 |
|  |
| الابتسامه » المجله » التسجيل » مشرفو المجله » البحث » مشاركات اليوم » دليل المواقع » الاعلانات » الترجمه » سجل الزوار » |
| ||||
| ||||
| |
 |
| | |
 | |
 |
 | |
| |||||||
| روايات و قصص روايات ادبية , روايات بوليسية , روايات عالمية , قصص رومانسية , خيالية , حب , واقعيه |
| |
| | LinkBack (1) | أدوات الموضوع | البحث في الموضوع | التقييم:  | أنماط العرض |
January 20, 2008, 02:21 AM
| رقم المشاركة : 46 (permalink) | |||||||
|  رد: غرور و كبرياء .. القصة كاملة .. (( قصة رووووووووعة )) الجزء الثالث عشر الفصل الثاني طلع فيصل وهو كاااشخ كشخه مابعدها كشخه كان شييييييك بمعنى الكلمه نجلاء نفسها كانت تتامله باعجاب وهو تفاعل معها فيصل يدور وكانه طفل شاري ملابس جديده: هاه وش رايك فيني؟ نجلاء: شهادتي فيك مجروحه كامل والكامل الله فيصل ابتسم : اقول بنطول وانتي تتامليني ترا بتطير الطياره نجلاء بحياا: يالله فيصل (في نفسه)؛: ياربيييه تجنن ي ناااس قمر قمر فيصل : يالله طلعوا من الفندق متجهين لمطار روما وطول الطريق ونجلاء تعدد الناس اللي اشتاقه لهم فيصل: ما شاء الله كل ذولي مشتاقه لهم ؟ نجلاء: اصبر باقي كثير فيصل : ماشاء الله كلهم لهم مكانه في قلبك نجلاء: اكيييييييد فيصل : واناااااااااا نجلاء: ...........(خدودها محترقه ) فيصل : خلاص ناجل هالسؤال بعدين بس بشرط نجلاء: وشو؟ فيصل: توعديني انك تجاوبين عليه بعدين نجلاء: اوعدك في بيت ابو راشد دخل مشاري لبيتهم الظهر الساعه وحده ....... مشاري :يا اهل البيت .... يا الله وين راحوا .. يمه.. وراح للمطبخ يدور امه لكن ما لقاها وراح عند قسم المجالس يدورها وبعد ما لقاها يئس ورجع للصاله .. مشاري :يا ربيه وين راحت ؟... فجاه حس بشي يسحب ثوبه من تحت ... ونزل راسه يشوف من اللي يسحب ثوبه تفاجأ ببنت زي القمر .... مشاري يصرخ : واااااااي مين هالزين ... هديل :انت مين ؟؟.. مشاري : انا مشاري .. هديل : مثاري .. مشاري : هههههههه يا حلو اسمي على لسانك ..طيب انتي مين ؟.. هديل : انا هدول ... مشاي : واااااااي على هدول انا ... طيب هدول حبيبتي انتي من اللي جابك هنا ؟؟... هديل : بابا دابني هنا .. مشاري : طيب وين امك ؟؟.. هديل تبتسم ببراءه : ماما ثافرت ... وقعد مشاري يلعب مع هديل وربع ساعه ودخل عليهم مشعل .... مشعل دخل تفاجأ بمشاري :الاخ مشاري هنا ؟؟.... مشاري : ليه ما تبيني ؟؟.... مشعل : لا شدعوه بس اني ارتعت ما توقعت ترجعون الحين .. كنت متوقع ترجعون الليل ... مشاري : ايه بعد .... مشعل : هاه متى وصلت ؟؟.... مشاري : يا اخي سلم اول بعدين حقق .... مشعل : ههههههههههههههه وراح مشعل وسلم على مشاري .. مشعل : من زمان وانت هنا ؟؟..... مشاري : لا ابد من ربع ساعه .... مشعل : هاه وش اخبار سفرتكم ؟؟ مشاري : الصراحه عجيبه فله بس حرام ما طولنا .. مشعل : طيب كان جلستوا ؟. مشاري : تخيل نقعد انا وفواز بلحالنا ؟ مشعل : ايه عادي .. مشاري : اقول خلك مني وقلي ذا القمر من بنته ؟؟.... مشعل يبتسم : جازتلك ؟ مشاري : الصراحه كيفت عليها .... يا ليت تقعد عندنا على طول .. مشعل : لا من جهة تقعد عندنا تطمن بتقعد عندنا لا وعلى طول بعد مشاري يبتسم : لا والله ... مشعل : ايه والله .. مشاري : طيب وشلون ؟؟... مشعل يبتسم بخبث : والله ابوها يبي كذا .... مشاري متحمس : طيب من ابوها ؟؟.... مشعل : ابوها قدامك ما ملا عينك يعني ؟؟؟... مشاري : طيب انا ما اشوف قدامي الا انت ... مشعل : طيب وانا ما مليت عينك ؟؟... مشاري : انت؟ مشعل : ايه .. مشار ي: لا مستحيل هذي تكون بنتك .... مشعل : وليش بالله ما يصير ؟؟..... مشاري : لأنك اصلا ما تزو..... وسكت مشاري كان يصرخ في نفسه لااااااا معقوله مشعل متزوج وحنا ما ندري ؟ ...لالا اكيد يمزح ... مشعل : كمل ... مشاري : هههههههه يا شيخ روح الله يصلحك ..ترى بسبت مزحك الثقيل ذا قامت الافكار تاخذني وتجيبني .... مشعل بجد : أي مزح يا مشاري انا قاعد اكلمك جد هذي بنتي واذا ما انت مصدقني اسألها ... مشاري وقف مكانه و مو عارف يتحرك معقوله انت يا مشعل انت تسوي كذا تتزوج وحنا ما ندري لالا مستحيل مستحيل اللي قاعد يصير ........ورجعه للواقع صوت مشعل .. مشعل : اسألها ... مشاري التفت على هديل اللي قاعده تلعب بالتلفون وتدق ارقام وترجع تحط السماعه ... مشاري ياربيه على البراءه يا ناس معقوله هذي بنت اخوي .... مشاري : هدول .... ترفع هديل راسها وتناظر مشاري : نعم مثاري ... مشعل : عيب هدول قولي عمي .... هديل : لا بابا مثاري احثن .. (وتلتفت على مشاري ) ثح مثاري؟ مشاري : صح هدول .... وظل مشاري جامد مكانه الحين انا ليش مكبر السالفه ؟ خلني استانس مع اخوي وبنته ..وفجأه يلتفت مشاري على مشعل ويبتسم مشاري : تصدق عاد ان بنتك احلى منك ... مشعل ارتاح هذي النظره اللي يبي يشوفها من مشاري مشعل : يعني انا ووجهك تحزبني لين انت قلت كذا بزعل ؟ ..لا يا حبيبي هذي بنتي نعرف وش معنا بنتي يعني اكيد بفرح لو قلت انها احلى او احسن مني ... مشاري : ههههههههههههه حلوه ذي الصراحه (((((((((((((((((( مشعل : شفت وشلون ؟ ياليتك عاد تتعلم ... مشاري : لا يا حبيبي انا احسن منك ...ليش اتعلم منك ؟؟ وكملوا مشاري ومشعل وهديل سوالفهم وهم يسولفون دخلت عليهم ام راشد وريم قام مشاري وسلم على امه وريم مشاري : اوه الخبلا عندنا ... ريم : يا اخي استح على وجهك توني داخله بدال ماتقول هلا والله تجي تقولي يا خبلا ..... مشاري : تصدقين عاد يا ريم انا من اشوف خبالك اذكر فواز ... مشعل : حرام عليك فواز مافيه احد مثل هباله ...... مشاري : في هذي صدقت ... مشعل : الا مشاري قلي وش سويتوا هناك .... مشاري : اسكت بس يا ان فواز فشلنا ... ام راشد : ليش وش سوا ؟؟. (قالهم مشاري عن الفلم الهندي وعن سحب فواز الشال من اطول رجل ......... الخ ) وطول الوقت وريم ومشعل و ام راشد يضحكون ... ريم : هههههههههههههههه حرام عليك الحين انا مثله .... مشاري : لا بس تذكريني فيه ... ريم : ايه بعد ...... بس يا ان ولد عمك هذا جرئ.... مشعل : الحمد لله اني مارحت معكم ... مشاري : بس لو انه مهوب فيه صارت السفره مالها طعم .... ريم : هو صح انه يفشل بس فله ... ام راشد : عادي يوسع صدوركم ما سوا شي ... وجت هديل تركض وجلست على رجل ريم ... هديل : ليم وث ثريتيلي ( ريم وش شريتيلي ) ريم : شوفي حبيبتي شريت لك شوكلاته ولعبه .... هديل : الله ... ريم : بس تا كلين الغدا اول .... هديل : طيب ... وتقوم وتروح لام راشد هديل : ماما ... ام راشد ": نعم يمه ... هديل : يله بثرعه ابي غدا ... ام راشد : ان شاء الله ... وراحت هي وهديل عشان تغديها ... وصلوا للمطار وكانت نجلاء في استراحه الانتظار وكانت شبه فاضيه لانها الوقت صباح ومتملله ورن جوالها بنغمه مشاري نجلاء ترد بلهفه : هلا والله مشووري مشاري: احم احم ترا استحي نجلاء ضحكت: ههههههه يا حليلك وش اخبارك ؟ مشاري: تمام انتي وش اخبارك ؟ وش اخبار فيصل ؟ نجلاء: الحمد لله كلنا بخييييير انتم وش اخباركم ؟ فردا فردا مشاري : احم اجل اسمعي نشرة اخبار( مشاري دوت كوم ) امي تبكي ليلا ونهارا على فراق ابنتها الوحيد وانا الذي سافرت وجيت ولم تعطي لي وجها ... ابي ليس لديه اخبار جديده لكن اخر كلمه سمعتها من فمه الكريم كان يقول (يقلد صوت ابوه ) وين بنيتي والله اني اشتقت لها ... انتهت النشرة شكرا لطيب المتابعه والسلام عليكم ورحمة الله وبركاته نجلاء: ههههههههههههههههههاااي مشيري وش ذا اللغه لاهي عربيه ولا عاميه من وين مطلعها من أي قاموس مشاري : من قاموس (مشاري دوت كوم ) نجلاء: وصار لكم لغه ؟؟ من متى؟؟ مشاري : اقول نسيتيني ليش كنت داق نجلاء: ليش بعد فيه شي غير انك تبي تسلم علي مشاري: من زينك علشان اسلم عليك ؟ نجلاء: افااااااا وانا اللي جالسه اقول مشووري حبيبي ماالت عليك مشاري: خلينا من حبيبي متى توصلون ؟ نجلاء: مدري بس اللي سمعته من فيصل انه بنكون عندكم تقريبا 8:30 او 9:00 لييييش؟ مشاري: لاني الله يسلمك بتنزل واجي استقبلك انتي وبعلك نجلاء: هههههههههههههههه بعلي؟ مشاري: والله لو الود ودي كان خليتكم تجون بتكسي بس امك المصون حلفت علي يمين اني اجي اخذكم وانا رحت وجيت محد استقبلني نجلاء: ياقلبي عليك يا مشاري تغاار ؟ مشاري: اول كنت اغاار لكن الحين افتكييت منك نجلاء: اييه علينا ؟ مشاري: اقول اقلبي وجهك خسرتيني مكالمه نجلاء: من متى تحاسب على فواتيرك ؟ مشاري: لا بس اني استخسر عليك مكالمه نجلاء: ماالت علييييييييييك مشاري: يالله بس ماتستاهلين من يتنزل ويكلمك سلمي على فيصل نجلاء: يوصل وانت سلم على اهلي كلهم مشاري: اوكي تامرين بشي ؟ نجلاء: سلامتك مشاري: بااي نجلاء: بااي اول ما خلصت المكالمه جاها فيصل وكان شوي معصب فيصل : وينك انتي اتصل عليك جوالك مشغول نجلاء: كنت اكلم مشاري فيصل : طيب يالله اعلنوا الرحله نجلاء: يالله ركبوا الطياره ونجلاء خايفه من الاقلاع وفيصل نسى انه نجلاء تخاف من الطياره نجلاء : فيصل يمه خاايفه فيصل : من ايش؟ نجلاء: مدري احس انه الطيار غبي وبيطيحنا فيصل : ههههههههه لا تخافين الا وش اخبار مشاري نجلاء يوم ذكرت مشاري ومكامته ضحكت: ههههههه مهبوول فيصل : لييش؟ قالت له فيصل اللي قاله لها مشاري كانت تقول وهي متحمسه ونست الطياره والاقلاع يوم خلصت السالفه فيصل :ههههههههه والله مشاري هذا يدكرني بفواز نجلاء: ههههههههه ياحليله التفت نجلاء للشباك وناظرت انهم في السما يعني اقلعوا من زماان (يااه يا فيصل ثاني مره تنسيني الطياره من دون ما احس ) جلست تتامل السحاب وتسرح في اهل السعوديه (ياني مشتاقه لك يا ماما وانت يا بابا يااه متى نوصل ) التفتت لقت فيصل نااايم وشكله يبين انه مرهق وتعباان نجلاء كانت تغفي شوي وتصحى نومها كان قلق لانها متحمسه على الرياض واهلها فكانت تبي الطياره توصل الحييييين وخلال تفكيرها وغفوتها صحى فيصل وهم يوزعون الاكل كلوا وجلسوا شوي يسولفون وفيصل كل يوم يكتشف شي في نجلاء احسن من اللي قبله ونجلاء نفس الشي ومبسووطه وشبه ناسيه سالفه المكالمه اعلنوا ربط الاحزه للاستعداد للهبوط في مطار الملك خالد بالرياض نزلوا فيصل ونجلاء من الطياره وكانت متحمسه لشوفه مشاري واول ما خذوا شناطهم طلعوا وكان مشاري يستهبل وحاط لوحه مكتوب فيها فيصل ال..... نجلاء شافت مشاري وضحكت على الحركه ونفس الشي فيصل وطبعا هالتطيط من ورا راس مشاري وفواز اللي راح مع مشاري عشان يستقبلون نجلاء وفيصل نجلاء راحت تركض لمشاري وضمته وجلست تبكي فيصل تقطع قلبه وهو يشوفها وراح يسلم على فواز اللي ابعد شوي علشان نجلاء تاخذ راحتها مع مشاري مشاري بحنيه : نجلاء خلااص نجلاء: والله مشتاقه لكم مشاري : طيب يالله نروح امي مشتاقه لك مووت وابوي بعد يالله لا يشوفنا احد يحسبك خويتي(يمزح يبيها تضحك) نجلاء بعدت عنه : هههههه يالله (التفتت) وين فيصل ؟ مشاري يغمز لها : امداك تشتاقين ؟ نجلاء ضربته بحيا : مشيري اعقل ويالله ابي اشوف الرياض…
| |||||||
|
|
January 20, 2008, 02:22 AM
| رقم المشاركة : 47 (permalink) | |||||||
