المجلة الإلكترونية - مركز تحميل - القران الكريم - اتفاقية الاستخدام - تصفح الجوال - الاعلان - أضفنا في المفضلة

اشترك في مجموعة اصدقاء مجله الابتسامه البريديه الان
البريد الإلكتروني:

العودة   مجلة الإبتسامة > الموسوعة الادبية > روايات و قصص

روايات و قصص روايات ادبية , روايات بوليسية , روايات عالمية , قصص رومانسية , خيالية , حب , واقعيه


*•*||*•* روايه: حب مع الأيام رووعه وربي*•*||*•*

روايات و قصص



جديد مواضيع قسم روايات و قصص

موضوع مغلق

كيفيه ارسال موضوع جديد
 
LinkBack أدوات الموضوع انواع عرض الموضوع
قديم March 8, 2007, 04:06 PM   رقم المشاركة : 1
معلومات العضو
TrNeDo
موقوف





TrNeDo غير متصل

*•*||*•* روايه: حب مع الأيام رووعه وربي*•*||*•*





هذي روايه رهيبه

تتكون من 37 جزء

وهذا الجزء الأول ..

أبيكم تردوون وتعلقون على الشخصياات

عشان كذا ..أعرف إنكم متحمسين..



الجزء الأول



في الصالون :

نور : بسرعة تراني متأخرة على الحفلة
الكوافيرة : أوك مدام
نور : أي عفية

و بعد ربع ساعة كملت الكوافيرة تسريحة شعرها .. فخذت ثيابها و راحت تبدل ..

نور : كم صار ؟
الكوافيرة : 20 دينار
نور : تفضلي .. مع السلامة
الكوافيرة : مع السلامة

ركبت سيارتها و قعدت تمشي بسرعة جنونية لأن حفلة زواج خالها بدأ و هي لحد الحين مب هناك .. و ما أنتبهت الا على صوت ارتطام .. فطلعت من سيارتها مستحمقة ..

نور : أنت عمي ما تشوف ؟
.... : مسامحة أختي ما كنت أقصد أدعمج بس لأني مستعجل ..
نور و هي تقاطعه : لا و الله بس تفكر بنفسك حتى انا مستعجلة
.... و هو يطالعها من فوق لتحت : اي يبين عندج حفلة .. عيل ماني معطلتج و لة معطل نفسي .. بعطيج رقم موبايلي عشان تتصلين فيني و نحدد تكاليف سيارتج ..
نور : شوف يا ..
.... : يوسف
نور : شوف يا أخ يوسف أنا ما أقدر أطول الحين .. أنت هات الرقم و انا بعطيه لأبوي عشان يتصرف
يوسف : تفضلي
نور : دام فضلك
يوسف : أكرر أسفي .. في أمان الله
نور : مع السلامة .. و ركبت سيارتها بس ها المرة كانت تمشي بهدوء و تفكر بالحادثة اللي صار لها الى أن وصلت تفكر في الأخ اللي دعمها .. كان وسيم بطوله و شكله ..
نور و هي تقول بقلبها : أعوذ بالله أنا في شنو قاعدة أفكر .. بس شخصيته كانت قوية .. ليكون هاي أعجاب ؟ .. و استغرقت في تفكيرها الى أن وصلت للفندق

..
في الفندق ::

نور : السلام عليكم
نوف : و عليكم السلام .. و ينج ؟ جان رقدتي أكثر ؟
نور : شاسوي في طريجي واحد دعمني
نوف و هي تشهق : الله يقطع ابليسه ما لقى الا اليوم يدعمج .. بس عسى سيارتج ما تضررت وايد ؟
نور : لا بس انشمخت شوي .. و هو عطاني رقمه عشان يدفع تكاليف التصليح
نوف : لازم يدفع الا تعالي امج وايد تحاتيج
نور : وية عليها مسكينة
نوف : بسرعة امشي ندش القاعة عشان تتطمن عليج
نور : يالله عيل أمشي

( نوف هي أعز رفيجة عند نور .. و اللي قوى علاقتهم أكثر هو أن اليوم عرس خال نور ( حسن ) من خالة نوف ( أحلام ) )

في القاعة :

