همس_همس

ولى زمانا قدرت تهزني فيه بدموع
حسبت الدموع صادقه وبعضها كذاب
خنتني بالامس واليوم ترجي الرجوع؟
قليل عقلا اللي برجله يرجع للعذاب؟
حتى الذيب اللي اكل صاحبه بسبة الجوع
ما يشبهك وانت فيك الخيانه بليا اسباب





شفت طفلا شاب شعره وهو صغير؟
جيتك طفلا وبسواياك صرت شايب
تخطي وتجرح عمره ما ردك ضمير
ولا حرك خافقك طفلا يشكي المصايب
اي قلبي احساس طفلا بس عقلي كبير
ما رخصت عزتي ولا لأقرب قرايب
جيت بدنيتي طفلا وعشت فيها فقير
ولا وطيت الراس لاجل عين الحبايب
اموت انا بعزتي ولا تنمد يدي للغير
دام قربك مذله ابيك كل العمر غايب






آسف إذا لك قلت انسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا مايصير تبيع فيني واشريك
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجتك ولا فايدة فيك
الحن جيت تقول انسى عشاني
جابك زمانك خلك اليوم
(ما أبيك)..






صدقيني ما بقى للحب قيمه
الجفا شال الوفا واصبح مكانه
والصراحه صارت كلمه قديمه
والهوى اصبح خيانه في خيانه
والمحبه كنها طفله يتيمه
مات ابوها وانحرمت حنانه
صدقيني قصتي قصه أليمه
والهوى ما عاد يغريني كيانه






غفت عيني البارحه وشفتك في المنام
تضحك بوجهي غدر واحسب انه حلم
صحيت خايف شفت كل ما حولي ظلام
ماني مصدق عايش انا بحلم والا علم
كيف اليوم خنتني وفيك صدقت الاحلام
وانا اللي لا ذكروا اسمك قلت لك والنعم
ابشر ان شفتك ما تلقى مني حتى سلام
ولا جابوا طاريك بين الناس باقعد اذم
وان قالوا سامح صاحبك قلت قربه حرام
ما دريتوا الزجاج بعد الكسر ما ينلحم؟؟






طلبت من الهوى خدمه
يرووح بعيد وينساني
ولايفكر يجيني بيوم
ولاأغامر ولاأجيله
عرفت ان الهوى لعبه
وسخافة شعر وأغاني
خلاص أرجوووك يا قلبي
بلا حب وبلا نيله
حبك اللي تدعي هو حب ذاتك
ومن يحب الذات مايخلص لغيره
غرني فيك ظاهر صفاتك
غلطتي ياللأسف كانت كبيره




من قبل تنهي مسرحك اسدلت انا عنك الستار
وانهيت كل الي جمعنا من كبير وصغير
وابشرك قلبي كبير ولا يتأثر بالصغار
واذا تحداني الزمن لجأت إلى الله استخير
ليلك طويل ولا اعتقد يطلع على مثلك نهار
قلبي نساك وموقفي هذا هو الرأي الاخير
اخترت وضعي مثل ما انت اخترت وضعك بإختصار
هذا الكلام الي سكن نفسي ونابع من ضمير






ازعل علي وابشر بكلمه تربيك
خذه كذا مابين الأقواس
((((طقااااااااااق ))))))





يالله دخيلك كلها شالت ارماح ..
حتى الوغد قام يتخمش رسنها ..
مات الحيا والمرجله دمها ساح ..
كلن كشف عن سوء نيه دفنها ..
دامه زمن حيه وعقرب وتمساح ..
خل الأسود تنام ماهو زمنها ..!!







لا صار ميزان العدل بس كفّه
عادي ترى ما يفرق الزين والشين
الظلم جرح ما نفع فيه ضفة
ما ضمد المجروح موت السكاكين
مثل الدما نرقص على اي دقّة
عقّال لكن صنفونا مجانين




وينك تشوف الحال من عقب فرقاك
أحلى من الاول واروع من اوقاته
لا تتحرى بتم اقول لك احبك واهواك
غلطان لان ماضيك طويت صفحاته






مسكين شاللي بغيابك ذكرك فيني
ماقلت لك لا تكابر من بدايتها
كنت بغيابك تظن انك بتنهيني
والا متصور حياتي انته نهايتها
بفهمك شي واحد بس واعفيني
وفر دموعك ترى للنفس عزتها




أنا السما وانت مثل واطى الارض
مهما تعليت بالمسافات تحتي






بحاول أنسى كل الهم وبتناسى بعد الجراح
بأصبر نفسي عالغربة كثر ما أقدر أتصبر
إذا ثلث الطموح عناد وثلثينه صبر وإلحاح
بأجبر خاطر آمالي وأحاول أكثر و أكثر
وإذا بعض الألم باقي ترى بعض الأمل ما راح
وكل ما قلت ما أقدر بعاندني وأقول أقدر






وتسألني عن أخباري ؟!!
كإنك ما دريت اش صار ..
وكإنك مب سبب ناري
وجرحي وهمي والتذكار ..
غدى جرح الزمن جاري
يمر قلبي بكل نهار ..
ويصب جروحه في بحري
ويوقع لي أنا الغدار

ماجيت جنبك اطلب اليوم تبرير
ولاجيت ابشكي لك زمان الهواني
شفت الاذى منك من دون تقصير
زدت الجروح اللي سببها حناني
النفس طابت ماتبي منك تفسير
لاتحسب ارتجي من نساني




هذا جزاي
تصد عني
تغلى
تحسب صدودك يالخوي يرفع الراس !!






تبى البعد أبد حاضر قسم بالله ما اردك

ولكن لاتجيني يوم بقولة تكفى لك أنا حنيت

أشوف إنك تورطت بشي كبير مو قدك

ماظني تنفعك بكره حسافه وليتني ياليت

على بالك ابترجى وكل الخوف من صدك

ترى قبلك كثير اللي ترجوني ولاترجيت

إذا عشقك يوطيني لا أبوجده لا أبوجدك

وإذا مليت من قربي فأنا منك بعد مليت



لاتدعي

لاتدعي حب جحدته من اعوام
ولاتعتذر وقت المعاذير ولى

رح في طريقك لاتفكر باالأوهام
ولاتنسى انك من بدا ومن تخلى






ماهقيتك تهجر وتجفى قلب يهواك
ماهقيتك تفرح لما تشوف قلبي يتحطم
ارحل ماعادت عيوني تطيق رؤياك
ارحل ماعاد فيني شي لك يهتم

تسلم بو راكان على المسجات

الله يسلمك يا رب

يسلمواا بو راكان على المسجات
يعطيك العافية