربعين سنه متزوجه ولا عمر هالثور حط لي زي ها الهدية ..تقصد بالثور زوجها طبعا . وقالت اني قمت الساعه اربع الفجر ابغى اروح لدورة المياه (تكرمون) وحصلتها على الباب وسئلت براون (اسم زوجها) وقال ما حطيت شي وبعدين دريت انه انت اللي حطها ...الزبدة ان العجوز انقلبت ثلاث ميه وستين درجة صارت تقدرني وتعزني بشكل ما يتصور ..تقول ما كنت اداني شي اسمه سعودي او مسلم لكن بعد اليوم راح اغير نظرتي بالكامل ( بسبب كيسة حلاو تغير فكر كامل وتبدل الحقد الى احترام وتقدير) وتقول ارجوك سامحني لاني غلطت عليك قلت لها وانا مسامحك وترى الاسلام هو الي علمنا انا نرد السيئة بالحسنة ...وانا بيني وبينكم كنت ناوي ارفع ضغطها بالحلاو بس سبحان اللي الهمني اني ارد السيئة بالحسنه......خليتها ورحت ابي اطلع واروح للمدرسة لاني تاخرت وانا متجه للباب قالت من الساعه اربع وانا انتظر الصباح عشان تقوم واعتذر لك قلت انا مسامحك لكن الأبل لازم تروحين للسعودية وتعتذرين منها !!... وطلعت وصكيت الباب وهي تضحك من قلب وشكلها هاظمتني مرة مرة يعني خشيت مزاجها . نهاية الاسبوع الاول عزمتني على العشا وتعرفون الانقليز ابخل من طلعت عليه الشمس لو يطلع ابو الواحد منهم من القبر ما عزمه ولا على قوطي ببسي لكن العجوز تهورت وراحت تشتري لي لحم حلال وطبخه زوجها العشا لي بس في صحن واحد هم كلو هامبرقر وبطاطس . اخر يوم سكنت خويي معي في البيت ببلاش من دون ما يدفع شي لان المعهد لخبط في الحجز حق عائلته ونقص يوم من المده وقالت عائلته امسك الباب ...وسئلت العجوز عن فندق قريب وقلت لها عن سالفت خويي وقالت خله يجي ويسكن عندي وانا مرت براون ..قله يجي ويسكن ببلاش ...علمت رفيقي وجى للبيت لان عندنا اصلا رحله بوكره الساعة سبع الصباح للنمسا ...لزم عليها خويي انها تا خذ فلوس ورفضت رفضت وبقوة. اليوم الاخير قامت العجوز الساعة اربع الفجر وكان يوم السبت يعني اجازة واكدت على سواق التكسي انه يكون الساعة خمس عند الباب .. وصل التكسي وركبت الشنط والتفت ابغى اودعها ولقيتها والله العظيم تصيح وانا بس قعدت اسبوعين عندها ..وقالت ارجوك انك تراسلني وتقولي عن اخبارك وقالت عندك العنوان ورقم البيت ...مشى التاكسي وهي واقفه عند الباب وهي تلوح لي بيدها وتقول باي باي . سبب التحول من الكره والعداوة الى الاحترام والتقدير هو المعامله الحسنه ورد السيئة بالحسنه اسف على الاخطاء الاملائية وركاكة التعبير
| |||||
 |
| |
|
June 2, 2008, 06:45 PM
| رقم المشاركة : 4 (permalink) | |||||||
| رد: كيسة حلاو تقلب الموازين السلام عليكم .. . . قصة مؤثره .. تحمل الكثير من العبر .. اولها " لا تحقرن من المعروف شيئاً ولو ان تلق اخاك بوجه طلق " [1] .. بشيء بسيط لم يكلف عليك استملت قلب تلك العجوز .. فكيف بك لو اسديت لها شيء اكبر .. والحمد لله ان الله الهمك الصواب بعد ان عزمت على الايذاء .. هو ديننا حثنا على مقابلة الاساءة بالاحسان كما ذكرت .. وتذكرت كيف كانوا الكفار يضعون بواقي ذبائحهم على ظهر الرسول صلى الله عليه وسلم وهو يصلي وكان يقابلهم بالاحسان .. ويقول اللهم اهدهم .. ولنا في رسولنا اسوة حسنة .. وليروا ان من طبائع العرب الكرم الذي لا يعرفونه هم !! في الحقيقة انت قمت بعمل عظيم وانصحك بان لا تقطع صلتك بهم .. فقد تكون سببا لدخولهم في الاسلام !! بعد ان كسبت محبتهم بعد كره فما المانع من ان يعتقوا دين الرحمة والالفة .. وعسى ان تكون اخر حياتهم مختومة بالاسلام .. فقصص اسلام الجاليات عندنا عجيبة .. منهم من اعتنق الاسلام لاسباب نصعق منها نحن بعد ان كنا لا نلتفت لها .. فالخلق الحسن يجعلك تكسب ودهم كما قال الشاعر احسن للناس تستعبد قلوبهم .. وتذكرت قول الرسول صلى الله عليه وسلم : " والله لأن يهدي الله بهداك رجلا واحدا خير لك من حمر النعم " [2] وفقك الله لما يحب ويرضى .. ------------------------------------------------------------ [1] أخرجه مسلم. [2] فهذا جزء من حديث طويل اتفق عليه البخاري ومسلم، ومعنى حمر النعم هي: الإبل الحمر، وهي أنفس أموال العرب، يضربون بها المثل في نفاسة الشيء وأنه ليس هناك أعظم منه، وقد نص على هذا النووي في شرحه لهذا الحديث.
آخر تعديل OraNgeeNa يوم June 2, 2008 في 10:08 PM.
| |||||||
| |
|
June 3, 2008, 01:39 AM
| رقم المشاركة : 5 (permalink) | |||||
| رد: كيسة حلاو تقلب الموازين اخي الكريم اشكرك على المرور والتعليق وجزاك الله كل خير اما بالنسبة لصلتي بهم فانا الان في بريطانيا للدراسة لمدة عامين وقد ذهبت لهم فور وصولي علما بان اخر مرة رئيتهم فيها كانت قبل سنتان , وعندما فتحت لي الباب عرفتني على الفور واستقبلتني بكل حفاوة علما ان الطلاب يسكنون عندها بشكل مستمر حيث يصعب تذكرهم جميعا, ولكن رغم ذلك تذكرتني . ولكن اتمنى من العلي القدير ان يجعل اسلامهم على يدي .. مرة اخرى اشكرك على تعليقك والسلام عليكم
| |||||
| |
 |
| أدوات الموضوع | البحث في الموضوع |
| أنماط العرض | تقييم هذا الموضوع |
| |
النمط الخطي