أم نور : وينج يمة تأخرتي وايد ؟
نور : شاسوي يمة تدرين زحمة الشوارع و لا واحد دعمني
أم نور و هي خايفة : وية على بنيتي الوحيدة عسى ما صادج شىء ؟
نور : لا يمة الحمدلله بس سيارتي شوي تشمخت
أم نور : الف حمدلله بدال السيارة عشر .. ما يغلى عليج شىء بنيتي
نور : يعلني ما انحرم منج يمة
أم نور : شخبارج نوف ؟ و شخبار أمج ؟
نوف : الحمدلله كلنا بخير ..
أم نور : أمج ما تبين وينها ؟
نوف : اكاهي عند العروس
أم نور : عيل أستأذنكم بروح عندها
نوف : نوارة قومي نرقص ؟
نور : اوك




في قاعة الرياييل :


يوسف : تدري أحمد شصادني في الطريج
أحمد : شدراني .. ليكون شايفني ساحر
يوسف : خخخخ تنكت وية ويهك
أحمد : الا تعال شصادك ؟
يوسف : دعمت سيارة من السرعة
أحمد : عسى ما صار شىء ؟
يوسف : لا الحمدلله سيارتي صاحية بس سيارة البنية شوي تشمخت
أحمد و هو فاج عيونه : داعم بنية ؟
يوسف و هو سرحان : ولة كل البنات
أحمد : أقول يا السرحان .. شتفكر فيه ؟ تراني أفهمك .. فضفض اللي في قلبك
يوسف : هااا مدري شصادني من أول ما شفتها
أحمد : نقدر نقول حب
يوسف : هه روح ول .. اي حب يا ريال .. اممممم بس يمكن اعجاب
أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..
 

 




- آشجآر الكرز مغطآه ب الثلج .. رووعه .. !!
- مكياج وعطور مرة استايل
- آخر اصدار للعبة الشهيرة SKY FORCE v1.2
- ...دفآيآت عجيبه... ▪₪
- @__انواع __الغيـــره___13__ نوع__@







  

قديم March 8, 2007, 04:07 PM   رقم المشاركة : 2
معلومات العضو
TrNeDo
موقوف





TrNeDo غير متصل

رد: *•*||*•* روايه: حب مع الأيام رووعه وربي*•*||*•*






الجزء الثاني..



أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..
يوسف : لا أمش نطلع برع .. أبي أشم شوية هوا بعيد عن الازعاج
أحمد : زين عيل قوم

( يوسف و أحمد ربع من هم صغار .. جنة أخوان و أكثر )



في قاعة الحريم ::


نور : وايد ازعاج أمشي شوي نطلع
نوف : اي و الله انا مصدعة
نور : زين بروح اييب شيلتي و برد
نوف : ييبي شيلتي وياج
نور : تامرين أمر




في حديقة الفندق ::

نوف : الله شحلاة الجو
نور : يهبل مب مثل داخل الصالة حر و ازعاج



يوسف : قوم نروح الحديقة .. نشوف الطبيعة و الورود شوية
أحمد : أشوف الأخ صار رومانسي
يوسف : فج وية ويهك
أحمد : هههههه
يوسف و هو مستغرب : شوف هناك قاعدة البنية اللي دعمتها
أحمد : تقصد اللي قاعدة وية أختك ؟
يوسف و هو يشد ايد أحمد : اي قوم نسلم عليهم




نوف : شوفي ها اللي قاعد ييي اخوي يوسف .. أنتي ولة قط مرة شفتيه
نور : أي ما شفت اخوج ابد ..
نور و هي مفججة عيونها : تشوفين اللي لابس بدلة .. هاي اللي دعمني
نوف : هاي هو اخوي
نور ما مداها تتكلم : ..
يوسف و أحمد : السلام عليكم
نوف و نور : و عليكم السلام
يوسف و هو يأشر على نور : مب أنتي اللي دعمتج ؟
نور : اي انا
نوف : يوسف ما عرفتها هاي نور أعز رفيجاتي علطول أكلمك عنها
يوسف : هذي نوووووووووووووور ؟
نور : اي انا نور
يوسف: تشرفنا بمعرفتج .. نوف علطول تكلمنا عنج
نور : عسى بالخير ؟
يوسف وهو يبتسم : أي علطول بالخير
أحمد و هو يقطع حديثهم : شلونج نوف ؟
نوف بحيا : الحمدلله بخير أنت شلونك ؟
أحمد : الحمدلله يسرج حالي
يوسف : يالله نترخص
نوف : في حفظ الله
بعد ما راحوا يوسف و أحمد
نور : اقول يا الخاينة طلعتي تخشين عني سوالفج
نوف : اي سالفة
نور : اي بعد تغيبي .. قصدي عن سالفة أحمد
نوف أنقلب ويهها لون أحمر : عبالي عندج سالفة .. الله يسلمج هاي رفيج أخوي .. وايد وية بعض جنهم أخوان
نور : اهاااا يعني بس جذي ؟
نوف : شتقصدين نورو ؟
نور : اقصد يا الرومانسية أنج تحبينه
نوف و هي ترتجف : اي حب انتي وية ويهج
نور : ترى عيونج قاعدة تفضحج .. و تكشف الحقائق و تقول انج تحبينه
نوف و هي سرحانه : اي أحبة .. احبه
نور : ترى الحب مو حرام اذا كان صادق و بريىء
نوف و هي تقرب راسها من صدر نور : تظنين ها الشىء ؟
نور : اي




