على قبري بدال اسمي ابي كلمه خسرتني

آنا ماشفت نفسي يوم لاني منخلق من طين
ولو اسمي وصل عالي بظل الي عرفتني

ولكن للاسف هانت ليالينا بغمضة عين
وعلى الفرقا اسبابك نعم انت جبرتني

توصيت بطعناتي وبعد ما تنزف السكين
وقبل لا الفظ انفاسي على نفسي توصني!!

دخيلك قلبي الوافي لاتخليه ولا تطريه
وراس الي تحبه تصد عن مدى عيني

وصلت حق نهاياتي وشاللي بس بقا بتنهيه
على ما اظن ماباقي ولا حاجه تحس فيني

مدام انك تحبني وبنفس الوقت ماتوفي
ومدام انك وفيت لها وبنفس الوقت خنتني


حضنت قلبي ونمت وعلى صوتي انا تصحى
وإلا منك تمللت تحضنه وتمسيه

محال تصير في الدنيا بشر في داخله قلبين
تبيه بقلب وفي قلبك بعد قلبٍ يناديني

انا مابيك لو انك على الفرقا دهر تبكي
صعب ارضى بنزواتك ولوحتى بغيتني

ثلاث سنين أو أربع وكاد انها كثير سنين
بعد هذا العمر كله على ايامي صدمتني

بعد لاتنطق بكلمه رجيتك اسكت تكفى
اخاف انك ان تكلمت خطأ باسمها تسميت

واذا مره ذكرتني مع الايام ابي تنساني
ويبقى لك مثل ذكرى جميله لا ذكرتني

كثير الي يتمنونك واكيد انك تبي تلقى
وانسى يوم ما انت تمنيت ولقيتني

انا وش جابني لدربك انا وين وغرامك وين
انا اكبر من عيوبك وعيب انك عرفتني

وانسى انك ذبحتني وامانه ادفن السكين
وعلى قبري بدال اسمي ابي كلمة خسرتني
...............................
مع تحيات..(نصراويه حدي ومحد قدي)