| رد: غرور و كبرياء .. القصة كاملة .. (( قصة رووووووووعة )) وراحوا كملوا اجراءات شناطهم وهم ياخذون الشناط كانوا فيصل ونجلاء يمشون مع بعض وفواز ومشاري مع بعض فواز: هههههه مشاري دور شنطتك يمكن نلقاها مع ذولي .. مشاري:اقول انطم .. فواز: هههههه ! الا اقول مشاري وش رايك تسوي نفس الحركه في فيصل ونجلاء.. مشاري: بس اخاف فيصل يعصب .. فواز: وش شغلت اختك ؟ عروس على الفاضي ...اذا عصب تهديه. وضحكوا فواز ومشاري بصوت عالي لدرجه ان فيصل ونجلاء التفتوا عليهم.. فيصل: خير وش عندكم..ضحكونا معكم.. فواز: لا ابد ولا شي بس ذا الخبل يضحك على أي شي حتى لو كان تافه .. مشاري: انا اضحك على اشياء تافهه ؟ اجل انت التافه لانك انت اللي مضحكني فيصل: اقول خلوا عنكم الهذره الزايده وتعالوا... فواز وهو يهمس لمشاري: اقول انا ما اعرف شنطه فيصل ..انت تعرف شنطت اختك؟ مشاري : ايه اعرفها .. وراحوا خذوا الشناط وحاول فواز يلهي فيصل نجلاء لحد ما خذا مشاري شنطه نجلاء الاولى وابتسم وطلع مشاري الشنطه الثانيه فيصل على طول راح لمشاري: مشكووور ..خلاص يالله نروح نجلاء وهي تمسك فيصل مع كمه : فيصل لحظه فيصل : هلا ..وش فيك نجلاء: باقي شنطتي فيصل : ايه صح "ويلتفت على مشاري " لحظه مشاري باقي شنطه نجلاء.. مشاري يهمس لفواز: الحمد لله انتبهوا.. فواز: ياخي ملاحظ اخوي رايق مشاري: خلنا نأجل الحكي الحين ونشوف وش بيسوون فيصل "بمكر": نجلاء بروح اسال عنها تعالي معي نجلاء: لا ماله داعي اروح انا .. فواز: والله انكم شاقين بنفسكم كلها شنطه مشاري: ايه والله .. يله بس خلونا نروح فيصل يبي يشوف ردة فعل فواز ومشاري: وانتم وش حاركم ..شنطه حرمتي وبروح اسال عنها مشاري يلتفت على نجلاء: حرام عليك والله ملابسي الجديده كلها فيها .... مشاري: اقول امشي بلا ملابس جديده بلا خرابيط..نشتري لك غيرها نجلاء: منيب ...منيب طالعه من هنا الا وشنطتي معي ..وبعدين ماطلبت منك تجيبها خلاص فيصل بيروح يسال عنها فيصل يمسك يد نجلاء ويسحبها : يله نجلاء تعالي نسال عنها فواز:ههههههههه مشاري يهمس لفواز: اقول فوازوه خلنا نقول لهم.. فواز: لالا خلهم يتفشلون... مشاري: الفشيله لنا مهيب لهم ... انا بقولهم ... " ويرفع صوته " لحظه فيصل .. بس فيصل من سمعه كذا زاد سرعه .. نجلا : لحظه فيصل مشاري يناديك .. فيصل : اقول تعالي وماعليك منه .. وظل يمشي هو و نجلا وراحو لمكان هم يشوفون فواز ومشاري بس فواز و مشاري ما يشوفونهم ... فيصل : نجلا شوفي الشنطه اللي ورى فواز و مشاري ... نجلا تشهق : هذي شنطتي .. فيصل : ايه شايفها يقالهم يبون يسون فينا مقلب بس انا شفتهم .. نجلا : طيب يله خلنا نروح ناخذها ونروح للبيت والله تعبانه وفيني النوم ... فيصل : والله انك بريئه .. انا ما راح اطلع من هنا الا وانا راد لهم المقلب ... نجلا : طيب وشلون ؟.. فيصل : نحاول نحسسه ان الشنطه مهيب لنا ... نجلا : خلاص يله .. فيصل : خلاص بس هاه بدون ضحك .. نجلا : ههههههه ما اظمن لك .. فيصل : لا يا حبيبتي ما ابي ما اظمن ابي اكيد ... نجلاء : خلاص طيب ... ورجعوا فيصل و نجلاء لفواز و مشاري .. فواز وهو ماسك ضحكته : هاه عساكم لقيتوها ؟... فيصل يبتسم وهوماسك يد نجلاء: ايه لقيناها.. مشاري ارتاع: هووو وين لقيتوها فيه..؟ فيصل:شباب شنطه نجلاء زي شنطتهم وخذوا شنطه نجلاء يحسبونها هي والشنطه اللي ضاعت هذي شنطتهم .. فواز:نعم؟؟ نجلاء خلاص ماتقدر تبي تضحك فعشان تمسك ضحكتها ضغطت على يد فيصل بقووه ... وفيصل يوم ضغطت نجلاء علة يده على طول ابتسم على شان ما يضحك مشاري بهمس لفواز: هاه خذ هذي تاليت مقالبك السخيفه شف وش صار... فواز: ماعليك ادبرك ادبرك... فيصل: هاه يالله نمشي.. مشاري: لحظه استنا تونا وراك طاير.. نجلاء: هماك تقول قبل شوي يالله يله يله مستعجل فواز: طيب وين شنطتكم ... ورى ما جبتوها فيصل وهو يناظر فواز ومشاري بخبث: ليش هو دخول الحمام زي خروجه لازم فيه اجراءات اول... بكره بجي اخذها نجلاء تهمس لفيصل:والله نعرف نكذب يا فيصل فيصل:هههه خبره واحد يعاشر فواز ولا يتعلم من مقالبه؟ وفي الطرف الثاني مشاري يهمس لفواز: اقول انا بطلع الشنطه.. فواز وهو للحين معاند:لحظه..لحظه..استنا.. مشاري: وش لحظه شنطة الناس ..وانت تقول لحظه.. فواز: طيب استنا شوي ..ياخي تعلم ان الواحد اذا سوى مقلب مايستسلم مشاري: وهو يبعد فواز عنه وبصوت عالي: اقول ابعد عني.."وطلع الشنطه من وراه ويناظر فيصل "فيصل هذي شنطه الشباب.. فيصل ونجلاء: هههههههههههه فواز: وش عندكم تضحكون ؟ فيصل : ههههههه لا ابد سلامتك بس من حفر حفرة لاخيه وقع فيها مشاري: وش قصدك فيصل: لا ابد سلامتك ..بس مافيه لاشباب ولا شنطه شباب ..كل اللي صار ان هذي الشنطه حقتنا نجلاء: والمقلب رجع لكم مشاري: نعم ..نعم..نعم هذي شنطتكم؟؟ فواز يطلع من الموضوع: ههههههه والله انك مخفه يامشاري تمشي عليك مقالب مثل هاذي مشاري: ياي يعني انت اللي ما مشت عليك... فواز: وليش تمشي علي ...وانا اصلا مالي دخل انت اللي خذت الشنطه ووزيتاها مشاري:لا والله ومن اللي قال لي اسوي كذا .. فواز: مدري عنك مشاري: لا والله الحين تطلع منها فيصل: هههههههههههههه ماشافوهم وهم يسرقون شافوهم وهم يتحاسبون مشاري: ايه اضحك .. فيصل : اقول يله بس خلونا نمشي وطلعوا وراحوا للسياره مشاري يسوق وجنبه فواز وورى فيصل ونجلاء في الطريق رايحين للبيت نجلاء كانت مستحيه من دخولها لبيت عمها لانها اول مره تسويها وتدخل هي وفيصل وبس.. وطول الطريق تبغى تصف كلام تقوله لخالتها (ام فهد) او للبنات (لمى ...رغد..العنود...الهنوف(زوجه فهد)..) وهي في ضل هالافكار فيصل بهمس : اللي ماخذ عقلك يتهنى به نجلاء بهمس ودلع: لاتخاف ما كنت افكر فيك فيصل: مو مهم انك تفكرين فيني المهم انا وصلنا نجلاء التفتت : هئئئئئئ من متى ما حسيت؟(مالقت لا مشاري ولا فواز) فيصل: ما قلت لك اللي ماخذ عقلك؟؟؟؟؟؟؟؟ نجلاء:يووه فيصل والله كنت افكر شلون بدخل استحي ادخل بدون امي هذي اول مره اسويها فيصل: ههههههههه وانا داخل مع باي صفه مو زوجك يالله عاد بلا دلع نجلاء: هاه طيب يالله نزلوا فيصل ونجلاء مشاري وفواز دخلوا قبلهم فواز بصراخ: يا اهل البيييييييييييييييييت؟ فيذا احد مشاري: احححح ياولد فواز: اقول لا تسوي لي مثالي وادخل وانت ساكت الا وين عصافير الحب مشاري: ههههه في السياره فواز: هءئئئئئئئئئ مانزلوا ام فهد : ياهلا والله حيا الله من جانا مشاري: هلا والله خالتي وش لونك ؟ ام فهد : الحمد لله بخير انت وش لونك وش لون اهلك ؟ مشاري: كلهم بخير الله يسلمك يالله اجل انا اترخص ام فهد : هو ؟؟ وين تو الناس؟ مشاري: معليش خالتي عندي شغل يالله فمان الله فواز وام فهد : مع السلامه مشاري طلع من الصاله ودخلوا العنود ورغد والهنوف العنود: يمه ؟؟ وين نجلاء وفيصل فواز: عصافيركم في السياره يوصوصون مدري وش عندهم فيصل : السلاااااااااااااام عليكم نجلاء بصوت واطي: السلام عليكم ام فهد بفرح: ياهلااا والله الحمد لله على السلامه اسفرت وانورت هلا والله ببنيتي وراحت لها وضمتها ونجلاء مستحيه مووت وراحت ام فهد تسلم على فيصل : هلا والله بوليدي فواز: احم احم ترانا فيذا فيصل : ههههههههه هلا بك يمه شلونك وش اخباركم كللكم ؟ ام فهد: كلنا بخير وراحوا البنات يسلمون على نجلاء وفواز طلع من الصاله عشان نجلاء تاخذ راحتها لمى: هلا والله بمرت اخوي الحمد لله على السلامه ( وسلمت عليها) نجلاء بحيا: الله يسلمك العنود: نجولي شلونك الحمد لله على السلامه(وباستها) نجلاء: هلا والله الله يسلمك وقفت نجلاء تنتظر رغد تجي تسلم عليها لكنها كانت واقفه بمكانها قالت انا بروح اسلم عليها نجلاء: اهليين رغد رغد ببرود: هلا نجلاء استغربت ردة فعلها لكنها ما علقت راحت تسلم على الهنوف : اهلييين الهنوف الهنوف تناظرها من فوق لتحت : هلا الحمد لله على السلامه استغربت نجلاء هالاستقبال منهم لكنها طنشت وجلست تسولف مع خالتها والعنود ولمى فيصل كان جالس معهم ويسولف ويضحك فيصل : اقول لمى وين نجود ؟ لمى : بسم الله على بالي نسيتها فيصل : تستهبليين انساها ؟؟؟ يالله روحي جيبيها مشتاقه لها مووووت لمى راحت تنادي الشغاله لان نجود كانت نايمه فقالت للشغاله تقومها وتلبسها وتروشها وبعد نص ساعه دخلت عليهم نجود اللي ماكانت تدري ان فيصل موجود نجود : هئئئئئئئئئئ خالو فيصل ؟؟؟؟؟؟؟ فيصل : هلاااااااااااااااااااااا والله نجوووووووووود تعالي نجود نطت لا شعوريا لفيصل: خالوووووووووووووووووو فيصل : ههههههههههههههههه عيون فيصل نجلاء تناظرهم يااه شقد فيصل يحب الاطفال وطوول الوقت ونجود على رجل فيصل وتتدلع عليه نجود : خالووو وين رحت ؟؟
| |||||||
|
|
|
January 20, 2008, 02:22 AM
| رقم المشاركة : 48 (permalink) | |||||||
| رد: غرور و كبرياء .. القصة كاملة .. (( قصة رووووووووعة )) فيصل: هههه رحت ايطاليا نجود : ليش ترووح ؟ فيصل: عشاني تزوجت نجود تاشر على نجلاء: هذي زوجتك؟ فيصل : انتي ماسلمتي عليها ؟ نجود حطت راسها على صدر فيصل : استحي فيصل: لاااا ترا ازعل منك يالله روحي سلمي عليها راحت نجود ونجلاء كانت منشغله في سوالفها مع لمى والعنود ما حست الا ببوسه انطبعت على خدها نجلاء: ياااااا قلبيييي تعالي (وباستها ) رجعت نجود لفيصل ام فهد : اقول يمه فيصل روحوا ريحوا توكم جايين من مطار وطياره وتعب فيصل: ان شاء الله (ياشر لنجلاء) يالله نجلاء نجلاء: يالله تصبحون على خير فيصل : يالله تصبحون على خير واذا جا ابوي سلموني عليه يمكن ما اقدر اشوفه اليوم ام فهد : لاحق ان شاء الله يالله تصبحون على خير راحوا فيصل ونجلا لغرفتهم اول ما دخلت نجلاء الغرفه انبهرت نجلاء مطيره عيونها : الله هذا ذوقك؟ فيصل بنظره فخر : احم اعجبك انا ذويق نجلاء: ماشاء الله عليك رووووووعه فيصل : مهيب احلى منك نجلاء استحت فيصل : ياربيييييييييييييي لا تعذبيني انتي نجلاء تبي تتهرب : انا بروح اخذ شاور ممكن؟ فيصل : خذي راحتك راحت نجلاء وخذت شاور وفيصل كان يحمد ربه على هالعيشه ويتحسف على الايام اللي راحت بطقاق ومناقر بعد ثلث ساعه طلعت نجلاء من الحمام وراح فيصل بعدها عشان ياخذ شاور بعد فتره طلع فيصل من الحمام دور نجلاء مالقاها دخل الغرفه الرئيسيه لقاها على وش انها تنوم وهو يبيها تسهر معه باي طريقه فيصل : نجلاء تو الناس بتنومين الحين؟ نجلاء بكسل : ايه والله فيني النووووووووووووووووم فيصل : طيب انا مافيني النوم وش اسوي؟ نجلاء : فيصل الله يخليك ابي انوووم فيصل راح لها وشال اللحاف منها : اقول لك قومي فيه زوجه تخلي زوجها وتنوم وهي توها عروس.؟؟ نجلاء : فيصل اااسفه والله فيني النوم وابي انوم فيصل : وانا وش اسوي اكلم الجدران؟ نجلاء قامت بعصبييه : طيب وراحت للحمام تغسل وجهها وفيصل حس بالنتصار نجلاء جت ونطلت جسمها على الكنب: هاه وش يالله قمت سو لي شي يستاهل اني اخرب نومتي عليه راح فيصل وجلس جنبها : وانا ما استهال تخربين نومتك عليه؟ انحرجت نجلاء وابتسمت فيصل : يااااااااااااارب ارحمني ما اقدر انا نجلاء بدلع : فيصل استحي فيصل خلاص انجن عليها : ياربييييييه على تللي يستحون يا ناااااااااس بعد فترة صمت تقريبا 10 دقائق نجلاء : يالله وش بنسوي يعني بنتقابل كذا ؟ فيصل : ايه يكفي اني قدام قمر وش ابي اكثر من كذا ؟ نجلاء توردة خدودها : ترا بروح انوم فيصل : خلاااااص (وحط يده على فمه ) هه بعد كم ثانيه فيصل : اقول وش رايك نشزف لنا فلم؟ نجلاء : يالله والله فكره من زماان عن الافلام فيصل : ايه ايام ماكنتي انسه لاكن الحين انتي مدام وقريبا ام عيالي نجلاء خلاااااااااااااص راحت فيها وقامت بنحاش(تهرب) من الموقف بس فيصل مسكها وهو يضحك : خلاااص والله خلااص بتوووووب نجلاء : لااه وش يضمن لي انك ماتعيدها فيصل : ما اضمن بحاول يختي وش اسوي تهبليييييين وانتي مستحيه ودي اقطع خدودك نجلاء: لاااااااااه وش شايفني معمل تجارب؟ فيصل : طيب خلاص اسفيييييييييييين بس خلينا نشوف لنا فلم حلو كذا نجلاء: أي فلم ؟ فيصل : مدري انتي وش ودك ؟ نجلاء: انت وش عندك ؟ فيصل : كل شي تبينه عندي نجلاء: امممممممم عندك فلم هندي؟ فيصل ما قدر يمسك ضحكته :ههههههههههههههههههههههههاااااي نجلاء تناظره باستغراب : ماقلت شي يضحك؟ فيصل : ههههه فلم هندي هاه ههههههههه نجلاء عصبت عليه وقامت بتنوم لحقها فيصل للغرفه ولقاها تصيح تفاجئ فيصل تصييح؟ ليش؟ وش فيها ؟ نجلاء كانت تصيح لانه قهرها استفزها وتريق عليها يكفي اللي يسويه من وراها كانت تحاول تخفي كبوس ساره عن عينها فكانت تبكي بصوت مكتوم ماكانت تبي فيصل يسمعها تخاف يقول وش ذا البزر اللي تصيح على كل شي دخل فيصل بهدوء ما حست فيه نجلاء اللي كانت تبكي فيصل بصوت هاادئ :نجلاء انتي تبكين؟ نجلاء عرفت انه كشفها : هاه لا فيصل جلس على طرف السرير: اجل هذي وش هي ؟ (ياشر على عيونها ) نجلاء: لا بس دخلت شعره في عيني فيصل : نجلاء انا مو غبي ولا مغفل ابي افهم وش سبب هالدموع ممكن؟ يتبع
| |||||||
|
|
|
January 20, 2008, 02:23 AM
| رقم المشاركة : 49 (permalink) | |||||||
| رد: غرور و كبرياء .. القصة كاملة .. (( قصة رووووووووعة )) الجزء الرابع عشر الفصل الاول دخل فيصل بهدوء ما حست فيه نجلاء اللي كانت تبكي فيصل بصوت هاادئ :نجلاء انتي تبكين؟ نجلاء عرفت انه كشفها : هاه لا فيصل جلس على طرف السرير: اجل هذي وش هي ؟ (ياشر على عيونها ) نجلاء: لا بس دخلت شعره في عيني فيصل : نجلاء انا مو غبي ولا مغفل ابي افهم وش سبب هالدموع ممكن؟ نجلاء كانت ذايبه على طريقه كلامه لانه يتكلم كانه يعرف عنها كل شي نجلاء: صدقني مافيه شي فيصل : اعيد واكرر انا مو غبي ولا مغفل نجلاء: وانا اقول لك والله شي تافه ومايسوى فيصل : وانا ابي اعرف هالشي ممكن ؟ نجلاء: الله يخليك فيصل خله في وقته وصدقني بيجي اليوم اللي اصارحك فيه فيصل ما حب انه يضغط عليها : اوكي بس توعديني انك تصارحيني مهما حصل نجلاء بابتسامه رضى: مهما حصل فيصل : يالله اجل انتي نومي الحين والصباح رباح نجلاء: وانت ؟ فيصل : يهمك ؟ نجلاء: اكيد يهمني مو انت زوجي(وسكتت) اول مره تصرح له انه زوجها هو فهم هالشي وابتسم فيصل : انا بغير ملابسي وبنوم لا تخافين نجلاء خلااص راحت فيها : يالله تصبح على خير فيصل : وانتي من اهل الخير قام فيصل قبل نجلاء وكان يحاول يقومها لكن هي سافهته فيصل : نجلااااااااااااااااااااء قومي وش ذا النوم نجلاء بهمهمه : همممممممم ابي انووم فيصل يبيها تقوم وهي ماعطته وجه وصعبه انه ينزل لحاله خصوصا انهم توهم متزوجين فيصل خذا قطعه منديل ويفركها في اذن نجلاء: ونجلاء حست بشي في اذنها فقامت تتحكك نجلاء: همممممم فيصل كاتم ضحكته : نجولتي.؟؟ نجلاء: ........... فيصل : نجووله ؟ نجلاء: ......... فيصل :نجييييييييل نجلاء: هاااااااااااااااه اسمع وش تبي فيصل: قووووومي يالله الساعه 10 يالنوااامه نجلاء:ياخي ما ابي انوم فيصل مل منها ما لقى له حل الا المويه جاب المويه في يده وبدا يقطر على عيونها نجلاء: وجع مشيري فيصل : لا يا حلوه انا فيصل مو مشاري نجلاء: فيصل حرام عليك ابي انووم فيصل : وانا اقول قومي نجلاء حست انها محاصره ومافيه مفر :افف طيب وقامت راحت للحمام تتحمم وفيصل يضحك ضحكه انتصاار طلعت نجلاء وراحت تغير ملابسها وتصلي طلعت من الغرفه لقت فيصل جالس ينتظرها نجلاء باستغراب:انت للحين هنا ليش مانزلت؟ فيصل : لو انزل صفقني ابوي بيقول توك معرس وزوجتك عروس شلون تنزل لحالك وهي لحالها استحت نجلاء: بدينااااااااا فيصل : يااااااااااربي على اللي يستحون يالله نزلنا نجلاء: نزلنا مسك فيصل يد نجلاء اللي بغت تموت من الحيا اول مره فيصل يمسكها ياي استحي شلون ننزل وانا يدي فيده ويوم وصلوا لاخر الدرج سحبت نجلاء يدها وفيصل فهم هالحركه لكن سكت وماعلق لان نجلاء كانت تزين الجلال عشان تتغطى لان فواز موجود فيصل : صباح الخييييييييير نجلاء بصوت واطي: صباح الخييييير ام فهد : هلا والله صباح النور ابو فهد : هلا والله بعيالي صباح النور فواز:احم احم نمت وقمت وسافرت وجيت ماقلت لي مثله ابو فهد : تبيني اقول لك مثله؟ فواز بحمااااس: ايه ابو فهد : تعال اشتغل معي وازوجك واقول لك هلا والله صباح النور فواز : هذاك قلتها خلاص اصلا وش ابي بوجع الراس والزواج صح يا فيصل ؟ فيصل : لا والله تبي نصيحتي تزوج انا الحين اقول ياليتني متزوج من زمااان نجلاء استحت ونغزته فيصل ضحك بس ضحكه مكتومه فواز : للاااااااااه تنصحني اجل ؟ اسويها يعني ؟ فيصل : سوها وماراح تندم صدقني استااااااااااااااااانست ام فهد لانها عرفت ان ولدها مبسوط وشوي ودخلت عليهم العنود العنود : صباح الخييير ابو فهد : هلا والله ببنيتي صباح النور صرخ فواز: ظلم والله ظلم انا احتج (وقام فوق الكنب يصرخ) ابو فهد : بسم الله عليك وش جاك العنود عرفت انه غاار منها: ههههههههههههههههههه وش ذا الغيره من متى وهي عندك فيصل ميييييت ضحك : هههههههههههههههههه يا عمري يا فواز والله انك تنرحم ام فهد : تعال يا وليدي تعال اجلس جنبي نط فواز : ان شااااااااااااااااااء الله جلس جنب امه ويسولفون بصوت وااااااااطي( يقال لكم اسرار) ابوفهد : وش عندكم تتساسرون فواز باستهبال: اسرار خاصه رح قل للمجموعتك اسرار ابو فهد : هههههههههههههههههههههه على بالي عندكم شي دخلت عليهم رغد وعيونها منفخه من النوم : صباح الخير ابو فهد : هلا والله صباح النور صح النوم وش خليتي للناس رجع فواز : بس لحد هنا وخلااااااااص وطلع من الصاله ورجع دخل بابتسامه فواز: صباح الخير الكل: ههههههههههههههههههههههههههههههههههههههههه فهمو قصده وبما ان ابو فهد الاقرب لمدخل الصاله فهمس فواز فواز: قل يبه لا تفشلني ابو فهد : هلاا والله بنور البيت هلا والله بضحكة البيت احلى صباح نور لك فواز متشقق من الفرحه ويناظر اخوانه بكبريااء فواز : لا داعي يبه لا دااعي اقول يبه وش رايك نسوي اعاده اذا جا فهد ولمى الكل: هههههههههههههههههههههه ابو فهد : ولا يهمك تستاهل بعد مرور ساعات من الضحك والفرفشه اللي سببها فيصل ام فهد : يالله يا عيال الغدا جاهز راحو كلهم يتغدون... الكل تغدا بعدين فيصل طلع عنده كم شغله وفواز راح يقيلل والعنود ونجلاء ورغد فعدوا تحت .. نجلاء : تصدقون ودي اروح اشوف اهلي .. العنود : وشوله هم راح يجون اليوم ..وبعد خالتك .. نجلاء: انا عارفه بس شوفي اللحين الساعه ثلاث وهم راح يجون تقريبا الساعه 7 .. العنود : بس يا نجلاء انتي العروس يعني يبيلك ساعتين عند المرايه .. نجلاء : صح .. العنود : خلي روحتك لهم بكرة ..قعدي عندهم لين الليل .. نجلاء : وهذا اللي بيصير .. وطول ماهم جالسين ورغد ساكته ..وبعدين قامت .. العنود : وين يا رغد .. رغد بكشرة : اروح اكلم نوف ابرك من سواليفكم اللي مالها داعي .. نجلاء تناظر رغد باستغراب وش فيها ذي على انا وش سويت لها عشان تعاملني كذا بس كيفها انا بطنشها وشوله احرق اعصابي عليها .. وقعدوا العنود ونجلاء يسولفون عن ايطاليا وش سوا وين راحوا لحد تقريبا الساعه خمس ... نجلاء :اقول العنود انا بروح فوق يعني ياله يمديني اللبس واتعدل لي هم جايين .. العنود حتي انا بروح البس .. نجلاء : الاعنود قولي لي من اللي بيجي .. العنود : ابد بس خالتي وخالتك وبناتهم..واهلك . نجلاء : بس.. ماله داعي اكشخ مره .. العنود : ماادري بس يمكن امي تنادي الجيران..مالدري تري مو اكيد .. بعدين وش هذه ماله داعي اكشخ يا حبيبتي انتي عروس .. تعرفين يعني ايش عروس .. نجلاء : ههههه ايه اعرف يعني ايش عروس العنود:طيب ياله روحي البسي .. طلعت نجلاء فوق وفتحت الدولاب .. نجلاء :يا ربيه وش البس .. وطلعت ثلاث فساتين نعومات .. وصفتهم على السرير وظلت اطالع فيهم محتارة ...الفستان الاول شيفون لونة وردي نعوم لدرجة رهيبه والثاني اورنج والثالث اسود .. وظلت نص ساعه وهي محتاره كل اشوي تقول بلبس هذا بعدين تغير رايها ..لحد ما دخل عليها فيصل فيصل : السلام .. نجلاء وهي فرحانه .. وعليكم السلام .. فيصل : وش عندك مبتسمه اشوف .. نجلاء :لاني كنت محتاره وش البس وجيت انت .. فيصل : طيب يعني واذا جيت .. نجلاء : هههههه ابييك تشور على وش البس أي واحد فيهم .. فيصل وهو يناظر الفساتين اللي على السرير .. فيصل: كلها حلوه .. نجلاء : انا عارفة ان كلها حلوه عشان كذا ماعرفت وش البس.. فيصل : طيب ..البسي .. نجلاء : يله بسرعة .. فيصل : هههههه طراره وتتشرط .. نجلاء الحين انا طراره .. فيصل محشومه يا حرم فيصل ..بس هذا مثل .. نجلاء :وليش عاد يا حرم فيصل ..الاصح يا بنت عبد الله .. فيصل :بس انا ماكذبت انتي حرم فيصل صح ولالا .. نجلاء: صح ..بس قلي وش البس .. فيصل : شوفي هذه شيليه مايصلح .. وشالت نجلاء الاسود ودخلته في الدولاب فيصل : خلاص البسي الوردي .. نجلاء : طيب خلاص .. فيصل : ايه المفروض من الاول .. نجلاء : مالدري كنت محتارة .. فيصل :طيب انا بدخل شور ... نجلاء : لا لحظة انا بدخل اول .. فيصل : لا انا اول .. نجلاء : فيصل تكفي وله وراي تزين شعر ومكياج.. فيصل : لا ... نجلاء : تكفى الله يخليك .. فيصل : اصلا ماله داعي مكياج انتي حلوه بدونه .. نجلاء : ادري .. فيصل : يا شين الغرور .. نجلاء تبتسم بثقه : يا حبيبي هذا موغرور هذي ثقه في النفس .. فيصل : احلا ياثقه .. طيب عشان الثقه .. ادخلي قبلي بس بسرعه مو طولين .. نجلاء : ان شاء الله وعلطول خذت ملابسها ودخلت الحمام قبل مايغير رايه .. خذت شاور سريع وطلعت ودخل فيصل على طول .. ظلت تلبس وتعدل شعرها وتتمكيج .. طلع فيصل من الحمام وهي مخلصه .. فيصل وهو يصفر : وش هالزين .. معقول هذي حرمتي .. نجلاء استحت : فيصل .. خلاص .. فيصل يبتسم : انا مادري متي بتتخلصين من هالحيا .. نجلاء : لين حجت البقرة على قرونها .. فيصل : اذا كذا مافية امل .. نجلاء : يله يا فيصل انا نازلة تبي شي ... فيصل : لا لحظة خلينا ننزل سوى ... جلست على السرير تستنا فيصل لحد مايخلص.. قامت تبي ادخنة .. وعلى الساعة سبع ونص خلصوا ونزلوا اول مادخلوا تنحنح فيصل العنود : خلاص فيصل ادخل .. دخل فيصل ونجلاء وكان موجود العنود ورغد ونوف .. نجلاء وفيصل : السلام عليكم ... الكل : وعليكم السلام .. نوف بابتسامه : هلا والله فيصل وش اخبارك .. نجلاء ظلت تناظر نوف باستغراب معقوله في ناس بالوقاحه هذي.. فيصل : الحمدلله بخير .. انتي وش اخبارك .. نوف بوقاحه : هاه فيصل وشلون السفره معاك عساك انبسطت .. فيصل وهو منقهر حس بتجاهل نوف لنجلاء .. فيصل يبي يراضي نجلاء: وهو فيه احد يسافر مع هالزين وما ينبسط .. ويلتفت يناظر نجلاء ويبتسم .. ونجلاء رت له الابسامه بس اكيد بخجل .. نوف والله اوريك يا نجيل ان ما خليت هالابتسامه دموع ما اكون نوف .. طيب اضحكي الحين .. نجلاء وهي مقرره تتجاهل نوف مثل ما تجاهلتها : اقول العنود من فيه جوا .. العنود : امك وخالتي ولمى وعبير والهنوف .. نجلاء : طيب انا بروح اسلم .. فيصل : حتى انا بروح عند الرجال .. تبين شي نجلاء .. نجلاء : لابد سلامتك .. فيصل : الله يسلمك .. يله مع السلامه .. الكل : مع السلامه .. طلع فيصل ودخلت نجلاء عند الحريم واول ما دخلت راحت لامها وحضنتها وجلست تصيح .. وامها بعد صاحت معها .. . ثواني وسكتت ام راشد وهدت نجلاء وسلمت على الباقين ولمى جت لعبير حضنتها .. بس ما صاحت .. نجلاء : ياااي يا اني مشتاقتلك بشكل .. عبير : كلنا والله البيت من دونك ما يسوا .. نجلاء وهي تبعد عن عبير شوي : وين عبود وحمود .. عبير : والله حطيتهم في بيت اهلي .. نجلاء وهي تجلس جنب عبير : ليش وخالتي ما راح تجي .. عبير : الا بتجي .. بس رنا ما راح تجي .. نجلاء : ليش عاد والله اني مشتاقه لها .. عبير : لا بس هي ما سكه عيالي .. وهديل بعد .. نجلاء مستغربه : هديل ؟؟؟
| |||||||
|
|
|
January 20, 2008, 02:24 AM
| رقم المشاركة : 50 (permalink) | |||||||
| رد: غرور و كبرياء .. القصة كاملة .. (( قصة رووووووووعة )) عبير تذكرت ان نجلاء ما تدري : هاه ..هديل . اوكي راح اقولك او خلي ريم اذا جت تقولك .. لان ما يصلح عند الناس .. نجلاء : عبير تراك وترتيني .. عبير تبي تريح نجلاء : هههههههه وش اوترك عادي الموضوع عادي .. دخلت عليهم ام عبير وريم اللي ما شاء الله كانت روعه واناقه بشكل فضيع .. وسلموا ولمى وصلت ريم عند نجلاء حضنو بعض وصاحوا . ريم وهي تبعد عن نجلاء: الله يخسك لك فقده يالخايسه .. نجلاء تضحك وهي تمسح دموعها : وانتي كذا ما فيه اسلوب في الكلام . .. اللي يشوف شكلك بيقول وش هالنعومه .. بس بيسمع كلامك بيهون .. ريم : هاه بدينا سب .. اقول خلينا نجلس قاموا يناظرونا .. نجلاء : ههههههههه .. وظلوا الكل يسولف من جهه وازعاج .. وعالساعه 11 حطوا العشاء ودخل الكل وتعشى .. وبعد العشاء سحبت نجلاء ريم .. ورقت هي وياها فوق في غرفت نجلاء .. ريم وهي فاقه عيونها : نجيل وش هالجناح يهبل .. يهبل .. نجلاء : ذوق فيصل .. ريم : انا من الاساس اقول ان فيصل ذوقه حلو ولا كان ما اختارك زوجه له نجلاء في نفسها .. ليش عاد وفيصل هو اللي مختارني .. نجلاء : المهم خلينا من الغرفه .. وقوليلي .. ريم تحمست وجلست على الكنب : وش اقول .. نجلاء : من هديل اللي عند رنا .. عبير قالت خلي ريم تقولك .. ريم : ههههههههه .. ايه ما تبي تتورط نجلاء : ريم وش تتورط بسرعه قولي لي ..ترى صبري نفذ .. ريم :: انا بقولك الموضوع بس لا تقاطعيني .. نجلاء : يله قولي .. ريم وهي خا يفه من ردت فعل نجلاء : كل ما في الموضوع ان هديل هذي بنت مشعل . وقطعت عليها نجلاء : مشعل ؟؟ ريم : الحين مو انا اقول لا تقاطعيني .. نجلاء وهي مو فاهمه شي : طيب كملي بس بسرعه .. ريم : شوفي هذا مشعل يوم كنتو في الكويت .. الظاهر كان فيه بنت سعوديه هناك هو يحبها .. وقال لبوك .. انه يبي يتزوجها .. بس ابوك رفض .. فقام مشعل تزوجها .. حتى ما لاحظتي انو انتم جيتوا اول بعدين هو لحقكم .. نجلاء : بس هذا كان من اربع سنين .. ريم: ايه.. هو تزوجها وجابها .. بعدين جاه بنت .. يالله يا نجلاء وش بنت .. ذي ملاك مو بنت .. تهبل .. نجلاء والعبره خانقتها : صدق .. ريم : والله تهبل .. تشبهلك .. وتشبه لمشعل .. بشكل فضيع ... نجلاء على طول من سمعت ان هديل تشبها جلست تصيح .. ريم .: نجلاء خلاص .. تكفين .. نجلاء : يعني انا عندي بنت اخو وانا ما ادري . .. طيب كم عمرها .. ريم : تقريبا ثلاث سنين وخمس شهور .. نجلاء : طيب يا مشعل انت بس خلني اشوفك.. ريم بنبرة حزن : هو اللي فيه كافيه .. نجلاء : ليش .. ريم : لا بس ابوك .. يعامل مشعل ولا كانه موجود .. يعني يجلسون سوا على الغدا .. تخيلي حتى كلمه وحده ما يكلمه .. نجلاء : طيب انتي وش دراك .. ريم : انا امس كنت نايمه في غرفتك .. وتغديت معهم .. وشفت التجاهل من ابوك .. لمشعل .. نجلاء : انا بكره بروح وبحاول اكلم ابوي .. ريم : ايه نجلاء تكفين .. والله مشعل قاطع قلبي .. نجلاء : لا لازم اكلمه .. ورن جوال ريم .. وردت .. ريم : الوو عبير: ريم .. وينك .. ريم :انا فوق مع نجلاء .. عبير : ما شاء الله عليك .. ريم : طيب .. وش تبين .. عيبر : بسرعه انزلي .. ترانا طلعنا .. ريم : ومن بيودينا .. عبير :: راشد .. يله بسرعه تراه برا .. ريم : يله نازله .. وسكرت الخط .. ريم وقفت : يله نجلاء مع السلامه .. نجلاء : مع السلامه .. وطلعت ريم من غرفت نجلاء وهي تركض في الدرج .. وهي في الدرج خبطت في شخص .. وبغت تطيح ..بس هو مسكها .. ظلت تناظر .. فيه .. ما تدري وش تسوي .. يا ربيه من هذا وين اروح .. حست انها بتصير ظلت تناظر فيه وهي ما تدري وش بتسوي .. وهو نفس الشي ظل يطالع فيها وهو فاق فمه .. يا ربيه من هالزينه .. واستوعب اللي قاعد يصير ووخر عنها عشان تنزل .. وهي ما صدقت خبر كانه هو اللي ما نعها على طول نزلت تركض .. بس على طول طلعت نجلاء من غرفتها وهي تصرخ .. نجلاء : ريم .. ريم .. وهو على طول سمع الاسم .. يا ربيه ريم . اسم على مسما .. نجلاء على طول شافته وتغطت بالجلال .: هلا فواز وش اخبارك .. فواز : هااه .. انا .. انا الحمد الله .. .. نجلاء : اقول فواز وانت ترقى ما شفت احد نازل .. فواز :احد .. احد مين يعني .. نجلاء : لابس ريم بنت خالتي نست جوالها .. فواز : هي راحت .. نجلاء : ايه راشد خذاهم .. فواز : عطيني اشوف يمكن ما بعد راحوا .. عطت نجلاء فواز الجوال .. وهو نزل يركض .. طلع فواز من باب البيت ولقى راشد ما بعد راح .. فواز :: راشد .. راشد .. راشد : هلا فواز .. فواز وهو يمد الجوال : خذ عطتني نجلاء الجوال .. تقول انه لبنت خالتك .. راشد خذا الجوال : خلاص طيب بعطيها ياه .... يالله مع السلامه .. فواز : مع السلامه .. وراح راشد وركب السياره : ريم .. ريم : هلا .. راشد : هذا جوالك .. ريم : هااه . .. ايه .. وخذت الجوال : من اللي عطاك اياه .. راشد : فواز .. يقول ان نجلاء هي اللي عطته اياه .. ريم : اهااااااا .. ريم ياربيه الحين هالمملوح هو نفسه فواز المهبول .. يا ربيه يهبل .. نجلاء نزلت ولقت رغد ونوف والعنود في الصاله وجلست معهم .. في البدايه .. كانت رغد ونوف هم اللي يسولفون .. بعدين فجاه التفتت نوف على نجلاء .. نوف : الا اقول يا نجلاء وش اسم البنت اللي تمشي معك في الجامعة .. نجلاء : مين مها .. رغد : ايه ايه هذي .. نوف : الصراحة تقهرني مشيتها .. رغد : الا صدق يا نجلاء هي ليش تمشي كذا .. نجلاء منقهره من طريقه كلامهم ..: صار لها حادث من كم سنه ومن وقتها وهي تمشي كذا نوف : اعوذ با لله تقولين كانها معوقه .. نجلاء بدت تعصب : على فكرة يا نوف تري الاعاقة ما هي عيب .. العنود : هذي حكمة ربك يا نوف واذا معوقة وش يصير .. رغد :بس يختي لبسها ما ادري وشلون قراوه .. نجلاء : لولا اختلاف الاذواق لبارك السلع .. نوف : بس انتي ليش تتماشين ها لا شكال الصراحة قراوه .. قامت نجلاء وهي معصبة : ان شاء الله يا رغد اذا جيت بختار لي صديقه مره ثانيه بشاورك انتي ويا ها .. وطلعت نجلاء .. العنود : حرام عليك انتي ويا ها وش ها لكلام اللي قلتوه رغد : ما قلنا الا الصدق... العنود : والله حرام .. ما تقولون هذي عروس وتوها داخله بيتنا .. نوف : توها ما بعد شافت شي .. العنود وهي طالعه القعده مع غيركم ابرك وطلعت وقابلها فيصل .. فيصل : العنود وين نجلاء .. العنود وهي مرتبكه : هاه .. نجلاء .. فيصل : ايه نجلاء .. العنود : فوق .. فيصل : خلاص اوكي .. نجلاء وهي معصبه : اذا اول يوم كذا .. كيف باقي الايام .. الاقيها منك يا فيصل .. ولا من اهلك والا من مشعل اخوي .. الله يعيني بس وقعدت على السرير وهي تصيح ودخل عليها فيصل .. فيصل : نجلاء ... نجلاء .. نجلاء تحاول تمسح ادموعها قبل ما يشوفها فيصل .. فيصل : نجلاء وش فيك .. نجاء تحاول تكون طبيعيه وتبتسم : انا .. ما فيني شي .. فيصل وهو يجلس جنب نجلاء على السرير : وشلون مافيك شي ... وهالدموع.. نجلاء : ان.... .... وما قدرت تتكلم وقعدت تصيح .. فيصل يقرب من نجلاء ويمسح دموعها .. فيصل : نجلاء خلاص الله يخليك .. والله ما احب اشوفك تصيحين .. نجلاء ترفع راسها وتناظر فيصل .. فيصل حس بشعور غريب لما شاف الحزن في عيون نجلاء .. انا لازم امحي هالحزن لازم ابدله بفرح .. لازم احسسها بالامان .. اكيد في شي .. مستحيل تصيح كذا من الباب للطاقه .. لازم فيه سبب وسبب كبير بعد بس انا ما راح اضغط عليها .. كل اللي علي الحين اني اوسع صدرها واطلعها من الحزن اللي هي فيه .. فيصل بحنية الدنيا كلها : يله نجول قومي غسلي وجهك ولبسي عبايتك .. نجلاء مطيره عيونها : ليش .. فيصل : عشان نطلع نتمشى .. نجلاء : وين نتمشى والساعه 12 .. فيصل : معليش ندور في السياره شوي .. يله قومي .. نجلاء : طيب انا فيني النوم .. فيصل وهو يبتسم : ما فيه نوم .. انا قلت نطلع .. يعني نطلع .. الهنوف : والله العظيم يا نوف نجلاء هذي ما اقدر استحملها .. نوف : والله حتى انا .. الهنوف : تدرين ان خالتي موصلتها للسماء .. ولا كاني بنت اختها ومرت ولدها الكبير .. نوف وهي تضحك : هههههههههه .. فاتك وش سوينا فيها .. انا ورغد .. الهنوف : وش سويتوا .. وقالت نوف للهنوف كل اللي صار بينهم .. الهنوف : فاتني يا ليتني معكم .. نوف : ههههههه والله كان شكلها نكته لما عصبت .. الهنوف : ههههه قهر ما عمري شفتها معصبه .. نوف : لا ورقت فوق ولا عاد نزلت .. الهنوف وهي عاقده حواجبها : من قال ما نزلت .. انا شفتها نزلت هي وفيصل وطلعوا .. نوف : وشلون طلعوا وانا يوم لروح كانت الساعه 12.. الهنوف : والله يانوف انتي تطلعين من هنا وهم ينزلون من هنا ... طيب حبيبتي فهد جا .. مع السلامه . نوف : خلاص اوكي مع السلامه .. وسكرت نوف السماعه من الهنوف .. نوف : والله اوريك يا نجيل .. طالعه تتمشين انتي وياه .. ياربيه طيب وش اسوي .. مالي الا ساره .. وخذت الجوال ودقت على ساره ... نوف : الوووو .. ساره : هلا والله .. اخبارك .. نوف : زفت .. ساره : ليش .. نوف : رحت اليوم لبيت خالتي .. ساره : ايه صح امس جا فيصل ونجلاء .. نوف : ايه جوا .. وياليتهم ما جوا .. ساره : ليش ..
| |||||||
|
|
 |
LinkBacks (?)
LinkBack to this Thread: http://www.ibtesama.com/vb/showthread-t_5143.html | ||||
| أرسلت بواسطة | For | Type | التاريخ | |
| غرور و كبرياء .. القصة كاملة .. (( قصة رووووووووعة )) - الصفحة 4 - روايات و قصص | This thread | Refback | May 14, 2007 05:55 AM | |
| أدوات الموضوع | البحث في الموضوع |
| أنماط العرض | تقييم هذا الموضوع |
| |
النمط الخطي