في الصالة ::

حسن : هاي أحلى يوم بحياتي
أحلام بحيا : حتى أنا
حسن : شوفيني يا أحلام .. رفعي راسج
أحلام : .........
حسن : أوعدج أن حياتنا تكون مبنية على السعادة
أحلام : أتمنى ها الشىء
حسن : قومي حبيبتي نقطع الكيك
أحلام : أنشاءالله





- لا تجعل حياتك تنهدم برحيل انسان !!!
- إطلالة رائعه مع ألوان الزهر والبنفسج
- للاخت دلال الــــشعر
- ––•(-• الأرز بالل ح م ب،خطوات م،صوره •-)•––
- وظائف مضمونة براتب 3000 ريال لدى مركز التميمي







  

قديم March 13, 2007, 04:11 AM   رقم المشاركة : 3
معلومات العضو
TrNeDo
موقوف





TrNeDo غير متصل

رد: *•*||*•* روايه: حب مع الأيام رووعه وربي*•*||*•*




الجزء الثالث


تمت حفلة الزواج على خير
و الحين حوالي الساعة الساعة 4 الفجر .. و المقربين من العروس و العريس لحد الحين في

الفندق ..

أم نور : يالله أخوي تأخر الوقت لازم تلحقون على الطيارة
حسن : زين انتوا وديتوا الشنط المطار ؟
أم نور : السواق وداهم
حسن : تعبتج معاي يا ختي
أم نور : لا تقول جذي .. انا اللي ربيتك بعد وفاة أمنا الله يرحمها .. و سهرت على راحتك .. انت قبل ما تكون أخوي أعتبرك ولدي اللي أنحرمت من أنجابه ..
حسن : الله على كل شىء قدير .. يمكن ها الولد اللي ما يا يكون خير لج و لأبو نور
أم نور : و نعم بالله .. الا الطيارة متى بتحلق ؟
حسن : الساعة 6 الصبح
أم نور : عيل سرعوا .. انا بروح أجهز لكم السيارة
حسن و هو ينادي أحلام : يالله حياتي , لازم نروح المطار
أحلام : وااااااااي تعبانة
حسن : رقدي في الطيارة






في المطار

حسن : مع السلامة
أم نور و هي تبجي : الله يسلمك يا الغالي .. تروح و ترد لنا بالسلامة
حسن : لا تبجين أم نور ..
أم نور : شاسوي .. تعودنا على دمك الخفيف .. و فضولك الزايد .. و راح نفقد كل ها الاشياء في فترة سفرك ..
نور و هي تضحك : حسووووون لا تنسى تييب لي الساعة اللي خبرتك عنها
حسن : هيي شايفتني أصغر عيالج ..
نور و هي تطلع لسانها : لا شايفتك أخوي هههه
حسن : صج مالت عليج .. بس ولة يهمج ابشري الساعة بشتريها لج
نور : فديت ها الخال و الله
حسن : يا اللوسة مصلحجية ..
يوسف من بعيد كان يطالعهم و كان يضحك على حركات نور الطفولية ..
حسن و هو يصارخ : يوسف قرب
يوسف : هلا بو علي انشاءالله تروح و ترد بالسلامة ..
حسن : وية ويهك احترمني يا أخي مب جني زوج خالتك
يوسف : الا و النعم .. بس لا تنسى ان خالتي تربت وياي ببيت واحد من صغري

( حسن و أحلام عانوا من صغرهم .. حسن ابوه مات لما كان في بطن أمه .. و امه ماتت بسبة مرض السرطان يوم كان 9 سنين .. فربته أخته الوحيدة أم نور .. أما عن أحلام فأمها و أبوها ماتوا يوم كانت 5 سنين في حادث سيارة .. فعاشت مع أختها الوحيدة أم يوسف .. )

حسن : هيه التاريخ قاعد يعيد نفس الأحداث
من بعيد أم يوسف كانت تلوح لهم .. ولما أقتربت ..
أم يوسف : ها حسن دير بالك على أحلام .. تراها قطعة من كبدي
حسن : ابشري . الا وينها الحين ؟
أم يوسف: وية عليها تعبانة قاعدة على الكرسي هناك
حسن : عيل بروح أناديها لان الوقت وايد تأخر
أم يوسف : لا أنت روح كمل أجرائات السفر .. بقول لنور تروح تخبرها
حسن : انشاءالله
أم يوسف و هي تقول لنور : روحي نادي خالتج
نور : انشاءالله يمة




حسن يوم كمل كل اجرائات السفر .. و كان يبي يرد عشان ياخذ احلام لقى بطريجه بو نور و بو يوسف ..
بو نور : هلا بالمعرس ..
حسن : هلا و غلا بزوج اختي
بو يوسف : انشاءالله تروح و ترد بالسلامة
حسن : الله يسلمك
بو يوسف : ترى الطريج لفرنسا طويل ..
حسن : اي و الله .. الله يستر على ما اضن بشوف اكثر من 7 افلام في الطيارة
بو نور : ههههههههه عيل توفير عشان شهر ما تروح السينما
بو يوسف و حسن : ههههههههههههه
بو نور : متى بتحلق الطيارة ؟
حسن : اوووووو نسيت احنا وايد متاخرين .. خلونا الحق على المدام
بو نور : قوم اركض قبل ما تلحقك بالعصا
حسن : حرااااااااام
بو يوسف : ان كيدهن عظيم
حسن : ترى ما ارضى على حرمتي .. ووي فمان الله .. تراني وايد متاخر



راح حسن و خذ زوجته و دخلوا في الطيارة .. بأنتظار موعد التحليق ..





- كلمة.. بشارة ..نصيحة صورة معبرة
- سر .. ما براحة يد الأنسان ..
- فتاة تغازل الشيخ العريفي
- القبض على سحليه في المنتدى ...
- good to know‎







  

موضوع مغلق

روايات و قصص

روايات و قصص



مواقع النشر (المفضلة)
المواضيع المتشابهه
الموضوع كاتب الموضوع المنتدى مشاركات آخر مشاركة
برنامج يجعل سطح المكتب شفاف .... رووعه الرائد تحميل برامج و شروحات الكمبيوتر 15 April 1, 2011 12:18 PM
.. فلاش ميموري ( usb) رووعه .. ~ ولـد المـطـر ~ تحميل برامج و شروحات الكمبيوتر 12 March 13, 2011 10:23 PM
حقاائب للمكيااج رووعه أوتار الشوق مجلة المرأة والموضه 4 October 4, 2009 02:39 PM
فيديو كليب رووعه لزين الدين زيدان **& اليوازي &** ملفات الفيديو و الصوتيات 22 June 5, 2009 03:45 AM
*•*||*•* روايــه: حب مـع الأيـام رووعه وربي*•*||*•* TrNeDo روايات و قصص 28 May 27, 2008 02:14 PM


الكلمات الدلالية (Tags)
الأيام, روايه, رووعه, وربي•||•, •||•
أدوات الموضوع
انواع عرض الموضوع


معلومات عن الحيوانات كلمات عن الحياة تحميل برنامج محول الصوتيات كيفية الوضوء علاج الاكتئاب تحميل برنامج الفوتوشوب قصص مضحكه كلام عن الحب مجلة لها فوائد العسل ملابس محجبات ديكورات حوائط تحميل كتب مجانية تحميل افلام ابل اندرويد بلاك بيري كتب طبخ حواء صور السوق الالكتروني العاب تلبيس منتديات اسماء بنات جديدة وكالة ناسا


الساعة الآن 09:02 PM


Powered by vBulletin® Copyright ©2000 - 2014, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر